19-Dec-2023

ସମ୍ବଲପୁର(ସଂଜୀବ ପାଣିଗ୍ରାହୀ): ଆଜି କେନ୍ଦ୍ରୀୟ ବିଦ୍ୟାଳୟ ନଂ୨ ସମ୍ବଲପୁରର ୮ତମ ବାର୍ଷିକ କ୍ରୀଡା ସମାରୋହ ବୁର୍ଲା ସ୍ଥିତ କେନ୍ଦ୍ରୀୟ ବିଦ୍ୟାଳୟରେ ଅନୁଷ୍ଠିତ ହୋଇଥିଲା । ବିଦ୍ୟାଳୟ ପାର୍ଶ୍ଵରେ ଥିବା ଖେଳ ପଡିଆ ଠାରେ ଅନୁଷ୍ଠିତ ଏହି କ୍ରୀଡା ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷିକା ସୁସ୍ମିତା ପ୍ରଧାନ ସଭାପତିତ୍ବ କରିଥିଲେ l ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବେ  ବେଦଭୂଷଣ (ଆଇ.ଏ.ଏସ୍) କମିସନର ମୁନସିପାଲଟି ସମ୍ବଲପୁର ଏବଂ ବିଜୟନ୍ତ କୁମାର, ଜେନେରାଲ ମ୍ୟାନେଜର (ଏମ୍.ସି.ଏଲ୍) ୱଲଫାୟର ଡିପାଟମେଣ୍ଟ ସମ୍ମାନିତ ଅତିଥି ଭାବେ ଯୋଗଦେଇ ଛାତ୍ର ଜୀବନରେ କ୍ରୀଡାର ମହତ୍ବ ବିଷୟରେ ଉଦବୋଧନ ଦେଇଥିଲେ। ଉତ୍ସବରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ ଖେଳ ଶିକ୍ଷିକା ଶ୍ରୀମତୀ ପୁନମ ସିଂ ସମ୍ପୂର୍ଣ୍ଣ ରୂପେ ପରିଚାଳନା କରିଥିଲେ । ବିଦ୍ୟାଳୟର ଅଧ୍ୟକ୍ଷ ଆରୁଣି କୁମାର ମଞ୍ଚ ପରିଚାଳନା କରିଥିଲାବେଳେ ଶ୍ରୀମତୀ ସ୍ନେହାମୟୀ ସାମଲଙ୍କ ଦିଗଦର୍ଶନରେ କାର୍ଯ୍ୟକ୍ରମ ହୋଇଥିଲା ।ଏଥି ସହିତ ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀଙ୍କୁ ରଜନୀକାନ୍ତ ଦିଶ୍ରୀ ଏବଂ ଗାୟତ୍ରୀ ମିଶ୍ରଙ୍କ ତତ୍ତ୍ୱାବଧାନରେ ପୁରସ୍କାର ଓ ପ୍ରମାଣ ପତ୍ର ପ୍ରଧାନ କରାଯାଇଥିଲା । ଏହି କ୍ରୀଡା ଉତ୍ସବରେ ଚଳିତ ବର୍ଷର ଶ୍ରେଷ୍ଠ ଖେଳାଳି ଭାବରେ ସାଜିଦ ମହମ୍ମଦ ଏବଂ ଚଞ୍ଚଲ ସୁରିନ୍ ମନୋନୀତ ହୋଇ ମୂଖ୍ୟ ଅତିଥିଙ୍କ ଠାରୁ କପ୍ ଏବଂ ମାନପତ୍ର ଗ୍ରହଣ କରିଥିଲେ । ସନାତନ ବାଞ୍ଜି ଉତ୍ସବର ଶ୍ରେଷ୍ଠ ଦଳ ରମନକୁ ଘୋଷଣା କରି ଧନ୍ୟବାଦ ଭାଷଣ ଦେଇ ରାଷ୍ଟ୍ରଗାନ କରାଇଥିଲେ । ସମସ୍ତ ପରିଚାଳନା କର୍ମକର୍ତ୍ତା ସଦସ୍ୟ, କର୍ମଚାରୀ ଏବଂ ଛାତ୍ରଛାତ୍ରୀ ମାନଙ୍କର ଉତ୍ତମ ସହଯୋଗ ଫଳରେ ବାର୍ଷିକ କ୍ରୀଡା, ପୁରସ୍କାର ବିବରଣୀ ଉତ୍ସବ ସୁଚାରୁ ତଥା ସଫଳତାର ସହିତ ସମ୍ପାଦନ ହୋଇଥିଲା ।