19-Dec-2023

ବେଲପଡ଼ା (ପୂର୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ବେଲପଡା ବ୍ଲକ ଅନ୍ତର୍ଗତ ବାହାବଲ ଗାଁ ର ଧନେଶ୍ଵର ଧୋବା ଉଚ୍ଚବିଦ୍ୟାଳୟରେ ରୌପ୍ୟ ଜୟନ୍ତୀ ଉତ୍ସବ ଅନୁଷ୍ଠିତ ହୋଇଯାଇଛି। ଆଜି ପ୍ରଥମ ଦିବସ ରେ ବିଦ୍ୟାଳୟ ର ପୁରାତନ ଓ ନୂତନ ଛାତ୍ରଛାତ୍ରୀମାନଙ୍କ ଦ୍ବାରା ମଶାଳ ଶୋଭାଯାତ୍ରା ହୋଇଥିବା ବେଳେ ସମ୍ମାନିତ ଅତିଥି ଗୋଷ୍ଠୀ ଶିକ୍ଷା ଅଧିକାରୀ ଅଭିନବ ମିଶ୍ର ଙ୍କ ଦ୍ଵାରା ଦୀପ ପ୍ରଜ୍ଜ୍ୱଳନ

କରାଯାଇଥିଲା। ପ୍ରଥମ ପର୍ଯ୍ୟାୟରେ ତହସିଲଦାର ବନ ବିହାରି ହରପାଳ,ଅଭିନବ ମିଶ୍ର, ଏବିଇଓ ଚତୁର୍ଭୁଜ ମିର୍ଧା, ପ୍ରଧାନ ଶିକ୍ଷକ ରାଜିବ ଲୋଚନ ଜେନା ସମ୍ମାନୀତ ଅତିଥି ଭାବେ ମଞ୍ଚାସୀନ ଥିବାବେଳେ  ନିଜର ମତଦାନ ପ୍ରକାଶ କରିଥିଲେ। ପୁରାତନ ଛାତ୍ରଛାତ୍ରୀ ଓ ନୂତନ ଛାତ୍ରଛାତ୍ରୀମାନଙ୍କ ଦ୍ବାରା ଗୁରୁ ପୂଜନ କରାଯାଇଥିବା ବେଳେ ପ୍ରଧାନଶିକ୍ଷକ ରାଜିବ ଲୋଚନ ଜେନା, ଶିକ୍ଷକ ତୁଲାରାମ ଖମାରୀ, ଉଗ୍ରସେନ ଯୋଶୀ, ଦୀପକ ପ୍ରଧାନ, ସତ୍ୟ ନାରାୟଣ ପୁରୋହିତ, ରାମକୃଷ୍ଣ ପ୍ରଧାନ, ଉମାକାନ୍ତ ପାଢ଼ୀ ଅବସରପ୍ରାପ୍ତ ଶିକ୍ଷକ ଭାଗବତ ପାଢ଼ୀ ଓ ବନମାଳୀ ସାହୁ ମଞ୍ଚାସୀନ ଥିଲେ।ଦ୍ବିତୀୟ ପର୍ଯ୍ୟାୟ ରେ ମୁଖ୍ୟ ଅତିଥି ବିଧାୟକ ସରୋଜ କୁମାର ମେହେର ଯୋଗଦାନ କରିଥିବା ବେଳେ ସମ୍ମାନିତ ଅତିଥି ଭାବେ ବିଧାୟକ ଙ୍କ ପ୍ରତିନିଧି କୁମୁଦ ମହାଖୁଡ (ବାପି), ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର, ସରପଞ୍ଚ ବାବୁଲାଲ ପ୍ରଧାନ,ସିହିନୀ ସରପଞ୍ଚ ଶ୍ରଦ୍ଧାଞ୍ଜଲି ବେହେରା ମଞ୍ଚାସୀନ ଥିଲେ।୧୯୮୯ ମସିହାରୁ ବିଦ୍ୟାଳୟ ସ୍ଥାପନ କରାଯାଇଥିବାବେଳେ ବିଦ୍ୟାଳୟ ସ୍ଥାପନ କାର୍ଯ୍ୟ ରେ ସହଯୋଗ କରିଥିବା ବ୍ୟକ୍ତିଙ୍କୁ ମୁଖ୍ୟ ଅତିଥି ବିଧାୟକ ସରୋଜ କୁମାର ମେହେର ଧନ୍ୟବାଦ ଜ୍ଞାପନ କରିଥିଲେ। ସ୍ବର୍ଗତ ବ୍ୟକ୍ତି ଙ୍କ ପ୍ରଶଂସା କରିଥିବା ବେଳେ ଜୀବିତ ବ୍ୟକ୍ତି ଙ୍କୁ ସସମ୍ମାନେ ମଞ୍ଚକୁ ପାଛୋଟି ନେଇ ସମ୍ମାନୀତ କରିଥିଲେ। ଶେଷରେ ପ୍ରଧାନ ଶିକ୍ଷକ ରାଜିବ ଲୋଚନ ଜେନା ଧନ୍ୟବାଦ ଅର୍ପଣ କରି ସଭାସ୍ବାଙ୍ଗ କରିଥିଲେ। ସନ୍ଧ୍ୟାରେ ଲୋକକବି ପଦ୍ମଶ୍ରୀ ହଳଧର ନାଗ ଙ୍କ କାର୍ଯକ୍ରମ ରହିଥିବା ବେଳେ ମୁଖ୍ୟ ଅତିଥି ବିଧାୟକ ସରୋଜ କୁମାର ମେହେର ଉପସ୍ଥିତ ରହିଥିବା ବେଳେ ସମ୍ମାନିତ ଅତିଥି ଭାବେ ଗାଇସିଲେଟ ବ୍ଲକର ବିଡିଓ ତଥା ଏହି

ଅଞ୍ଚଳ ର ସୁଯୋଗ୍ୟ ସନ୍ତାନ ଲକ୍ଷ୍ମଣ ମାଝୀ ଉପସ୍ଥିତ ଥିଲେ।ପରେ ଶିଶୁ କଳାକାରଙ୍କୁ ନେଇ ଏକ ନାଟ୍ୟ ପାଞ୍ଚ ପଞ୍ଚା ପଞ୍ଚାବନ ନାମକ ପ୍ରଦର୍ଶନ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ପୂର୍ବତନ ଛାତ୍ର ଉପେନ୍ଦ୍ର ପ୍ରଧାନ ଦାୟିତ୍ଵ ତୁଲାଉଛନ୍ତି। ରୌପ୍ୟ ଜୟନ୍ତୀ ର ପରିଚାଳନା କମିଟି ରେ ସଭାପତି ଲୋହିତ ବାଗ, ସମ୍ପାଦକ ଉପେନ୍ଦ୍ର ପ୍ରଧାନ, କୋଷାଧ୍ୟକ୍ଷ ଶୁଶାନ୍ତ କୁମାର ଦେହେରୀ, ବିଦ୍ୟାଳୟ ସଭାପତି ବନମାଳୀ ବାରିକ ଏବଂ ସଦସ୍ୟ ବାସୁଦେବ ଭୁକ୍ତା, ଚୂଡ଼ାମଣି ପ୍ରଧାନ, ପ୍ରଶାନ୍ତ ଭୋଇ,କେଦାର ଥନାପତି,ଚନ୍ଦନ ଥନାପତି, ସହଦେବ ସାହୁ, ନାରାୟଣ ମିଶ୍ର,ସୌକିଲାଲ ବେହେରା, ଭୀଷ୍ମ ବାରିକ ଦାୟିତ୍ଵ ବହନ କରିଚାଲିଛନ୍ତି।