18-Dec-2023

ନୂଆଦିଲ୍ଲୀ(ପ୍ରେରଣା ଖବର ): ସଂସଦର ଚଳିତ ଶୀତକାଳୀନ ଅଧିବେଶନରେ ସହରାଞ୍ଚଳର ହିତାଧିକାରୀଙ୍କ ପାଇଁ ପ୍ରଧାନମନ୍ତ୍ରୀ ଆବାସ ଯୋଜନାରେ  ନିର୍ମାଣ ଖର୍ଚ୍ଚ ରାଶି ବୃଦ୍ଧି ଦାବୀ କରିଛନ୍ତି ରାଜ୍ୟସଭା ସାଂସଦ ନିରଞ୍ଜନ ବିଶି l ଆଜି ଅଣ ତାରକା ପ୍ରଶ୍ନ ଦ୍ୱାରା କେନ୍ଦ୍ର ଆବାସ ଏବଂ ସହର କାର୍ଯ୍ୟ ମନ୍ତ୍ରଣାଳୟ କୁ ଏନେଇ ସାଂସଦ ଶ୍ରୀ ବିଶି ଦୃଷ୍ଟି ଆକର୍ଷଣ କରିବା ସହିତ   କେନ୍ଦ୍ରୀୟ ସହାୟତାରେ ପ୍ରଧାନମନ୍ତ୍ରୀ ଆବାସ ଯୋଜନାର ନିର୍ମାଣ ଖର୍ଚ୍ଚ ବୃଦ୍ଧି କରିବାକୁ ଦାବି କରିଛନ୍ତି। କାରଣ ଆବାସ ନିର୍ମାଣ ପାଇଁ କଞ୍ଚାମାଲ ର ମୂଲ୍ୟରେ ଉଲ୍ଲେଖନୀୟ ବୃଦ୍ଧି  ଘଟିଛି l ବଜାର ଦର ବୃଦ୍ଧି ସତ୍ତ୍ୱେ କେନ୍ଦ୍ରୀୟ ସହାୟତା ରାଶି ବୃଦ୍ଧି ହେଉନାହିଁ l ସହରାଞ୍ଚଳ ର  ଗରିବ ହିତାଧିକାରୀ ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ ନିର୍ମାଣ ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ସାଂସଦ ଶ୍ରୀ ବିଶି କେନ୍ଦ୍ର ସରକାରଙ୍କ ଧ୍ୟାନ ଆକର୍ଷଣ କରିଛନ୍ତି l 
ସାଂସଦ ଶ୍ରୀ ବିଶି ଙ୍କ ଅଣ ତାରକା ପ୍ରଶ୍ନର ଲିଖିତ ଉତ୍ତରରେ କେନ୍ଦ୍ର ଆବାସ ଓ ନଗର ବ୍ୟାପାର ମନ୍ତ୍ରୀ କୌଶଳ କିଶୋର  ବିସ୍ତୃତ ଲିଖିତ ଉତ୍ତର ପ୍ରଦାନ କରିଛନ୍ତି। ମନ୍ତ୍ରୀ ଶ୍ରୀ କିଶୋର ଉତ୍ତରରେ ଜଣାଇଛନ୍ତି ଯେ କେନ୍ଦ୍ର ସହରାଞ୍ଚଳ ହିତାଧିକାରୀଙ୍କୁ ମୌଳିକ ସୁବିଧା ସହ ପକ୍କା ଘର ଯୋଗାଇବା ପାଇଁ ମନ୍ତ୍ରଣାଳୟ ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟକାରୀ କରୁଛି ବୋଲି କେନ୍ଦ୍ର ମନ୍ତ୍ରୀ  ଶ୍ରୀ କିଶୋର ସ୍ପଷ୍ଟ କରିଛନ୍ତି।