12-Dec-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଲକ ଧୁମାଭଟା ବୀଣାପାଣି କଲେଜ ରେ ଯୁବ ଓଡ଼ିଶା ନବୀନ ଓଡ଼ିଶା ଆନୁକୂଲ୍ୟରେ କ୍ରୀଡ଼ା, ସାଂସ୍କୃତିକ,ଓ ସାମାଜିକ କାର୍ଯକ୍ରମ ର ଉଦଯାପନୀ ଉତ୍ସବ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ମାନ୍ୟବର ପାଟଣାଗଡ଼ ବିଧାୟକ ସରୋଜ କୁମାର ମେହେର ଯୋଗଦେଇଥିଲେ। ସମ୍ମାନୀତ ଅତିଥି ଭାବେ ବିଧାୟକ ଙ୍କ ପ୍ରତିନିଧି କୁମୁଦ ମହାଖୁଡ (ବାପି), ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର, ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, କଲେଜ ପ୍ରତିଷ୍ଠାତା ମେମ୍ବର ନୀଳମଣି ନାଏକ, ଅଧ୍ୟକ୍ଷ ଦେବାର୍ଚନ ନାଗ, ଅଧ୍ୟାପକ ଜୟକିଶୋର ସାହୁ, ଅଧ୍ୟାପକ ମୁକେଶ କୁମାର ସାହୁ ମଞ୍ଚାସୀନ ଥିଲେ। ଏହି କାର୍ଯ୍ୟକ୍ରମ ନଭେମ୍ବର ୧୭ ତାରିଖ ରୁ ଆରମ୍ଭ

ହୋଇଥିଲା। ଏହି କାର୍ଯ୍ୟକ୍ରମ ର ଉଦଯାପନୀ ଉତ୍ସବ ତିନି ଦିନ ଧରି ହେବ ବୋଲି ସୂଚନା ମିଳିଛି। ଏହି କାର୍ଯ୍ୟକ୍ରମ ରେ ୬୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ବିଭିନ୍ନ ପ୍ରତିଯୋଗୀତା ରେ ଅଂଶ ଗ୍ରହଣ କରିଥିଲେ। ସେଥିମଧ୍ୟରୁ କ୍ରୀଡା ପ୍ରତିଯୋଗିତା ରେ ଦୌଡ଼,ଲମ୍ବଡିଅଁ, ଉଚ୍ଚ ଡିଆଁ, କବାଡି, ଜେଭେଲିନ, ଡିସକସ,ସଟଫୁଟ,ଚେସ,କ୍ରେମ, ଭଲିବଲ, ଫୁଟବଲ, ବେଡ୍ ମିଣ୍ଟନ,ଖୋଖୋ ଇତ୍ୟାଦି ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ ସାଂସ୍କୃତିକ କାର୍ଯ୍ୟକ୍ରମରେ ଏସେ, ବକୃତା, ନୃତ୍ୟ,ଗୀତ, ଚିତ୍ରାଙ୍କନ,ରଙ୍ଗୋଲି, ଡ୍ରାମା, ଅନୁଷ୍ଠିତ ହୋଇଥିଲା। ଏବଂ ସାମାଜିକ କାର୍ଯକ୍ରମ ରେ ରକ୍ତଦାନ ଶିବିର, ପ୍ଳାଷ୍ଟିକ ମୁକ୍ତ ଅଭିଯାନ,ୟୋଗା, ନିଶାମୁକ୍ତ ଅଭିଯାନ,ବାଲ୍ୟ

ବିବାହ ବିରୋଧରେ ସଚେତନତା, ଯୌତୁକ ପ୍ରଥା ବିରୋଧରେ ସଚେତନତା, ଗ୍ରାମରେ ପଥପ୍ରାନ୍ତ ନାଟକ ଛାତ୍ରଛାତ୍ରୀ ମାନଙ୍କ ଦ୍ବାରା ଅନୁଷ୍ଠିତ ହୋଇଥିଲା। ଏହି ପରିପ୍ରେକ୍ଷୀରେ ମୁଖ୍ୟ ଅତିଥି ବିଧାୟକ ସରୋଜ କୁମାର ମେହେର ଏବଂ ଅନ୍ୟାନ୍ୟ ଅତିଥି ମାନେ ଛାତ୍ରଛାତ୍ରୀ ମାନଙ୍କୁ ଟ୍ରଫି ସହିତ ପ୍ରମାଣ ପତ୍ର ପ୍ରଦାନ କରିଛନ୍ତି। ଏହି ଉତ୍ସବକୁ ଅଧ୍ୟାପକ ସତ୍ୟ ନାରାୟଣ ବଗର୍ତ୍ତି ମଞ୍ଚ ପରିଚାଳନା କରିଥିଲେ। ଶେଷରେ ଜୟ କିଶୋର ସାହୁ ଧନ୍ୟବାଦ ଅର୍ପଣ କରିଥିଲେ। ଉକ୍ତ କାର୍ଯ୍ୟକ୍ରମରେ କଲେଜ ର ସମସ୍ତ ଅଧ୍ୟାପକ ଓ ଅଧ୍ୟାପିକା ଏବଂ କର୍ମଚାରୀ ସହଯୋଗ କରିଥିଲେ।