14-Oct-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର)- ଡୁଙ୍ଗୁରିପାଲି ପୁଲିସ ପକ୍ଷରୁ ଆଜି ସାଇବର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସାଇବର ସଚେନତା ରଥ ଆଜି ସକାଳେ ଡୁଙ୍ଗୁରିପାଲିରେ ପହଞ୍ଚିବା ପରେ ଥାନାଧିକାରୀ ସତ୍ୟନାରାୟଣ ପଧାନ ରାମପୁର ଛକଠାରେ ଏହାକୁ ସ୍ୱାଗତ କରିଥିଲେ । ସେଠାରୁ ଏକ ବିରାଟ ସଚେତନା ଶୋଭାଯାତ୍ରାରେ ବାହାରି ସହର ପରିକ୍ରମା କରି ମହିଳା କଲେଜରେ ପହଞ୍ଚିଥିଲେ । ସେଠାରେ ଏକ ସଚେତନତା ସଭା ଜିଲ୍ଲା ପୁଲିସ ରକ୍ତ ଦାତା ସଂଘର ମନୋଜ ପଣ୍ଡାଙ୍କ ଅଧ୍ୟକ୍ଷତାରେ  ଉପଖଣ୍ଡ ପୁଲିସ ଅଧିକାରୀ ପ୍ରତାପ ରଣା ଯୋଗ ଦେଇଥିଲେ । ଅତିଥି ଭାବେ ମହିଳା ମହାବିଦ୍ୟାଳୟର ଅଧ୍ୟକ୍ଷ ପି.ପୁରୋହିତ, ଥାନାଧିକାରୀ ସତ୍ୟନାରାୟଣ ପଧାନ,ଏସବିଆଇ ସିଏମ ଅଶ୍ୱିନି କୁମାର ସାଏ, ଡିସିବି ବ୍ୟାଙ୍କ ଆକାଉଣ୍ଟେଣ୍ଟ ସୁଧାଂଶୁ ଶେଖର ଦାଶ, ମିଶନ ଶକ୍ତିର ବ୍ଲକ ସଭାନେତ୍ରୀ ଲକ୍ଷ୍ମୀ ସରାଫ ମଞ୍ଚାସୀନ ଥିଲେ । ବର୍ତ୍ତମାନ ଲୋକେ ସାଇବର ଠକେଇର ଶିକାର ହେଉଛନ୍ତି । ଦିନକୁ ଦିନ ଏହା ବଢିବାରେ ଲାଗିଛି । ଏଣୁ ଲୋକଙ୍କ ନିଜର ଏଟିଏମ ଓଟିପି, କୌଣସି ପାସୱାର୍ଡ, ସିକ୍ରେଟନ ନମ୍ବର ନ ଦେବା, କୌଣସି ଫୋନରେ ବ୍ୟାଙ୍କ ଜମା ଖାତା ନମ୍ବର ମାଗିଲେ ନ ଦେବା ପ୍ରଭୃତି ଉପରେ ସଚେତନ କରାଯାଇଥିଲା । କାର୍ଯ୍ୟକ୍ରମରେ ସବ୍ ଇନ୍ସପେକ୍ଟର ଟଙ୍କଧର ଛତ୍ରୀଆ, ଏଏସଆଇ ଏକାମ୍ର ନାହାକଙ୍କ ସମେତ ଅନ୍ୟମାନେ ସହ ଯୋଗ କରିଥିଲେ ।  ସେହିପରି ଉଚ୍ଚ ବିଦ୍ୟାଳୟଠାରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।