13-Oct-2023

ବଲାଙ୍ଗିର(ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ହରଭଙ୍ଗ ଉଚ୍ଚ ପ୍ରାଥମିକ ବିଦ୍ୟାଳୟରେ ଆନ୍ତଃର୍ଜାତୀୟ ବାଳିକା ଦିବସ ପ୍ରଧାନଶିକ୍ଷକ ଦୂର୍ଯ୍ୟୋଧନ ପଶାୟତଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି । ଅବସରପ୍ରାପ୍ତ ପ୍ରଧାନଶିକ୍ଷକ ଅମର ସାହୁ ମୁଖ୍ୟ ଅତିଥି ଭାବରେ ଯୋଗଦେଇ ବାଳିକା ତଥା ମହିଳା ସଶକ୍ତିର ଆବଶ୍ୟକୀୟ ଗୁଣ ଏବଂ ଦିଗ ବିଷୟରେ ଆଲୋକପାତ କରିଥିଲେ । ସମ୍ମାନୀତ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ, ସ୍କୁଲ ପରିଚାଳନା କମିଟୀର ସଭାପତି ବିପିନ ସାହୁ ,

ନାଏବ ସରପଂଚ ପଙ୍କଜିନୀ ଥନାପତି ଯୋଗଦେଇ ମତବ୍ୟକ୍ତ କରିଥିଲେ । ପ୍ରାରମ୍ଭରେ ଛାତ୍ରଛାତ୍ରୀ ମାନେ ବାଳିକା ଶିକ୍ଷା ଓ ବିକାଶ ସଂପର୍କିତ ପ୍ଲାକାର୍ଡ ପ୍ରଦର୍ଶନ ପୂର୍ବକ ବିଭିନ୍ନ ସ୍ଲୋଗାନ ଦେଇ ହରଭଙ୍ଗା ଗ୍ରାମ ପରିକ୍ରମା କରିଥିଲେ । ଏହି ଅବସରରେ ରେଡକ୍ରସ ସାଧନକର୍ମି ନିମାଇଁ ଚରଣ ମଲ୍ଲୀକ ଓ ତପସ୍ୱିନୀ ଦାଶ ଛାତ୍ରଛାତ୍ରୀ ମାନଙ୍କୁ ପ୍ରାଥମିକ ଚିକିତ୍ସାର ବିଭିନ୍ନ କୌଶଳ ବିଷୟରେ ତାଲିମ ଦେଇଥିଲେ ।  ଓଡିଆ ପ୍ରବନ୍ଧ ଲିଖନ ପ୍ରତିଯୋଗିତାରେ ବିନ୍ଦିଆ ନାଏକ, ସ୍ମିତାରାଣୀ ସାହୁ, ରୋମିତ ସାହୁ ଯଥାକ୍ରମେ ପ୍ରଥମ, ଦ୍ୱିତୀୟ, ତୃତୀୟ

 ସ୍ଥାନ ଅଧିକାର କରିଥିବାରୁ  ଅତିଥିମାନେ ପୁରସ୍କୃତ କରିଥିଲେ । କାର୍ଯ୍ୟକ୍ରମରେ ଶିକ୍ଷକଶିକ୍ଷୟିତ୍ରୀ ସୁଶାନ୍ତ କୁମାର ନନ୍ଦ, ଅଳକା ପଣ୍ଡା, ଧରିତ୍ରୀ ସାହୁ, ଦୟାନନ୍ଦ ସାହୁ, ରାଜକିଶୋର ମାହାକୁର, ଦିଲ୍ଲୀପ ଥନାପତି, ବିମଲ ଠାକୁର, ଶବ୍ୟା ଥନାପତି, ପିଙ୍କି କର୍ଣ୍ଣ, ମଂଟେଶ କୁମାର ସାହୁ ପ୍ରମୁଖ ସହଯୋଗ କରିଥିଲେ ।