20-Sep-2023

ମୁରିବାହାଲ (ପ୍ରେରଣା ଖବର )
 ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଅନ୍ତର୍ଗତ ଗମ୍ଭାରୀଖୋଲା ଗ୍ରାମ ରେ ୨୯ ତମ ଗଣେଶ ପୂଜା ଯୁବ ଜ୍ଯୋତି ଯୁବକ ସଂଘ ତରଫରୁ ମହାସମାରୋହରେ ପାଳିତ ହୋଇଯାଇଛି। ଅନୁଷ୍ଠିତ କାର୍ଯ୍ୟକ୍ରମ ରେ ଦୁଲଦୁଲି ବଜାରେ ଅତିଥି ମାନଙ୍କୁ ଭବ୍ୟ ସ୍ବାଗତ ସହ ସଭାକାର୍ଯ ହୋଇଥିଲା। ଏହି କାର୍ଯ୍ୟକ୍ରମ ରେ ଭାଜପା ଜିଲ୍ଲା କ୍ରୁଷକ ମୋର୍ଚା ସାଧାରଣ ସଂପାଦକ ଲକ୍ଷ୍ମଣ ବାଗ ମୁଖ୍ଯ ଅତିଥି, ଭାଜପା ଜିଲ୍ଲା ସାଧାରଣ ସଂପାଦକ ତଥା ସାଂସଦ ପ୍ରତିନିଧି ମୁରିବାହାଲ ବ୍ଲକ  ଶ୍ରୀବତ୍ସ ବେହେରା, ମୁରିବାହାଲ ସରପଂଚ ବିଶ୍ବବିହାରୀ ଯୋଶୀ, ସାମ୍ବାଦିକ ସଂଘ ମୁରିବାହାଲ ର ସାଧାରଣ ସଂପାଦକ ସୁଦାମ ଚରଣ ବଘାର, ସାମ୍ବାଦିକ ଶଙ୍କର ମାଝୀ, ଜ୍ଯୋତିଷବିଦ ତଥା ପୂଜକ କାଶୀନାଥ ଦାସ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଏହି ଅବସରରେ ଶ୍ରୀ ବାଗ ଓ ଶ୍ରୀ ବେହେରା ଯୁବ ଜ୍ଯୋତି ଯୁବକ ସଂଘ କୁ ମଣ୍ଡପ ନିର୍ମାଣ ପାଇଁ ସୀଂସଦ ପାଣ୍ଠିରୁ ଦୁଇ ଲକ୍ଷ ଟଙ୍କା ର କାର୍ଯ୍ୟାଦେଶ ପ୍ରଦାନ କରିଥିଲେ।କମିଟି ତରଫରୁ ଗ୍ରାମ ର ପ୍ରତିଭାବାନ ବ୍ଯକ୍ତି ବିଶେଷଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା।ଗ୍ରାମର ସମସ୍ତ ଙ୍କ ମିଳିତ ଉଦ୍ଯମରେ ପ୍ରତିବର୍ଷ ଗଣେଷ ପୂଜା ଦିନ ସମସ୍ତେ ଏକାଠି ଗୋଟିଏ ସ୍ଥାନରେ ଅନ୍ନପ୍ରସାଦ ସେବନ କରିବାର ପରମ୍ପରା ୨୯ ବର୍ଷ ଧରି ଚାଳି ଆସୁଥିବା କମିଟି ପକ୍ଷରୁ ସୂଚନା ମିଳିଛି।କମିଟି କୋଷାଧ୍ୟକ୍ଷ ହିରାଧର ବନଛୋର  ଅତିଥି ପରିଚୟ ପ୍ରଦାନ କରିଥିବା ବେଳେ ଯୁବ ଯାଦବ ସଭାପତିଗଙ୍ଗାଧର ହେର୍ଣା କାର୍ଯ୍ୟକ୍ରମ ପରିଚାଳନା କରିଥିଲେ ଏବଂ ଛିନୁ କେତକି ସମସ୍ତ ଙ୍କୁ ଧନ୍ଯବାଦ ଅର୍ପଣ କରିଥିଲେ। କମିଟି ତରଫରୁ ସୁନ୍ଦରାକାଣ୍ଡ ପାରାୟଣ କାର୍ଯ୍ୟକ୍ରମ ରେ ଗାୟିକା ପ୍ରିତିନନ୍ଦା ମିଶ୍ର ଓ ସ୍ରୁତିନନ୍ଦା ମିଶ୍ର ଯୋଗଦେଇ ସୁନ୍ଦରାକାଣ୍ଡ ଗାୟନ କରିଥିଲେ। କାର୍ଯ୍ୟକ୍ରମ ରେ ଯୁବ ଜ୍ଯୋତି ଯୁବକ ସଂଘ ର ସଭାପତି ପଦ୍ମଲୋଚନ ବନଛୋର, ଉପ ସଭାପତି ତୁଲସି ମହାକୁର, ସଂପାଦକ ଦୈତାରୀ ହାତୀ,ସହ ସଂପାଦକ ଡୋଲାମଣି ବନଛୋର, ରାଜୁ ହାତୀ,ବୁଧୁ ବାଗ, ସୁବନ ବନଛୋର,ବଳି ବନଛୋର,ଭୀମ ବନଛୋର,ଭୀଷ୍ମ କେତକୀତଥା ଗ୍ରାମବାସୀ ବ୍ରୁନ୍ଦ ଉପସ୍ଥିତ ରହି ସହଯୋଗ କରିଥିଲେ।