06-Sep-2023

ବଲାଙ୍ଗୀର(ପ୍ରେରଣା ଖବର ): :- ସ୍ଥାନୀୟ ସାମ୍ବାଦିକ ଭବନ ଠାରେ ସତ୍ୟନାରାୟଣ ସ୍ମୃତି ଜନ୍ମ ବାର୍ଷିକ ଉତ୍ସବ ପାଳନ ଅବସରରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି।ସାଂପ୍ରତିକ ସମାଜରେ ସାମ୍ବାଦିକତା ଶୀର୍ଷକ ବିଷୟ ବସ୍ତୁ ଉପରେ ବକ୍ତା ମାନେ ନିଜର ବକ୍ତବ୍ୟ ରଖିଥିଲେ।ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ମୁଖ୍ୟ ଅତିଥି ଭାବେ ଯୋଗଦେଇ ସାମ୍ବାଦିକତା ର ଗୁଣବତ୍ତା ଉପରେ ଆଲୋକପାତ କରିଥିଲେ।ଅନ୍ୟତମ ଅତିଥି ଭାବେ ବଲାଙ୍ଗୀର ପୌର ପରିଷଦ ଅଧ୍ୟକ୍ଷା ଶ୍ରୀମତୀ ଲିକା ସାହୁ ଏହି ଉତ୍ସବ ରେ ଯୋଗଦାନ କରି ସାମ୍ବାଦିକତା ର ବିକାଶ ଦିଗରେ ଦିଗଦର୍ଶନ ଦେଇଥିଲେ।ଟିଟିଲାଗଡ ଡିଏଭି କଲେଜ୍ ର ପୂର୍ବତନ ଅଧ୍ୟକ୍ଷ ଶ୍ରୀଯୁକ୍ତ ଛାୟାକାନ୍ତ ଷଡ଼ଙ୍ଗୀ ମୁଖ୍ୟବକ୍ତା ଭାବେ ତାଙ୍କ ବକ୍ତବ୍ୟରେ ସାମ୍ବାଦିକ ଏବଂ ସାମ୍ବାଦିକତା ରେ ଥିବା ତୃଟି ଉପରେ ଆଲୋକପାତ କରି କ୍ଷୋଭ ପ୍ରକାଶ କରିଥିଲେ।ସାମ୍ବାଦିକ ର ତ୍ରୁଟିପୂର୍ଣ୍ଣ ଲେଖା ଉପରେ ସବିଶେଷ ଆଲୋଚନା କରି ସମ୍ବାଦ ପରିବେଷଣ ବେଳେ ସଠିକ୍ ତଥ୍ୟ ଉପରେ ନିର୍ଭୁଲ ଭାବେ ସମ୍ବାଦ ପରିବେଷଣ କରିବା ପାଇଁ ତାଙ୍କ ଭାଷା ମାଧ୍ୟମରେ ସୂଚାଇ ଦେଇଥିଲେ।ଦୈନିକ ସମ୍ବାଦପତ୍ର ପ୍ରମେୟ ର କେବିକେ ମୂଖ୍ୟ ଶ୍ରୀଯୁକ୍ତ ଅଖିଳ ଚନ୍ଦ୍ର ହୋତା ସମ୍ମାନିତ ଅତିଥି ଭାବରେ ଯୋଗଦେଇ ଥିବା ବେଳେ ଗାଳ୍ପିକା ଡା.ମଞ୍ଜୁବାଲା ପଣ୍ଡା ମଧ୍ୟ ସମ୍ମାନିତ ଅତିଥି ଭାବେ ଯୋଗ ଦେଇ ସକାରାତ୍ମକ

ସାମ୍ବାଦିକତା ଉପରେ ଦିଗଦର୍ଶନ ଦେଇଥିଲେ।ବରିଷ୍ଠ ସାମ୍ବାଦିକ ଶ୍ରୀଯୁକ୍ତ ମନୋରଞ୍ଜନ ଯୋଷୀ ସାମ୍ବାଦିକତା ର ଆଭିମୁଖ୍ୟ ଉପରେ ସମ୍ୟକ୍ ଆଲୋକପାତ କରିଥିଲେ।ଆଜିର ଏହି ଜନ୍ମ ବାର୍ଷିକ ଉତ୍ସବ ର ସଭା କୁ ବରିଷ୍ଠ ସାମ୍ବାଦିକ ସତ୍ୟ ସୁନ୍ଦର ଭଞ୍ଜ ପରିଚାଳନା କରିଥିବା ବେଳେ ସ୍ମୃତି କମିଟି ର ସଭାପତି ଇଂ ପ୍ରଦୀପ୍ତ ମିଶ୍ର ପ୍ରାରମ୍ଭିକ ସୂଚନା ପ୍ରଦାନ କରିଥିଲେ।ସତ୍ୟ ନାରାୟଣ ସ୍ମୃତି କମିଟି ର ସମ୍ପାଦକ ଶରତ ମହାକୁର କାର୍ଯକ୍ରମ କୁ ସଫଳ କରିବାରେ ସହଯୋଗ କରିଥିଲେ।ଏହି ଅବସରରେ ବରିଷ୍ଠ ତଥା ଜିଲ୍ଲା ସାମ୍ବାଦିକ ସଂଘ ର ପ୍ରତିଷ୍ଠାତା ସଦସ୍ୟ ଶ୍ରୀଯୁକ୍ତ ନବୀନ ପଶାୟତ ଙ୍କ ନିରପେକ୍ଷ ସାମ୍ବାଦିକତା ପାଇଁ ସତ୍ୟ ନାରାୟଣ ସ୍ମୃତି ସମ୍ମାନ ରେ ସମ୍ମାନିତ କରାଯାଇଥିଲା।ଏହି କାର୍ଯ୍ୟକ୍ରମରେ ବହୁ ଗଣମାଧ୍ୟମ ପ୍ରତିନିଧି ମାନେ ଯୋଗଦାନ ଦେଇଥିବା ବେଳେ କଲେଜ୍ ଛାତ୍ର ମାନେ ଯୋଗଦେଇଥିଲେ।