13-Dec-2020

ଟିଟିଲାଗଡ଼, (ପ୍ରେରଣା ଖବର) ରାଜ୍ୟ ସାମ୍ବାଦିକ ସଙ୍ଘ (ଓୟୁଜେ) ତରଫରୁ ବଲାଙ୍ଗୀର ଜିଲ୍ଲା ସାମ୍ବାଦିକ ସଙ୍ଘ ର  ଟିଟିଲାଗଡ଼ ର ୟସ ହୋଟେଲ ସଭାଗୃହ ରେ ଏକ ଜରୁରୀକାଳୀନ ବୈଠକ ଅନୁଷ୍ଠିତ ହୋଇ ଯାଇଛି । ସୂଚନାଯୋଗ୍ୟ ଯେ, କୋଭିଡ-୧୯ ସମୟରେ ସାମ୍ବାଦିକ ଙ୍କ ସୁରକ୍ଷା ଓ ବିଭିନ୍ନ ସମସ୍ୟା ଉପରେ ଗୁରୁତ୍ୱ ଦେଇ ଏହି ଆଲୋଚନା ସଭା ଅନୁଷ୍ଠିତ ହୋଇଥିଲା ।

  ବୈଠକରେ ଅନେକ ପ୍ରସ୍ତାବ ମାନ ଆଗତ କରାଯିବା ସହ ସେ ସବୁ ସମସ୍ୟାର ସମାଧାନ ନେଇ ବିଶେଷ ଆଲୋଚନା ପର୍ଯ୍ୟାଲୋଚନା କରାଯାଇଛି।
ଜିଲ୍ଲା ସାମ୍ବାଦିକ ସଙ୍ଘ ର ବରିଷ୍ଠ ସାମ୍ବାଦିକ ଶରତ ମିଶ୍ର ବୈଠକ ରେ ସଭାପତିତ୍ୱ କରିଥିବା ବେଳେ, ଜିଲ୍ଲା ସାମ୍ବାଦିକ ସଙ୍ଘ ର ସଭାପତି ଚୟନ ପ୍ରକ୍ରିୟା ରେ ଶ୍ରୀ ମିଶ୍ର ନିର୍ବାଚନ ଅଧିକାରୀ ଭାବରେ ରହି ସର୍ବସମ୍ମତି କ୍ରମେ ସାମ୍ବାଦିକ ଦୀପକ ସମ୍ମଦାର ମନୋନୀତ କରାଯାଇଅଛି । କୋଭିଡ କଟକଣା ଲାଗୁ ରହିଥିବା ଯୋଗୁଁ ପ୍ରତିବର୍ଷ ପରି ଚଳିତ ବର୍ଷ ସଭାପତି ପଦବୀ ପାଇଁ ନିର୍ବାଚନ ପ୍ରକ୍ରିୟା ରାଜ୍ୟ ସ୍ତର ରେ ନ କରି ଆଗାମୀ  ଓ ୟୁ ଯେ ର ନିଷ୍ପତ୍ତି କ୍ରମେ ଦ୍ବି -ବାର୍ଷିକ ସାଧାରଣ ନିର୍ବାଚନ ନିୟମ କୁ ନେଇ ଏହି ଚୟନ ପ୍ରକ୍ରିୟା ଆୟୋଜିତ କରି ଶ୍ରୀ ସମ୍ମଦାର ଙ୍କୁ ଦାଇତ୍ୱ ଅର୍ପଣ କରାଯାଇ ଥିଲା । ଏହି ବୈଠକରେ ବଲାଙ୍ଗୀର ଜିଲ୍ଲାର ବିଭିନ୍ନ ପ୍ରାନ୍ତରୁ  ସମସ୍ତ ସଦସ୍ୟ ଯୋଗ ଦେଇ ପୂର୍ବ ର ସମସ୍ତ କାର୍ଯ୍ୟକର୍ତା ମାନଙ୍କୁ ଆଗାମି ଦୁଇ ବର୍ଷ ଯଥା ୨୦୨୧ ଏବଂ ୨୦୨୨ ମସିହା ନିମନ୍ତେ ପୁଣି ଥରେ ସଭାପତି ଦାୟିତ୍ୱ  ସର୍ବ ସମ୍ମତି କ୍ରମେ ଅନୁମୋଦନ କରାଯାଇଛି । ସେହିପରି ସାମ୍ବାଦିକ ମାନଙ୍କ ଅନେକ ସମସ୍ୟା ଏବଂ ତାର ନିରାକରଣ ନେଇ ଆଲୋଚନା ରେ ବିଭିନ୍ନ ପ୍ରସ୍ତାବ ରାଜ୍ୟ କାର୍ଯ୍ୟକାରିଣୀ କମିଟି ଜରୀଆରେ ସମାଧାନ କରାଯିବା ସ୍ଥିର କରାଯାଇଛି । ସଭାପତି ରୂପେ ଶ୍ରୀ ଦୀପକ ସମ୍ମlଦାର  ଉପସ୍ଥିତ ସାମ୍ବାଦିକ ମାନଙ୍କ ବିଭିନ୍ନ ସମସ୍ୟା ର ସମାଧାନ ପାଇଁ ଆଗକୁ ଅନେକ ପଦକ୍ଷେପ ଗ୍ରହଣ କରିବା ସହ, ଟିଟିଲାଗଡ଼ ଉପଖଣ୍ଡ ସ୍ତରୀୟ ସାମ୍ବାଦିକ ମାନଙ୍କ ନିମନ୍ତେ ଥିବା ସରକାରୀ କାର୍ଯ୍ୟାଳୟ ବନ୍ଦ ଥିବା ଓ ତାର ପୁନଃ କାର୍ଯ୍ୟକ୍ଷମ ସହ ନିଜସ୍ୱ ଏକ ଅଫିସ ଗୃହ  ନିର୍ମାଣ କରିବା ପାଇଁ ଆଗାମୀ ଦିନରେ ପଦକ୍ଷେପ ନେବା ସ୍ଥିର କରାଯାଇଥିଲା । ସମସ୍ତ ସାମ୍ବାଦିକ ମାନଙ୍କୁ ଏକତ୍ରିତ ହୋଇ ନିଜ, ନିଜ ର ସମସ୍ୟାର ସମାଧାନ ଉପରେ ଗୁରୁତ୍ୱ ଦେବା ପ୍ରକାଶ କରିଥିଲେ । ଏହି ବୈଠକରେ ଓଡ଼ିଶା ରାଜ୍ୟର (ଓ ୟୁ ଜେ) ର ବରିଷ୍ଠ ସଦସ୍ୟ ସିବପ୍ରସାଦ ପରିଡା,ହରିଶ ରାଠେଟା, ଗୋପାଳ ଅଗ୍ରୱାଲ, ସନତ ପାଢ଼ୀ, ଅଶୋକ ତ୍ରିପାଠୀ, ସଞ୍ଜୟ ନାୟକ, ଜ୍ୟୋତି ପ୍ରକାଶ ପୁରୋହିତ, ସନ୍ତୋଷ ନାୟକ,ମନୋଜ ଶତପଥି, ସୁଧୀର ସାହୁ, ପ୍ରକାଶ କୁମାର ଗୋୟଲ ପ୍ରମୁଖ ଉପସ୍ଥିତ ରହି ସକ୍ରିୟ ଅଂଶଗ୍ରହଣ କରିଥିଲେ । ସୂଚନାଯୋଗ୍ୟ ଯେ, କୋଭିଡ ସମୟରେ ରାଜ୍ୟରେ ଉକ୍ତ ନିର୍ବାଚନ ପ୍ରକ୍ରିୟା କୁ ଦୁଇ ବର୍ଷ ପାଇଁ ବାତିଲ କରି ପୁରାତନ ସଦସ୍ୟ ମାନେ ବିଭିନ୍ନ ପଦ ,ପଦବୀ ରେ ଜିଲ୍ଲା ସ୍ତରୀୟ ନିର୍ବାଚନ କରି ଦାଇତ୍ଵ ଗ୍ରହଣ କରିବେ । ସରକାରୀ ବୀମା ବ୍ୟବସ୍ଥା ଯୋଗୁଁ ଅକାଳ ମୃତ୍ୟୁ ର ଶିକାର ହୋଇଥିବା ଟିଟିଲାଗଡ ର ସାମ୍ବାଦିକ ସୁନୀଲ ବେହେରା ଙ୍କ ପତ୍ନୀ ଙ୍କୁ ବୀମା ରାଶି ପ୍ରଦାନ କରାଯାଇ ଥିବା ପ୍ରକାଶ କରାଯାଇଥିଲା । କୋଭିଡ କଟକଣା କୁ ନେଇ ସତର୍କତା ଅବଲମ୍ବନ କରିବା ସହ ଏକତ୍ରିତ ହୋଇ ବିଭିନ୍ନ ସମସ୍ୟା ର ସମାଧାନ କରିବା ବିଷୟ ରେ ନିଜ ମତ ଦେଇ ସଭାପତି ଶ୍ରୀ ସମଦ୍ଦାର ସଭା ସାଙ୍ଗ କରିଥିଲେ ।