12-Dec-2020

ବଲାଙ୍ଗିର, (ସନ୍ତୋଷ କୁମାର ଠାକୁର):  ଭିଲେଜର୍ସ ଇଣ୍ଡିଆ ପାର୍ଟି ଦ୍ୱାରା ବଲାଙ୍ଗିର ସହ ଓଡିଶାର ସମସ୍ତ ସାମ୍ବାଦିକ ମାନଙ୍କୁ ସରକାରୀ ସହାୟତା ଯୋଗାଇ ଦେବା ପାଇଁ ମାନନୀୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରେ ନିବେଦନ ଏବଂ ଦାବି ରଖିଛନ୍ତି । ଗତ ୫ ମାସ କରୋନା ମହାମାରୀ ସମୟରେ ସାମ୍ବାଦିକମାନେ ନିର୍ଭୟରେ କାର୍ଯ୍ୟରତ ରହିଛନ୍ତି  ତଥା ଭାରତର ଚତୁର୍ଥ ସ୍ତମ୍ଭ ପ୍ରେସ ମିଡିଆ, ଡାକ୍ତର, ନର୍ସ, ପୋଲିସ, ଜନ ପ୍ରତିନିଧିଙ୍କ ଠାରୁ ଅଲଗା ହୋଇ ଖବର ପାଇଁ ଦିନ ରାତି ରାଜରାସ୍ତା ଠାରୁ ମନ୍ତ୍ରୀ ପର୍ଯ୍ୟନ୍ତ ଦେଶର ହିତ ପାଇଁ ଖବର ପ୍ରସ୍ତୁତ କରିଥାନ୍ତି । ଆମ୍ଭେ ରାତିର ୯ ରୁ ୧୦ଟା ରେ ଶୋଇବା ଆରମ୍ଭ କରିବା ସମୟରେ ଦିନ ସାରା ଖବର  ସଂଗ୍ରହ କରି ରାତି ୧୨ଟା ପର୍ଯ୍ୟନ୍ତ ସମାଜ, ଦେଶ ଏବଂ ପ୍ରଶାସନ ସହ ପାଠକ ମାନଙ୍କୁ ପାଇଁ ସୁନ୍ଦର ଖବରଟିଏ ଛାପିବା ପାଇଁ ନିଜ ଖବର କାଗଜ ଛାପାଖାନାରେ ଅନିଦ୍ରା ହୋଇ ଏହି ସମ୍ବାଦଦାତା ରହିଥାନ୍ତି । ବେସରକାରୀ ପ୍ରେସ ମିଡିଆ ସଂସ୍ଥାରେ ଆମେ ସମସ୍ତ ଜାଣୁ ଯେ, ସ୍ୱଳ୍ପ ଦରମାରେ ଦେଶର ହିତ ପାଇଁ ଏହି ବିଦ୍ୱାନ ଓ ନିର୍ଭୀକ ସାମ୍ବାଦିକ ମାନେ ତାଙ୍କର ୮୦% ସମୟ ଦେଖର ଖବର ବନେଇବା ପାଇଁ ଦେଇଥାନ୍ତି । ପରିବାର ଏବଂ ଭବିଷ୍ୟତ ପାଇଁ ତାଙ୍କର ଅନ୍ୟ କୌଣସି ରୋଜଗାର ପନ୍ଥା  ପାଇଁ ସମୟ ମିଳି ନ ଥାଏ । ସେହି ସୁନ୍ଦର ବା  ଜରୁରୀକାଳିନ ଖବରଟିକୁ ଆମ୍ଭେ ମନ୍ତ୍ରୀ, ଜନ ପ୍ରତିନିଧି ସରକାରୀ, ବେସରକାରୀ ଅଧିକାରୀ ଏବଂ ପାଠକ ମାନେ ଜିଲ୍ଲାପାଳ ରୁ ମୁଖ୍ୟମନ୍ତ୍ରୀ କାର୍ଯ୍ୟାଳୟ ପର୍ଯ୍ୟନ୍ତ ସେହି ଖବରକୁ ନେଇ ପ୍ରଶ୍ନ ପଚାରିଆସୁଛନ୍ତି । ତେଣୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଜୀଙ୍କ ଭିଆଇପି ତରଫରୁ ସାମ୍ବାଦିକମାନଙ୍କୁ ଆହୁରି ନିରପେକ୍ଷ ଏବଂ ଦେଶ ସେବାରେ କାର୍ଯ୍ୟ କ୍ଷମତା ବଢାଇବା ପାଇଁ ସାମ୍ବାଦିକମାନଙ୍କୁ ଟ୍ରେନ, ବସ ଯୋଗେ ଯାତାୟତ ସମୟରେ ମୁକ୍ତ ଟିକେଟ ଯୋଗାଇବା, ୪ ଡିସିମିଲ ଘର ଡିହ ବାଡି ସହ ପ୍ରଧାନମନ୍ତ୍ରୀ ଆବାସ ଯୋଜନା, ମୋ କୁଡିଆ, ବିଜୁ ପକ୍କାଘର ବା ଇନ୍ଦିରା ଆବାସ ଭଳି ଯୋଜନାରେ ଘର ଯୋଗାଇବା, ବୀମା, ପିଲା ଛୁଆଙ୍କୁ ପାଠ ପଢାରେ ସାହାଯ୍ୟ, ସରକାରୀ, ଜାତୀୟ ଏବଂ ରାଜ୍ୟ ସ୍ତରୀୟ କାର୍ଯ୍ୟକ୍ରମରେ ଖବର ପାଇଁ ଭତ୍ତା ଯୋଗାଇବା  ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜୀଙ୍କ ନିବେଦନ କରିଛନ୍ତି ।