14-Jul-2023

ବରଗଡ଼:-ବରଗଡ଼ ଜିଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ଅଧିନସ୍ଥ ଚାରପାଲି ଗ୍ରାମପଞ୍ଚାୟତ ରେ କାର୍ଯ୍ୟରତ ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ସୁଶ୍ରୀ କଳ୍ପନା ମହାନ୍ତିଙ୍କ ପ୍ରତ୍ୟକ୍ଷ ତତ୍ୱାବଧାନରେ ରଙ୍ଗମାଟିଆ ଗ୍ରାମ ଠାରେ ବିଶ୍ୱ ଜନସଂଖ୍ୟା ଦିବସ ପାଳନ ଅବସରରେ ଏକ ରେଲି ବାହାରି ଗ୍ରାମପରିକ୍ରମା କଲାପରେ ଏକ ସଭାର ଆୟୋଜନ କରାଯାଇଥିଲା।ଏହି ସଭାରେ ବର୍ତ୍ତମାନ ସମୟରେ ଦେଖାଦେଇଥିବା ଜନସଂଖ୍ୟା ସାରା ପୃଥିବୀ ରେ ହୁହୁ ହୋଇ ବଢ଼ି ଚାଲିଛି।ଏହାର ମୁକାବିଲା ପାଇଁ ଆପଣମାନଙ୍କ ସହଯୋଗର ଆବଶ୍ୟକତା ରହିଛି।ଶିକ୍ଷା କ୍ଷେତ୍ରରେ,ସ୍ୱାସ୍ଥ୍ୟ କ୍ଷେତ୍ରରେ,ଆର୍ଥିକ ସ୍ଥିତି କ୍ଷେତ୍ରରେ,ଚାକିରୀ

କ୍ଷେତ୍ରରେ ହେଉ, ଅବା ବାସଗୃହ କ୍ଷେତ୍ରରେ ହେଉ ସବୁଠି ବିଭିନ୍ନ ସମସ୍ୟା ଉପୁଜିବାରେ ଲାଗିଛି।ପୁଅ ହେଉ ଅବା ଝିଅ ହେଉ ସବୁ ସମାନ ଅଟନ୍ତି।ବାରମ୍ବାର ପ୍ରସୂତି ହେବା ଦ୍ୱାରା ମାଁ ମାନଙ୍କ ଶରୀରରେ ରକ୍ତହୀନତା ଠାରୁ ଆରମ୍ଭ କରି ଅନେକ ସମସ୍ୟା ଦେଖାଦେଇଥାଏ।ଏଣୁ ମୋର ଅନୁରୋଧ ଆମେ ସତର୍କତା ଅବଲମ୍ବନ କରି ସରକାରୀ ସ୍ତରରେ ପରିବାର ନିୟୋଜନ ସ୍ଥାୟୀ ପଦ୍ଧତି ଆପଣାଇବା କିମ୍ୱା ଅସ୍ଥାୟୀ ପଦ୍ଧତି ଯଥା କପର-ଟି,ମାଲାଏନ,କଣ୍ଡୋମ୍,ଅନ୍ତରା,ଛାୟା କୁ ଆପଣାଇ ଜନସଂଖ୍ୟା ରୋକିବାକୁ ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ସୁଶ୍ରୀ ମହାନ୍ତି ମତବ୍ୟକ୍ତ କରିଥିଲେ।ଏହି ସଭାରେ ଗ୍ରାମର ବିବାହିତା ମହିଳା,ପୁରୁଷ ଙ୍କ ସହ ତାଙ୍କ ଶାଶୁ-ଶ୍ୱଶୁର ତଥା ନବ ବିହାହିତା ଦମ୍ପତି ମାନେ ଉପସ୍ଥିତ ଥିଲେ।ସ୍ୱାସ୍ଥ୍ୟ ଉପକେନ୍ଦ୍ର ଚାରପାଲିର ମହିଳା ସ୍ୱାସ୍ଥ୍ୟକର୍ମୀ ଶ୍ରୀମତୀ ଗୀତା  ଭୋଇ,ଆଶାକର୍ମୀ ପଙ୍କଜିନୀ ଦୀପ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।