13-Jul-2023

ବେଲପଡ଼ା (ପୂର୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ପାଟଣାଗଡ଼ ନିର୍ବାଚନ ମଣ୍ଡଳୀ ଭାରତୀୟ ଜନତା ପାର୍ଟିର କବ୍ଜାରେ ଦୀର୍ଘ ୨୫ ବର୍ଷ ଧରି ଥିଲା । କିନ୍ତୁ ୨୦୧୯ ନିର୍ବାଚନ ରେ ବିଜୁ ଜନତା ଦଳ ପକ୍ଷରୁ ଯୁବନେତା ବିଧାୟକ ସରୋଜ କୁମାର ମେହେର ଙ୍କୁ ବିଜେଡି ଟିକେଟ ଦେବା ଦ୍ବାରା ସେ ଅକ୍ଳାନ୍ତ ପରିଶ୍ରମ କରି ଯୁବପିଢି ସହ ହାତ ମିଳାଇ ବିଜୟ ହାସଲ କରିଥିଲେ।ବିଜୟ ହାସଲ କଲାପରେ ଧିରେ ଧିରେ ନିଜ ସଂଗଠନ କରିବାକୁ ଲାଗିଲେ ଯେ ସଫଳତା ର ଶୀର୍ଷକ ରେ ପହଞ୍ଚି ୨୦୨୨ ପଞ୍ଚାୟତ ନିର୍ବାଚନ ରେ

ପାଟଣାଗଡ଼ ବେଲପଡା ଖପ୍ରାଖୋଲ ତିନୋଟି ବ୍ଳକ କୁ ଅକ୍ତିଆର କରି ନିଜ ଲୋକଙ୍କ ପାଇଁ ଅଧ୍ୟକ୍ଷ ପଦ ହାସଲ କରିଛନ୍ତି। ତାଙ୍କ ସଂଗଠନ ଏତେ  ମଜଭୁତ ହେଲା ଯେ ସବୁ ସରପଞ୍ଚ କୁ ନିଜ ପକ୍ଷରେ କରିପାରିଛନ୍ତି। ସୂଚନା ଅନୁସାରେ ପାଟଣାଗଡ଼ ନିର୍ବାଚନ ମଣ୍ଡଳୀ ଅନ୍ତର୍ଗତ ବେଲପଡା ବ୍ଳକ ର ସରପଞ୍ଚ ସଂଘର ସଭାପତି ତଥା କୋଶଳ ରାଜ୍ୟ ସଂଗଠନ ର ବ୍ଳକ ସଭାପତି ହରିଶ ଚନ୍ଦ୍ର ବୁଡେକ ଓ କପାଣି ସରପଞ୍ଚ ଭୂମିସୂତା ଧରୁଆ ଆଜି  ବେଲପଡା ନବୀନ ଧର୍ମଶାଳା ଠାରେ ବିଧାୟକ ସରୋଜ କୁମାର ମେହେର ଙ୍କ ଉପସ୍ଥିତି ରେ  ବିଜେଡି ପାର୍ଟି କୁ  ଯୋଗଦେଇଛନ୍ତି। ଉକ୍ତ କାର୍ଯ୍ୟକ୍ରମରେ ବିଧାୟକ ଙ୍କ ପ୍ରତିନିଧି କୁମୁଦ ମହାଖୁଡ (ବାପି), ବେଲପଡା ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର,ପୂର୍ବତନ ବ୍ଳକ ଅଧ୍ୟକ୍ଷ ରାଜକୁମାର ପାଣିଗ୍ରାହୀ ଏବଂ ଯୁବନେତା ବାଗଦୋର ସରପଞ୍ଚ ପ୍ରଦୀପ କୁମାର ବେହେରା ଙ୍କ ସମେତ ବେଲପଡା ବ୍ଳକ ର ୨୨ ଟି ସରପଞ୍ଚ ଉପସ୍ଥିତ ଥିବା ବେଳେ ଆହୁରି ଅନେକ ସଦସ୍ୟ ବିଜୁ ଜନତା ଦଳରେ ଯୋଗଦାନ କରିଥିବା ଜଣାପଡିଛି।

ବିଧାୟକ ଙ୍କ ଏଭଳି ଜନସଂଖ୍ୟା ବୃଦ୍ଧି ଦେଖି ବିରୋଧୀ ଦଳ ଙ୍କ ମନରେ ଛନକା ପଶିଯାଇଛି। ଆଗାମୀ ଦିନରେ ବହୁ ସଂଖ୍ୟା ରେ ବେଲପଡା ବ୍ଳକ ରୁ ବିଜୁ ଜନତା ଦଳ ଭୋଟପାଇବ ବୋଲି ଆଶା କରାଯାଉଛି। କିନ୍ତୁ ଗୋଟିଏ ଦୁଃଖର କଥା ହେଉଛି ବିଧାୟକ ନିଜ ସୁଶାସନ ପାଇଁ ପ୍ରଶଂସା ପାଉଥିବା ବେଳେ କିଛି ଜଣ ଖଳପ୍ରକୃତି ସରପଞ୍ଚ ଙ୍କ ଗୁଣ୍ଡାଗର୍ଦି ଓ ଦୁର୍ନୀତି କୁ  ବିଧାୟକ କାବୁ କରନ୍ତୁ ବୋଲି ଜନସାଧାରଣରେ ଦାବି ହେଉଛି। ନଚେତ୍ ଆଗାମୀ ଦିନରେ ସରପଞ୍ଚ ମାନଙ୍କ ପାଇଁ ନିଜେ ବଦନାମ ହେବା ସୁନିଶ୍ଚିତ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।