08-Jul-2023

କଣ୍ଟାବାଞ୍ଜି (ପ୍ରେରଣା ଖବର )
ବଲାଙ୍ଗିର ଜିଲ୍ଲା ତୁରେକେଲା ବ୍ଲକ୍ କଣ୍ଟାବାଞ୍ଜି କୃଷି ସୂଚନା ଓ ସୂଚନା କେନ୍ଦ୍ର ତାଲିମ ଗୃହ ଠାରେ ନିରନ୍ତର କୃଷି ସମ୍ପର୍କିତ ଅନୁଭୂତି ସଙ୍କଳନ କର୍ମଶାଳା ଏଫ୍ ଇ ଏସ ଭୁବନେଶ୍ୱର, କୃଷି ବିଭାଗ ଓ ଓ ଏଲ୍ ଏମ୍ ତରଫରୁ ଅନୁଷ୍ଠିତ ହୋଇଯାଇଛି। କର୍ମଶାଳା ରେ ଏଫ୍ ଇ ଏସ ଜିଲ୍ଲା ସଂଯୋଜକ ସୁଜିତ କୁମାର ଶତପଥୀ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ରୂପେ ବ୍ଲକ୍ କୃଷି ଅଧିକାରୀ ଆନନ୍ଦ କୁମାର ମଲ୍ଲିକ, ସମ୍ମାନିତ ଅତିଥି ରୂପେ ଓ ଏଲ ଏମ୍ ବିପିଏମ୍ ନୀଳମାଧବ ସାହୁ , ଏ ଫି ଏସ ଆଞ୍ଚଳିକ କାର୍ଯ୍ୟାଳୟ କାର୍ଯ୍ୟକ୍ରମ ଅଧିକାରୀ ହୃଷୀକେଶ ମହାପାତ୍ର, ତପନ କୁମାର ପାଢ଼ୀ ପ୍ରମୁଖ ଯୋଗଦେଇଥିଲେ। ଏହି ଅବସରରେ ପ୍ରଥମେ ପ୍ରଦୀପ ପ୍ରଜ୍ବଳନ କରି ଅତିଥି ମାନେ କାର୍ଯ୍ୟକ୍ରମ ଉଦଘାଟନ କରିଥିଲେ। କର୍ମଶାଳା ରେ ନିରନ୍ତର କୃଷି ପଦ୍ଧତି ର ବ୍ୟବହାର, ଏହାଦ୍ବାରା କୃଷି, ରୋଜଗାର, ବିକ୍ରିବଟା, ସ୍ବାସ୍ଥ୍ୟ ଉପରେ ଆଲୋଚନା ହୋଇଥିଲା। ଜୈବିକ ପଦ୍ଧତିରେ ଚାଷ କରିବା ଦ୍ୱାରା ପରିବେଶ ଓ ପରିସନ୍ଥାନ ର ସୁରକ୍ଷା ହେଉଥିବା ବେଳେ ଚାଷୀ ନିଜ ବିହନ ର ସଂରକ୍ଷଣ, ଜମିରେ ଜୈବିକ ଖତ, କୀଟନାଶକ ବ୍ୟବହାର କରି ଖର୍ଚ୍ଚ କମାଉଥିବା ପ୍ରକାଶ କରିଥିଲେ। କର୍ମଶାଳା ରେ ବିଟିଟି ସଦସ୍ୟ, କୃଷକ ସାଥି, ଏମ୍ ବି କେ, ଜି ଆର୍ ଏସ ଓ ଆଗୁଆ ନିରନ୍ତର କୃଷି ପଦ୍ଧତି ଆପଣେଇଥିବା ଚାଷୀ ଉପସ୍ଥିତ ଥିଲେ। ଅନ୍ୟ ମାନଙ୍କ ମଧ୍ୟରେ ଅଭୟ ତ୍ରିପାଠୀ, ସିଦ୍ଧେଶ୍ୱର ମାଝୀ, ଲୌକିକ ଧରୁଆ ପ୍ରମୁଖ ସହଯୋଗ କରିଥିଲେ। ଶେଷରେ ମାଷ୍ଟର ଟ୍ରେନର ଥବିର ଧରୁଆ ଧନ୍ୟବାଦ ଅର୍ପଣ କରିଥିଲେ।