08-Jul-2023

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )
 ବିଭିନ୍ନ ସମୟରେ ଓବିସି ଏସ ଟି ଏସ ସି ମିଳିତ ସଂଘ ସରକାର ଙ୍କ ନିକଟରେ ଜନସଂଖ୍ୟା ଭିତ୍ତିକ ସଂରକ୍ଷଣ ବ୍ୟବସ୍ଥା ଓ ଅନ୍ୟାନ୍ୟ ଦାବି ଉପସ୍ଥାପନ କରିଆସୁଛି।ହେଲେ ନା ଶୁଣୁଛି ସରକାର ନା ହେଇ ପାରୁଛି ସଂରକ୍ଷଣ ବ୍ୟବସ୍ଥା।ଯାହାକୁ ନେଇ ଏବେ ମିଳିତ ସଂଘ ଭିତରେ ଅସନ୍ତୋଷ ପ୍ରକାଶ ପାଉଥିବା ବେଳେ ଆନ୍ଦୋଳନ ର ଦାନା ବାନ୍ଧୁଛି।ଏପରିପେକ୍ଷିରେ ଲୋକଙ୍କୁ ସଚେତନା ଓ ଜାଗ୍ରତ କରିବାକୁ ଯାଇ ଶୁକ୍ରବାର ଦିନ  କଳାହାଣ୍ଡି ଜିଲ୍ଲା ଧର୍ମଗଡ଼ ସହର ଚାରିଛକ ନିକଟରେ  ପଥ ପ୍ରାନ୍ତ ସଚେତନା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।କାର୍ଯ୍ୟକ୍ରମ ରେ ସଂଘ ର ବରିଷ୍ଠ ନେତୃବୃନ୍ଦ ନିଜ ଅଭିଭାଷଣ ମାଧ୍ୟମରେ ଲୋକଙ୍କୁ ସଚେତନ କରିବା ସହ ଲିପଟପେଡ ବଣ୍ଟନ କରି ଲୋକଙ୍କୁ ଜାଗୃତ ହେବାକୁ ପ୍ରୟାସ କରିଥିଲେ। ସୂଚନା ଜେ ଦୀର୍ଘ ଦିନ ଧରି ଓବିଶି,ଏସ ଟି ଏସ ସି, ଓ ସଂଖ୍ୟାଲଘୁ ଛାତ୍ର ଛାତ୍ରୀ ଙ୍କୁ ଜନସଂଖ୍ୟା ଅନୁପାତରେ ଉଚ୍ଚ ଶିକ୍ଷା ,ବୃତ୍ତିଗତ ଶିକ୍ଷା ଓ ନିଯୁକ୍ତିରେ ସ୍ଥାନ ସଂରକ୍ଷଣ ଦେବା ଦାବି ହୋଇ ଆସୁଛି । ତା ସହ କଳାହାଣ୍ଡିରେ ପ୍ରସ୍ତାବିତ କେନ୍ଦ୍ରୀୟ ଆଦିବାସୀ ବିଦ୍ୟାଳୟ ପ୍ରତିଷ୍ଠା ,ଜିଲ୍ଲାର ଗରିବ ମେଧାବୀ ଛାତ୍ର ଛାତ୍ରୀ ମାନଙ୍କୁ ଆଇ ଏ ଏସ, ଓ ଏ ଏସ, ଓ ଯେ ଏସ, ଓ ଡାକ୍ତରୀ ପରୀକ୍ଷା ପାଇଁ ମାଗଣାରେ କୋଚିଂ ଦେବାର ବ୍ୟବସ୍ଥା,ଶିକ୍ଷାର ଘରୋଇ କାରଣ କୁ ସମ୍ପୂର୍ଣ୍ଣ ବନ୍ଦ୍ କରି ସବୁ ବର୍ଗର ଛାତ୍ର ଛାତ୍ରୀ ମାନଙ୍କୁ ସମାନ ଶିକ୍ଷା ଦେବା,ଯୁକ୍ତ୨,ଯୁକ୍ତ ୩ ଓ ସିଟି ନାମ ଲେଖା ପାଇଁ କେବଳ ନିଜ ଜିଲ୍ଲା ଛାତ୍ର ଛାତ୍ରୀ ମାନଙ୍କ ପାଇଁ ସବୁ ସିଟ ସଂରକ୍ଷଣ ଦେବା, ମଙ୍ଗଳ ବିଭାଗ ତରଫରୁ ପ୍ରତି ବ୍ଲକ୍ ରେ ଦୁଇଟି ଯୁକ୍ତ ୨ଓ ଯୁକ୍ତ ୩ ଆବାସ ମଡେଲ କଲେଜ ଖୋଲିବା ଭଳି ଅନେକ ଦାବି ସରକାରଙ୍କ ଠାରେ ଉପସ୍ଥାପନ କରି ଆସୁଛନ୍ତି। ହେଲେ ସରକାର ଏଥି ପ୍ରତି କର୍ଣ୍ଣପାତ କରୁ ନ ଥିବାରୁ ମିଲତ ସଂଘ ଅସନ୍ତୋଷ ପ୍ରକାଶ କରିଛି ।ବର୍ତ୍ତମାନ ସମାଜର ଜନସାଧାରଣ ଙ୍କୁ ସଚେତନ ଓ ଜାଗ୍ରତ କରିବା ପାଇଁ ମିଳିତ ସଂଘ ପ୍ରୟାସ ଜାରି ରଖିଛି । ମିଳିତ ସଂଘ ଆବାହକ ଡମ୍ବରୁଧର ଲହଜକ ଙ୍କ ନେତୃତ୍ୱରେ ଅନୁଷ୍ଠିତ ଏହି ସଭାରେ ଡାକେଶ୍ୱର୍ ଲହଜଲ,ରତନ ନାଏକ,ପ୍ରମୋଦ ହଂସ,ଅରକ୍ଷିତ ଭାଇସାଲ,ରୀନା ଭୋଇ,ଗୁଣ ନିଧି ଶବର,ଲବରାମ ସରାପ, ତ୍ରିନାଥ ନାଏକ,ଦିଗାମ୍ବର ଦୂରିଆ ପ୍ରମୁଖ ଉପସ୍ଥିତ ରହିଥିଲେ ।