07-Jul-2023

ବଲାଙ୍ଗୀର, ବନମହୋତ୍ସବ ସପ୍ତାହ ଉପଲକ୍ଷେ ବଲାଙ୍ଗୀର ଆୟୁର୍ବେଦ ମହାବିଦ୍ୟାଲୟ ପରିସରରେ  ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହା ପୂର୍ବରୁ କଲେଜର ଅଧ୍ୟକ୍ଷ ଡ. ଅରୁଣ କୁମାର  ଦାସଙ୍କ ସଭାପତିତ୍ୱରେ ଏକ ସଚେତନତା ସଭା ଅନୁଷ୍ଠିତ ହୋଇଯାଇଛି । ଏଥିରେ କଲେଜର ଛାତ୍ରଛାତ୍ରୀ, ଶିକ୍ଷକ  ତଥା କର୍ମଚାରୀ ସହ ବନ ବିଭାଗ ଓ ନାଗରିକ କମିଟିର ସଦସ୍ୟ ମାନେ ଯୋଗ ଦେଇଥିଲେ । ମୁଖ୍ୟ ଅତିଥି ରୂପେ ଯୋଗ ଦେଇ ବଲାଙ୍ଗୀର ଡିଏଫ୍‌ଓ ନିତୀଶ କୁମାର, ବଲାଙ୍ଗିର ଜିଲ୍ଲାରେ ବୃକ୍ଷରୋପଣ କରି ୪ବର୍ଷ ପର୍ଯ୍ୟନ୍ତ ବିଭାଗ ତରଫରୁ ରକ୍ଷଣାବେକ୍ଷଣ କରାଯିବ ବୋଲି କହି ଇତିହାସ ଓ ପୂରାଣରୁ ଗଛର ଭୂମିକା ଉପରେ ବର୍ଣ୍ଣନା କରି ଗଛକୁ କାଟିବା ଅର୍ଥ ଭଗବାନଙ୍କୁ ହତ୍ୟା କରିବା ବୋଲି ମତବ୍ୟକ୍ତ କରିଥିଲେ । ନାଗରିକ କମିଟିର ସଭାପତି ଇଂ ବେଲାରସିଂ ଭୋଇ ଅତିଥିରୂପେ ଯୋଗ ଦେଇ ବୃକ୍ଷରୋପଣ ଅପେକ୍ଷା

ବୃକ୍ଷକୁ ବଂଚାଇବା ଅଧିକ ତାତ୍ପର୍ଯ୍ୟପୂର୍ଣ୍ଣ ବୋଲି କହିଥିଲେ । ସାଧାରଣ ସଂପାଦକ ମନୋରଂଜନ ସାହୁ, ଓଡ଼ିଶାର ଏକ ଅଗ୍ରଣୀ ଶିକ୍ଷାନୁଷ୍ଠାନ ଆର‌୍ୟୁବେଦ ମହାବିଦୟାଲୟ, ବନ ବିଭାଗ ଓ ନାଗରିକ କମିଟିର ମିଳିତ ଉଦ୍ୟମରେ ଉତ୍ସବ ପାଳନ ହେଉଥିବାରୁ ଉତ୍ସବ ଟି ଅଧିକ ଫଳପ୍ରଦ ହେବ ବୋଲି ଆଶାପୋଷଣ କରିଥିଲେ । ପ୍ରଫେସର କବିତା ରଥ ବୃକ୍ଷର ଜୀବନ ଅଛି ବୋଲି ବିଭିନ୍ନ ପ୍ରମାଣ ଦର୍ଶାଇ ସମସ୍ତ ନାଗରିକ ମାନଙ୍କର ସହଯୋଗ କାମନା କରିଥିଲେ । ପ୍ରଫେସର ଡ. ଅରୁଣ କୁମାର ଦାସ ବୃକ୍ଷ ବଂଚିଲେ ମଣିଷ ବଂଚିବ,

ସମସ୍ତ ବୃକ୍ଷଲତାର ଔଷଧୀୟ ଗୁଣ ଅଛି, ଏହାକୁ ବଂଚାଇବା ମଣିଷର ପରମ ଲକ୍ଷ ହେବା ଉଚିତ ବୋଲି କହିଥିଲେ । ଡା. ନିଗମାନନ୍ଦ ବଳ ସଭାକୁ ପରିଚାଳନା କରିଥିବା ବେଳେ ଡ. ଶୁଭସ୍ମିତା ଜେନା ଧନ୍ୟବାଦ ଅର୍ପଣ କରିଥିଲେ । କଲେଜ ତରଫରୁ ଅନ୍ୟାନ୍ୟ ମାନଙ୍କ ମଧ୍ୟରେ ପ୍ରଫେସର ମନୋଜ କୁମାର ସାହୁ, ପ୍ର. ସୀମାଦ୍ରୀ ଭୂଷଣ ନାୟକ, ପ୍ର. ସରିତା ମହନ୍ତ, ପ୍ର. ଶିବବ୍ରତ ବେହେରା, ଡା. ଉତ୍କଳିନୀ ନାୟକ, ରେଂଜର କେଶବ କୁମାର ନାୟକ, ନାଗରିକ କମିଟି ତରଫରୁ ଉପସଭାପତି ନିତ୍ୟାନନ୍ଦ ମିଶ୍ର, ସହସଂପାଦକ ଚକ୍ରପାଣି ଦାଶ, ଗୋପଭୂଷଣ ନାଥ,ପର୍ଶୁରାମ ନାୟକ, ୁଜୟରାମ ମିଶ୍ର, ବିମଳ ଚୋପଦାର, ଧର୍ମବ୍ରତ ରଥ, ଗୋପବନ୍ଧୁ ପୁରୋହି. ଦିବାକର ହୋତା, ନରେଶ ଚନ୍ଦ୍ର ଦାଶ, ସଲିମ୍ ଖାନ୍‌, ସରୋଜ ଚୋପଦାର, ଅଶୋକ ମିଶ୍ର, ଅଶୋକ ସାହୁ, ପ୍ରଶାନ୍ତ ପଟ୍ଟନାୟକ,  ପ୍ରମୁଖ ଉପସ୍ଥିତ ଥିଲେ ।