07-Jul-2023

ବଲାଙ୍ଗିର(ଦେବାଶିଷ ବହିଦାର) ବଲାଙ୍ଗିର ଜିଲ୍ଲା ର ସଦାଇପାଲି ଗ୍ରାମ ସ୍ଥିତ ପଲ୍ଲିଶ୍ରୀ ଉଚ୍ଚ ବିଦ୍ୟଳୟ ପରିସରରେ ରାମଜୀ ଯୁବକ ସଂଘ, ସଦାଇପାଲି ଆନୁକୁଲ୍ୟରେ ଏବଂ ଜ୍‌ିଲ୍ଲା ଜଙ୍ଗଳ ବିଭାଗ, ବଲାଙ୍ଗିର ସହଯୋଗରେ ବନମହୋତ୍ସବ ପାଳନ ଏବଂ ବୃକ୍ଷ ରୋପଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଏହି ଅବସରରେ ଆୟୋଜିତ ସଚେତନତା ସଭାରେ ମୂଖ୍ୟ ଅତିଥି ଜିଲ୍ଲା ଜଙ୍ଗଳ ଅଧିକାରୀ ଶ୍ରୀ ନିତିଶ କୁମାର ଉପସ୍ଥିତ ଛାତ୍ର/ଛାତ୍ରୀ ତଥା ଶିକ୍ଷକ ଓ କର୍ମଚାରୀ ବୃନ୍ଦଙ୍କୁ ବୃକ୍ଷର ମହ୍ୱତ୍ୱ ଏବଂ ବିଶ୍ୱତାପନ ଉପରେ ଅବଗତ କରାଇ ସମସ୍ତଙ୍କୁ ବୃକ୍ଷରୋପଣ ଓ ତା ଯତ୍ନ କରି ମହତ କାର୍ଯ୍ୟରେ ନିଜକୁ ନିୟୋଜିତ କରିବା ପାଇଁ ଆହ୍ୱନ ଦେଇଥିଲେ । ସଭାର ସଭାପତି ରାମଜୀ ଯୁବକ ସଂଘର ସମ୍ପାଦକ ଡ. ନାରାୟଣ ପ୍ରସାଦ ମିଶ୍ର ଅଂଶଗ୍ରହଣ କାରୀଙ୍କୁ ସ୍ୱଚ୍ଛତା ଓ ବୃକ୍ଷରୋପଣ ପାଇଁ ଉତ୍ସାହିତ କରିବା ସହିତ ବଂଚିବା ପାଇଁ ଏହାର ଆବଶ୍ୟକତା ଉପରେ ଗୁରୁତ୍ୱ ଆରୋପ କରିଥିଲେ । ଏହି ଅବସରରେ ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ ବଲାଙ୍ଗିର ଡିଭିଜନ ର ରେନଜର କେଶବ କିଶୋର ନାଏକ, ରାମଜୀ ଯୁବକ ସଂଘର ସଭାପତି ଡ. ପ୍ରମୋଦ କୁମାର ମିଶ୍ର, ସ୍ଥାନୀୟ ସରପଂଚ ଶ୍ରୀ କରୁଣାକର ପଟେଲ, ସୁନିଲ କୁମାର ମିଶ୍ର, ଅଶୋକ କୁମାର ସେଠ, ଚିନ୍ମୟ ପ୍ରଧାନ, ସମିତି ସଭ୍ୟ ଗୋଲାପ ବାଗ, ଏ.ବି.ଡି.ଓ, ବଲାଙ୍ଗିର ଶ୍ରୀ ରାମଭକ୍ତ ଭୋଇ, ବିରଂଚି ସାଏ, ନନ୍ଦଲାଲ ସାଏ ପ୍ରମୁଖ  ।  ସ୍ୱାଗତ ଭାଷଣ ପ୍ରଦାନ କରିଥିଲେ ବିଦ୍ୟାଳୟ ପ୍ରଧାନ ଶିକ୍ଷକ ଶ୍ରୀ ବୃନ୍ଦାବନ ମହାକୁର ଏବଂ ଧନ୍ୟବାଦ ଅର୍ପଣ କରିଥିଲେ କାର୍ଯ୍ୟକ୍ରମ ସଂଯୋଜକ ଶ୍ରୀ ଅଶୋକ କୁମାର ମେହେର । ସଚେତନତା ସଭା ପରେ ଅତିଥି ବୃନ୍ଦ ଏବଂ ଅଂଶଗ୍ରହଣକାରୀ ବିଦ୍ୟାଳୟ ପରିସରରେ ବିଭିନ୍ନ ପ୍ରକାରର ଫଳ ଏବଂ େଓøଷଧିୟ ବୃକ୍ଷରୋପଣ କରିଥିଲେ ଯାହାକି ଜିଲ୍ଲା ଜଙ୍ଗଳ ବିଭାଗ ତରଫରୁ ପ୍ରଦାନ କାରାଯାଇଥିଲା । କାର୍ଯ୍ୟକ୍ରମରେ ସହଯୋଗ କରିଥିଲେ ସୁନିଲ ଚନ୍ଦ୍ର ବିଶ୍ୱାଳ, ଇଂ. ସନ୍ତୋଷ କୁମାର ବ୍ରହ୍ମା ଏବଂ ବିଦ୍ୟାଳୟର ସମସ୍ତ ଶିକ୍ଷକ ଓ କର୍ମଚାରୀ ବୃନ୍ଦ ଏବଂ ଜଙ୍ଗଳ ବିଭାଗର କର୍ମକର୍ତା ବୃନ୍ଦ । ବିଦ୍ୟାଳୟର ପ୍ରାୟ ୧୧୦ ଜଣ ଛାତ୍ରଛାତ୍ରୀ ଓ ଅଂଶଗ୍ରହଣକାରୀ ଯୋଗଦାନ କରିଥିଲେ । ଶାରିରୀକ ଅସୁସ୍ଥତା ପାଇଁ ସାଇଟ ପ୍ରତିଷ୍ଠାତା ଡ. ଶ୍ରୀକର ମିଶ୍ର କାର୍ଯ୍ୟକ୍ରମରେ ଯୋଗଦାନ କରିପାରିନଥିଲେ ମଧ୍ୟ ତାର ସଫଳତା ଏବଂ ବୃକ୍ଷର ଆବଶ୍ୟକତା ଉପରେ ସୁଭେଚ୍ଛାବାର୍ତା ଦେଇଥିଲେ ।