07-Jul-2023

ସମ୍ବଲପୁର, (ସଂଜୀବ ପାଣିଗ୍ରାହୀ )
ସମ୍ବଲପୁରୀ ସଂସ୍କୃତି ର ପୁରୋଧା ଗୁରୁ ସତ୍ଯ ନାରାୟଣ ବହିଦାରଂକର ଜନ୍ମଦିନ କୁ ୨୦୧୩ ରୁ ସମ୍ବଲପୁରୀ ଦିନ ଭାବରେ ପଶ୍ଚିମାଞ୍ଚଳ ଏକତା ମଂଚ ପାଲନ ଆରମ୍ଭ କରିଥିଲା। ଗୁରୁଶ୍ରୀ ସତ୍ଯ ନାରାୟଣ ବହିଦାର ସମ୍ବଲପୁରୀ ସାଧକ କବି କଲାକାର ମାନଂକୁ ଏକଜୁଟ କରିବା ସହ ଭାଷା ସଂସ୍କୃତି ର ପ୍ରଚାର ପ୍ରସାର ପାଇଁ ସାରା ଜୀବନ ବଲିଦାନ ଦେଇଥିଲେ। ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ସମ୍ବଲପୁର ସମେତ ରାଜ୍ଯ ର ବିଭିନ୍ନ ସ୍ଥାନରେ ତାଙ୍କର ଜନ୍ମଦିନ କୁ  ଦଶ ବର୍ଷ ହେବ ସମ୍ବଲପୁରୀ ଦିନ ଭାବରେ ଆୟୋଜନ କରିଆସୁଛି।  ଏହାସହ ସମ୍ବଲପୁର କଚେରୀ ରୋଡରେ ପଶ୍ଚିମାଞ୍ଚଳ ଏକତା ମଂଚ ପ୍ରତି ବର୍ଷ ରାଜ୍ଯ ସ୍ତରୀୟ ସମ୍ବଲପୁରୀ ଦିନ ର ପାଲନ କରି ଆସୁଛି। ଚଲିତ ବର୍ଷ ଏଗାର ତମ ସମ୍ବଲପୁରୀ ଦିନ ରେ ଅତିଥି ଭାବରେ ଓଡିଶା ର ମହାମହିମ ରାଜ୍ଯପାଲଂକୁ  ରାଜଭବନ ଯାଇ ନିୟୁତା ଦେଇଛି ପଶ୍ଚିମାଞ୍ଚଳ ଏକତା ମଂଚ।ଏହି ସମୟରେ ମହାମହିମ ରାଜ୍ୟପାଳ ଗୁରୁ ସତ୍ଯ ନାରାୟଣ ବହିଦାର ଏବଂ ସମ୍ବଲପୁରୀ ଦିନ ବାବଦରେ ପଚାରି ବୁଝିଥିଲେ।  ସମ୍ବଲପୁରୀ ଦିନ ର ଗୋଟିଏ ଦଶନ୍ଧିର ଅଭୁତପୂର୍ବ   ସଫଲତା ପାଇଁ ରାଜ୍ଯପାଲ ପଶ୍ଚିମାଞ୍ଚଳ ଏକତା ମଂଚ କୁ ଅଭିନନ୍ଦନ ଜଣାଇ ଥିଲେ। 
ନିୟୁତା ଦେବା ଅବସରରେ ରେଂଗାଲୀ ବିଧାୟକ ତଥା ପଶ୍ଚିମାଞ୍ଚଳ ଏକତା ମଂଚ ର ଅନ୍ୟତମ ଉପଦେଷ୍ଟା ନାଉରୀ ନାୟକ ଆବାହକ ଭବାନୀଶ ଭୋଇ, ମୁଖ୍ଯ ସଂଯୋଜକ ମାନସ ରଂଜନ ବକ୍ସୀ, ସଂଗଠନ ସଂଯୋଜକ ସୁବୋଧ କୁମାର ଦୋରା ଉପସ୍ଥିତ ରହିଥିଲେ।