10-Dec-2020

ସମ୍ବଲପୁର, (ଦେବାଶିଷ ବେହେରା) ଓଡିଶା ସରକାର ବିଭିନ୍ନ ସରକାରୀ ଚିକିତ୍ସାଳୟରେ ଖାଲି ପଡିଥିବା ବିଭିନ୍ନ ପ୍ରକାରର ପଦ ପଦବୀ ପୂରଣ ପାଇଁ ଆରମ୍ଭ କରିଛନ୍ତି ନିଯୁକ୍ତି ପ୍ରକ୍ରିୟା । କିନ୍ତୁ, ନିଯୁକ୍ତି ପ୍ରକ୍ରିୟା ର ଆରମ୍ଭରୁ ହିଁ ଶୁଭିଲାଣି ସରକାର ଙ୍କ ନୀତି କୁ ବିରୋଧ କରୁଥିବାର ସ୍ୱର । ଚଳିତ କୋଭିଡ-୧୯ ପରିସ୍ଥିତି ରେ କର୍ମଚାରୀ ଅଭାବ କୁ ଦୃଷ୍ଟି ରେ ରଖି ଗତ ମାର୍ଚ୍ଚ ମାସରେ ରାଜ୍ୟର ସ୍ୱାସ୍ଥ୍ୟ ବିଭାଗ ରେ ଚୁକ୍ତିଭିତ୍ତିକ ବ୍ୟବସ୍ଥା ରେ ନିଯୁକ୍ତି ପାଇଥିଲେ ୨୫୦୦ ରୁ ଉର୍ଦ୍ଧ୍ଵ ଷ୍ଟାଫ ନର୍ସ । କୋଭିଡ ମହାମାରୀ ସମୟରେ ଗତ ୯ ମାସ ଧରି ନିଜ ଜୀବନ କୁ ବାଜି ଲଗେଇ ବିଭନ୍ନ ସ୍ୱାସ୍ଥ୍ୟ କେନ୍ଦ୍ର ଓ ଚିକିତ୍ସାଳୟରେ ସେବାକାର୍ଯ୍ୟ କରି ଆସୁଛନ୍ତି ଏହି ଷ୍ଟାଫ ନର୍ସ ମାନେ । କିନ୍ତୁ ବର୍ତ୍ତମାନ ରାଜ୍ୟ ର ସ୍ୱାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ପଦ ପଦବୀ ପୂରଣ ପାଇଁ ଜାରି କରାଯାଇଥିବା ବିଜ୍ଞାପନ ରେ ୬୪୩୨ ଷ୍ଟାଫ ନର୍ସ ପଦବୀ ପୂରଣ ର ଆବେଦନ ପତ୍ର ମଗାଯାଇଥିବା ବେଳେ, ଏହି ଚୁକ୍ତିଭିତ୍ତିକ ଷ୍ଟାଫ ନର୍ସ ମାନଙ୍କ ପାଇଁ କୌଣସି ବିଷୟ ଉଲ୍ଲେଖ ନାହିଁ । ଏହାକୁ ନେଇ ରାଜ୍ୟ ରେ କାର୍ଯ୍ୟରତ ୨୫୦୦ ରୁ ଉର୍ଦ୍ଧ୍ଵ ଷ୍ଟାଫ ନର୍ସ ବର୍ତ୍ତମାନ ଆନ୍ଦୋଳନକୁ ଓଲ୍ଲାଇଛନ୍ତି ।
         ଏହି ମର୍ମରେ ସମ୍ବଲପୁର ଜିଲ୍ଲାରେ ମଧ୍ୟ ଆରମ୍ଭ ହୋଇଛି ଆନ୍ଦୋଳନ । ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଙ୍କ କାର୍ଯ୍ୟାଳୟ ର ମୁଖ୍ୟ ଫାଟକ ସମ୍ମୁଖରେ ଆରମ୍ଭ ହୋଇଛି ଏହି ଆନ୍ଦୋଳନ । ଆନ୍ଦୋଳନରତ ଷ୍ଟାଫ ନର୍ସ ଙ୍କର ଦାବୀ ହେଲା ଯେ....
ସମ୍ବଲପୁର ଜିଲ୍ଲା ପାଇଁ ୧୪୨ ଟି ଷ୍ଟାଫ ନର୍ସ ପଦବୀ ପୂରଣ ପାଇଁ ବିଜ୍ଞାପନ ରେ ଉଲ୍ଲେଖ ରହିଛି । କୋଭିଡ-୧୯ ର ମୁକାବିଲା ପାଇଁ ଜିଲ୍ଲା ରେ ଦୁଇ ଟି ପର୍ଯ୍ୟାୟ ରେ ପ୍ରଥମେ ୨୯ ଓ ପରେ ୨୭ ଜଣଙ୍କୁ ମିଶାଇ ମୋଟ ୫୬ ଜଣ ଷ୍ଟାଫ ନର୍ସ ଙ୍କୁ ଚୁକ୍ତିଭିତ୍ତିକ ବ୍ୟବସ୍ଥା ରେ ନିଯୁକ୍ତି ଦିଆଯାଇଛି । ଆମର ଶିକ୍ଷାଗତ ଯୋଗ୍ୟତା ରହିଥିବା ବେଳେ କୋଭିଡ ଭଳି ବିପରୀତ ପରିସ୍ଥିତିରେ ସେବା କାର୍ଯ୍ୟ ସମ୍ପାଦନ କରିବାର ଅଭିଜ୍ଞତା ମଧ୍ୟ ରହିଛି । ଏଣୁ ଏହି ନିଯୁକ୍ତି ପ୍ରକ୍ରିୟାରେ ସମ୍ବଲପୁର ଜିଲ୍ଲା ସଙ୍ଗେ ସଙ୍ଗେ ରାଜ୍ୟ ର ସମସ୍ତ ଜିଲ୍ଲା ରେ କାର୍ଯ୍ୟରତ ଏଭଳି ଚୁକ୍ତିଭିତ୍ତିକ ଷ୍ଟାଫ ନର୍ସ ଙ୍କୁ ଅଗ୍ରାଧିକାର ଦିଆଯାଉ ।
         ତିନି ଦିନ ଧରି ଚାଲିବାକୁ ଥିବା ଏହି ଆନ୍ଦୋଳନର ପ୍ରଥମ ଦିନରେ ଏହି ଆନ୍ଦୋଳନ କୁ ସମର୍ଥନ ଜଣେଇଛି ସମ୍ବଲପୁର ବିଜେପି । ବିଜେପି ଜିଲ୍ଲା ସଭାପତି *ଶ୍ରୀଯୁକ୍ତ ଗିରିଶ ପଟେଲଙ୍କ ନେତୃତ୍ୱରେ ଏକ ଦଳ ଆନ୍ଦୋଳନ ସ୍ଥଳରେ ପହଞ୍ଚି ଆନ୍ଦୋଳନରେ ସାମିଲ ହୋଇଥିଲେ । ଆନ୍ଦୋଳନକାରୀଙ୍କ ଦାବୀ କୁ ସମର୍ଥନ ଜଣେଇବା ସଙ୍ଗେ ସଙ୍ଗେ ରାଜ୍ୟ ସରକାର ଙ୍କର ଏଭଳି ଭୁଲ ଓ ଅମାନୁଷିକ ନୀତି କୁ ନିନ୍ଦା କରିଛନ୍ତି ଜିଲ୍ଲା ସଭାପତି ଶ୍ରୀଯୁକ୍ତ ପଟେଲ । ଯେ କୌଣସି ସମୟରେ ଓ ଯେକୌଣସି ପରିସ୍ଥିତିରେ ଜିଲ୍ଲା ବିଜେପି ଏହି ନ୍ୟାର୍ଯ୍ୟ ଦାବୀ ପାଇଁ ଚାଲିଥିବା ଆନ୍ଦୋଳନ ସହିତ ରହିଛି ଓ ରହିଥିବ ବୋଲି ସେ ଆଶ୍ୱାସନା ଦେଇଛନ୍ତି ।*
         ଆଜିର ଆନ୍ଦୋଳନରେ ଅନ୍ୟ ମାନଙ୍କ ମଧ୍ୟରେ କ୍ଷେତ୍ରିୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି, ଯୁବ ମୋର୍ଚ୍ଚା ରାଜ୍ୟ ସମ୍ପାଦକ ଅଶ୍ୱିନୀ ମାଝି, ନିଲାମ୍ବର ସିକନ୍ଦର, ରୂପେଶ କୁଅଁର, ସୌମିତ୍ର ଜତି, ସୁଧୀର ପରିଡା, କମଲଜିତ ସିଂ, ରାମ ଚନ୍ଦ୍ର ଭୋଇ, ଅନିଲ ଶାହା, ତପନ ମାଝି, ସନ୍ଦୀପ ଖଣ୍ଡେଲବାଲ, ଆଲୋକ ନାଏକ ପ୍ରମୁଖ ସାମିଲ ଥିଲେ ।