22-May-2023

ବଲାଙ୍ଗିର (ଦେବାଶିଷ ବହିଦାର ): ରାଜ୍ୟ କ୍ରୀଡ଼ା ବିଭାଗ ତଥା କ୍ରୀଡ଼ା ଛାତ୍ରାବାସ ବଲାଙ୍ଗିର ଆନୁକୂଲ୍ଯରେ ଗତ ମେ ମାସ ୧ ତାରିଖ ରୁ ଚାଲିଥିବା ଅଣ ଆବାସିକ ଗ୍ରୀଷ୍ମକାଳୀନ ଫୁଟବଲ ପ୍ରଶିକ୍ଷଣ ଶିବିର ଉଦଯାପିତ ହୋଇ ଯାଇଅଛି । ଉଦଯାପନୀ ଉତ୍ସବରେ ସହକାରୀ ଜିଲ୍ଲାପାଳ ସୋମକେଶ ନାୟକ ଏବଂ ସହକାରୀ ଜିଲ୍ଲାପାଳ ଆଦିତ୍ଯ ଦଳବେହେରା ଉପସ୍ଥିତ ରହି ସମସ୍ତ ଫୁଟବଲ ପ୍ରତିଭା ମାନଙ୍କୁ ସାର୍ଟିଫିକେଟ ଦେଇ ଉତ୍ସାହିତ କରିଥିଲେ।  ଜିଲ୍ଲା କ୍ରୀଡ଼ା ଅଧିକାରୀ ପରାସର ବାଗ୍ କାର୍ଯ୍ୟକ୍ରମକୁ ପରିଚାଳନା କରିଥିଲେ। ଉକ୍ତ ଗ୍ରୀଷ୍ମକାଳୀନ ଫୁଟବଲ ପ୍ରଶିକ୍ଷଣ ଶିବିରରେ ୩୦ ଜଣ କୁନି ପ୍ରତିଭା ୨୨ ଦିନ ଧରି ଫୁଟବଲର ବିଭିନ୍ନ କୌଶଳ ମାନେ ଶିକ୍ଷାଲାଭ କରିବା ସହିତ ଆଗାମୀ ଦିନରେ ଜଣେ ଭଲ ଫୁଟବଲ ଖେଳାଳି ହେବା ପାଇଁ ପ୍ରତିଶୁତିବଦ୍ଧ ହୋଇଥିଲେ।