06-Apr-2023

ସମ୍ବଲପୁର, (ସଂଜୀବ ପାଣିଗ୍ରାହୀ)
ବରିଷ୍ଠ ସାମ୍ବାଦିକ ସାଧବ ପ୍ରଧାନଙ୍କ ଶଶୁର ତଥା ବରଗଡ଼ ଜ଼ିଲ୍ଲା ସୋହେଲା ବ୍ଲକ ପାଣିମୋର ଗ୍ରାମ ନିବାସୀ ଅବସରପ୍ରାପ୍ତ ଶିକ୍ଷକ ଆନନ୍ଦ ପରଡ଼ିଆ (୭୮)ଙ୍କ ବୁଧବାର ରାତ୍ର ଘ.୯ମି. ସମୟରେ ସ୍ଥାନୀୟ ଏକ ଘରୋଇ ନର୍ସିଂ ହୋମରେ ଚିକିତ୍ସାଧିନ ଅବସ୍ଥାରେ ପରଲୋକ ଘଟିଛି I ସେ ଜଣେ ଅତ୍ୟନ୍ତ ମେଳାପୀ, ମିଷ୍ଟଭାଷୀ, ନିଷ୍କପଟ, ପରୋପକାରୀ, ସହୃଦୟ ବ୍ୟକ୍ତି ତଥା ଜଣେ ଆଦର୍ଶ ଶିକ୍ଷକ ଭାବେ ସୁଖ୍ୟାତି ଅର୍ଜନ କରିଥିଲେ I  ପାଣିମୋରା ଗ୍ରାମ ଶ୍ୱସାନରେ ଆଜି ସକାଳେ ଶେଷକୃତ୍ୟ ସମ୍ପର୍ଣ ହୋଇଥିବା ବେଳେ ବିଧବା ପତ୍ନୀ ସଫେଦ,ଏକ ମାତ୍ର ଝିଅ ମିତା ପ୍ରଧାନ (ଦେବକୀ), ଜ୍ୟୋଇଁ ସାମ୍ବାଦିକ ସାଧବ ପ୍ରଧାନ, ଭାଇ ଦେବାନନ୍ଦ ଓ ସଦାନନ୍ଦ, ପୁତୁରା ତୁଶୋବନ୍ତ, ଗୁଣବନ୍ତ, ବଳବନ୍ତ, ନାତି ନାତୁଣୀ ତଥା ପରିବାର ବର୍ଗ ମୃତ୍ୟୁ ଶଯ୍ୟା ନିକଟରେ ଉପସ୍ଥିତ ଥିଲେ I  ତାଙ୍କ ପରଲୋକରେ ଆତ୍ମୀୟ ସ୍ୱଜନ, ପରିଚିତ ମହଲରେ ଶୋକର ଛାୟା ଖେଳିଯାଇଛି I ୨୦୦୩ ମସିହାରେ ବରଗଡ ଜ଼ିଲ୍ଲା ମସନାବାହାଲ ପ୍ରାଥମିକ ବିଦ୍ୟାଳୟରୁ ଅବସରରେ ନେଇଥିବା ସ୍ୱର୍ଗତ ଆନନ୍ଦ ପରଡ଼ିଆ ବିଜେପୁର, ବିଲେଇପାଲି, ସମଲେଇପଦର ଆଦି ପ୍ରାଥମିକ ବିଦ୍ୟାଳୟରେ ଶିକ୍ଷକତା କରି ଅଞ୍ଚଳରେ ପ୍ରିୟଭାଜନ ହୋଇପାରିଥିଲେ I ପାଣିମୋରା ସ୍ୱାଧୀନତା ସଂଗ୍ରାମୀ କମିଟି, ଖଣ୍ଡାୟତ ମହାସଭା ଆଦି ସଂଗଠନର କର୍ମକର୍ତ୍ତା ଦାୟିତ୍ୱରେ ରହିଥିଲେ I