02-Apr-2023

ଲୋଇସିଂହା, (ବିନୋଦ କୁମାର ଦୀପ) : ଲୋଇସିଂହା ସ୍ଥିତ ମା’ ଶାରଳା ଶକ୍ତିପୀଠ ଆନୁକୂଲ୍ୟରେ ସ୍ଥାନୀୟ ଦୁର୍ଗାମଣ୍ଡପ ନିକଟରେ ଗତ ୨୧ ତାରିଖ ରୁ ୩୧ ତାରିଖ ପର୍ଯ୍ୟନ୍ତ ବାସନ୍ତିକ ଦଶ ମହାବିଦ୍ୟା ନବରାତ୍ର ଦୁର୍ଗାପୂଜା ଅନୁଷ୍ଠିତ ହୋଇଯାଇଛି l ପୀଠର ଅଧ୍ୟକ୍ଷ ମୂରଲୀ ଭୋଇଙ୍କ ଅଧ୍ୟକ୍ଷତାରେ ମା’ଙ୍କ ଦଶ ମହାବିଦ୍ୟା ଚଣ୍ଡୀପାଠ ତଥା ପ୍ରତ୍ୟହ ବିଭିନ୍ନ ବେଶ ଅନୁଷ୍ଠିତ ହୋଇଥିବା ବେଳେ ପ୍ରତ୍ୟହ ସନ୍ଧ୍ୟାରେ ମା’ଙ୍କ ପୂଜା ସହ ଆଳତି ଦେଖିବାକୁ ଶତାଧିକ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଥିଲା l ତେବେ ପୂଜାରମ୍ଭର ଦ୍ଵିତୀୟ ଦିନରେ ପାର୍ଶ୍ଵଦେବୀ ଛିନ୍ନମସ୍ତାଙ୍କ ମୂର୍ତ୍ତି ନିଜ ସ୍ଥାନ ପରିବର୍ତ୍ତନ କରିବା ଭଳି ଏକ ଅଲୌକିକ ଘଟଣା ଦେଖିବାକୁ ମିଳିଥିଲା l ଏହି ଘଟଣା ପରେ ଶ୍ରଦ୍ଧାଳୁଙ୍କ ମନରେ ଉତ୍ସୁକତା ବଢିଥିଲା l ନବରାତ୍ର ର ଷଷ୍ଠଦିନ ଝାମୁଯାତ୍ରା, ନବମୀ ଦିନ କଣ୍ଟାଦୁଲି କାର୍ଯ୍ୟକ୍ରମ ଲୋକଙ୍କ ମନରେ ଉତ୍ସାହ ବଢ଼ାଇଥିଲା l ଗତ ୩୧ ତାରିଖ ଶୁକ୍ରବାର ଦିନ ଦଶ ମହାବିଦ୍ୟା ଚଣ୍ଡୀପାଠ ତଥା ହୋମଯଜ୍ଞ ସମାପନ  କରାଗଲା l ଏହି ବାସନ୍ତିକ ନବରାତ୍ର ଦୁର୍ଗାପୂଜା ପୂଜା କମିଟିରେ ସଭାପତି  କୁନା ଭୋଇ, ସମ୍ପାଦକ ରବୀନ୍ଦ୍ର ପୁଟେଲ, ଉପ ସଭାପତି ସୁଶୀଲ ପାଣ୍ଡେ ଉପସ୍ଥିତ ଥିବାବେଳେ ବ୍ରଜମୋହନ ବିଶୋଇ, ସଂଜୀବ ସାହୁ, ରାଜେଶ ପଶାୟତ, ପ୍ରଦୀପ ଦଣ୍ଡସେନା, ସୁମନ୍ତ ସାହୁ, କୁମର ପାଣ୍ଡେ, ମନୋଜ ବିଶି, ଯଇନ ଘିବେଲା ପ୍ରମୁଖ ଉକ୍ତ ବାସନ୍ତିକ ଦଶ ମହାବିଦ୍ୟା ନବରାତ୍ର ଦୁର୍ଗାପୂଜାରେ ସହଯୋଗ କରିଥିଲେ l