04-Dec-2020

ଛାମୁଣ୍ଡିଆ, ଗଣିଆ, (ପ୍ରେରଣା ଖବର) - ଆଦିବାସୀ ଅଧ୍ୟୁଷିତ ଅଞ୍ଚଳ ଭାବେ ନୟାଗଡ଼ ଜିଲ୍ଲା ଗଣିଆ ବ୍ଳକ ବେଶ ଜଣାଶୁଣା | ଏହି ବ୍ଲକ ଟି କନ୍ଧମାଳ ସାଂସଦ ତଥା ଆଦିବାସୀ ଗରିବଙ୍କ ବନ୍ଧୁ, କିଟ ୟୂନିଭରସିଟି ର ପ୍ରତିଷ୍ଠାତା ଡ଼ଃ. ଅଚ୍ୟୁତ ସାମନ୍ତ ଙ୍କ ନିର୍ବାଚନ ମଣ୍ଡଳୀ ର ଅନ୍ତର୍ଭୁକ୍ତ | କିନ୍ତୁ ଏହି ଗଣିଆ ବ୍ଳକ ର ଛାମୁଣ୍ଡିଆ ର ଗୁପ୍ତେଶ୍ୱର ବିଦ୍ୟାପୀଠ ରେ ଦୀର୍ଘ କୋଡିଏ ବର୍ଷ ହେଲା ବିଜ୍ଞାନ ଶିକ୍ଷକ ନାହାନ୍ତି | ଏହି ବିଷୟରେ ଅଞ୍ଚଳ ବାସୀ ସ୍ଥାନୀୟ ନେତା ଙ୍କ ଠୁଁ ନେଇ ବିଭିନ୍ନ ଉଚ୍ଚ ପଦସ୍ଥ ଅଧିକାରୀ ମାନଙ୍କୁ ଅବଗତ କରାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ | ଗତ ସେପ୍ଟେମ୍ବର ତେର ତାରିଖରେ ଉକ୍ତ ବିଦ୍ୟାଳୟରେ ପ୍ରଧାନ ଶିକ୍ଷକ ଭାବେ ପୁଷ୍ପ ମଞ୍ଜରୀ ଦେଇ ଯୋଗ ଦେବାପରେ ଜାଣିବାକୁ ପାଇଲେ ଯେ  ଗତ 2016 ମସିହାରେ ଉକ୍ତ ବିଦ୍ୟାଳୟରେ ବିଜ୍ଞାନ ଶିକ୍ଷକ ନିଯୁକ୍ତି ପାଇଥିଲେ ମଧ୍ୟ ସେ ଅନ୍ୟତ୍ର ଶିକ୍ଷାଦାନ କରୁଛନ୍ତି କିନ୍ତୁ ଗୁପ୍ତେଶ୍ୱର ବିଦ୍ୟାପୀଠ ର ବିଦ୍ୟାର୍ଥୀ ମାନେ ବିଜ୍ଞାନ ଶିକ୍ଷା ରୁ ବଞ୍ଚିତ ହେଉଛନ୍ତି | ଏହିବିଷୟରେ ଶ୍ରୀମତୀ ଦେଇ ସେପ୍ଟେମ୍ବର 28 ତାରିଖରେ ଜିଲ୍ଲା ଶିକ୍ଷାଧିକାରୀ, ନିର୍ଦେଶକ, ଏବଂ ସ୍କୁଲ ଓ ଗଣଶିକ୍ଷା ବିଭାଗ କୁ ଚିଠି ମାଧ୍ୟମରେ ବିଦ୍ୟାଳୟ ର ସମସ୍ତ ଅସୁବିଧା ବିଷୟରେ ଜଣାଇଥିଲେ କିନ୍ତୁ ବିଜ୍ଞାନ ଶିକ୍ଷକ ଅଭାବ ଉପରେ ବିଶେଷ ଗୁରୁତ୍ୱ ଦେଇ ଚଳିତ ଶିକ୍ଷାବର୍ଷ ଆରମ୍ଭ ରେ ପିଲାଙ୍କୁ କେମିତି ବିଜ୍ଞାନ ଶିକ୍ଷା ଦିଆଯାଉ ସେଥିପାଇଁ ଦାବି କରିଥିଲେ | କିନ୍ତୁ ଆଜି ପର୍ଯ୍ୟନ୍ତ ପ୍ରଶାସନ ତରଫରୁ କୌଣସି ସୂଚନା ମିଳିନାହିଁ ବୋଲି ଶ୍ରୀମତୀ ଦେଇ ଗଣମାଧ୍ୟମ ଆଗରେ ଜଣାଇଛନ୍ତି | ଶ୍ରୀମତୀ ଦେଇ ସ୍ଥାନୀୟ ବିଧାୟକ

ରମେଶ  ଚନ୍ଦ୍ର ବେହେରା, ସାଂସଦ ଙ୍କ ଜିଲ୍ଲା ପ୍ରତିନିଧି ସଦାଶିବ ମିଶ୍ର, ଜିଲ୍ଲା ପରିଷଦ ସଭ୍ୟ ମହେଶ୍ୱର ମହାରଣା ଙ୍କୁ ମଧ୍ୟ ଏହି ଅସୁବିଧା ବିଷୟରେ ଅବଗତ କରାଇଛନ୍ତି ଏବଂ ଯୁଦ୍ଧକାଳୀନ ଭିତ୍ତିରେ ଗୁପ୍ତେଶ୍ୱର ବିଦ୍ୟାପୀଠ ର ସମସ୍ୟାଗୁଡ଼ିକ ର ଆଶୁ ସମାଧାନ କରାଯାଉ ବୋଲି ଦାବି କରିଥିଲେ |