03-Jan-2023

ବଲାଙ୍ଗିର (ପ୍ରେରଣା ଖବର) ବଲାଙ୍ଗିର ଜିଲ୍ଲା ସଦର‌‌ ବ୍ଲକସ୍ଥିତ ଝାଙ୍କରପାଲି ଠାରେ ଏକ ଖେଳପଡିଆ ନିର୍ମାଣ ପାଇଁ ଆଜି ଅତିରିକ୍ତ ଜିଲ୍ଲାପାଳଙ୍କ ଜରିଆରେ ମାନ୍ୟବର ଜିଲ୍ଲାପାଳ ମହୋଦୟଙ୍କୁ ଏକ ଦାବୀପତ୍ର ପ୍ରଦାନ‌ କରା ଯାଇଥିଲା । ସୂଚନାଯୋଗ୍ୟ ବିଗତ ବହୁବର୍ଷ ଧରି ଝାଙ୍କରପାଲି ଠାରେ ଏକ‌ ଖେଳପଡିଆ ପାଇଁ ଦାବି ହୋଇ ଆସୁଛି । ବର୍ତ୍ତମାନ କେନ୍ଦ୍ର ସରକାର ରାଜ୍ୟ ସରକାର ଗ୍ରାମାଞ୍ଚଳରେ କ୍ରୀଡା ଭିତ୍ତିଭୂମିର ବିକାଶ ପାଇଁ ବିଭିନ୍ନ ପଦକ୍ଷେପ ମାନ‌ ନେଉଥିବା ସତ୍ତ୍ୱେ ଗ୍ରାମରେ ବର୍ତ୍ତମାନ ସୁଦ୍ଧା ଖେଳପଡିଆ ନ‌ଥିବା ଅତ୍ୟନ୍ତ ଦୁଃଖର ବିଷୟ । ଝାଙ୍କରପାଲି ଗ୍ରାମ ଯାହା ପଞ୍ଚାୟତ ମୂଖ୍ୟ କାର୍ଯ୍ୟାଳୟ ହେଇଥିଲେ ବି ଏଯାଏଁ ଏକ ଖେଳପଡିଆ ନ ହେବା ଯୋଗୁଁ ବିଭିନ୍ନ କ୍ରୀଡ଼ା ପ୍ରତି ଋଚି ରଖୁଥିବା କ୍ରୀଡାବିତ୍ ତଥା  ଗ୍ରାମାଞ୍ଚଳରେ କ୍ରୀଡାର ବିକାଶ ହୋଇପାରୁ ନାହିଁ କି କ୍ରୀଡା ପ୍ରତି ଋଚି ରଖିଥିବା ପ୍ରତିଭା ଆଗକୁ ଆସି ପାରୁ ନାହାଁନ୍ତି । ଗ୍ରାମର ଯୁବ କ୍ରଡାବିତ ତଥା ଗ୍ରାମବାସୀ  ବିଭିନ୍ନ ସମୟରେ ବିଭାଗୀୟ ଅଧିକାରୀଙ୍କୁ ଖେଳପଡିଆ ପାଇଁ ଜଣେଇଥିଲେ ସୁଦ୍ଧା ଏଯାଏ କିଛି ‌କାର୍ଯ୍ୟକ୍ଷମ ହୋଇପାରି ନାହିଁ । ଏଣୁ  ଆଗାମୀ ଦିନରେ ଏଥିପ୍ରତି ଧ୍ୟାନ ଦେଇ ଗ୍ରାମରେ ଏକ ଖେଳପଡିଆ ନିର୍ମାଣ ପାଇଁ ଉଚିତ୍ ପଦକ୍ଷେପ ନେଲେ ଗ୍ରାମବାସୀ ତଥା ଅନେକ କ୍ରୀଡାବିତ୍ ଉପକୃତ ହେବେ ବୋଲି ଆଶା ।