14-Oct-2022

ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଆଂଚଲିକ ବାଲିକା ଉଚ୍ଚ ବିଦ୍ୟାଲୟରେ ବ୍ଲକ ସ୍ତରୀୟ ଭିନ୍ନକ୍ଷମ ସାମର୍ଥ ଶିବିର ଅନୁଷ୍ଠିତ ହୋଇଯାଇଛି । ସାମାଜିକ ସୁରକ୍ଷା ଓ ଭିନ୍ନକ୍ଷମ ଶଶକ୍ତିକରଣ ବିଭାଗ ଆନୁକୁଲ୍ୟରେ ଆୟୋଜିତ ଶିବିରକୁ ବ୍ଲକ ଅଧ୍ୟକ୍ଷା ଶାନ୍ତିଲତା ମିଶ୍ର, ବିଡିଓ ହେମସାଗର ଭୋଇ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଗୋବିନ୍ଦ ବହ୍ଲବ ସରଙ୍ଗୀ ଅତିଥି ଭାବରେ ଯୋଗଦେଇ ଶିବିରକୁ ଉଦଘାଟନ କରିଥିଲେ । ଶିବିରରେ ସର୍ବମୋଟ ୫୧୦ ଜଣ  ଭିନ୍ନକ୍ଷମ ହିତାଧିକାରୀଙ୍କୁ ପଂଜିକୃତ କରାଯାଇଥିଲା । ଏଥିରେ ଡ. ଏନ ମେହେର, ଡ. ଆରଆର ହୋତା, ଡ. ଏସକେ କର, ଡ. ଏନକେ ନାଏକ, ଡ. ତୁଷାର ରଞ୍ଜନ ଦଲାଇ, ଡ.ଚେତୁରାମ ମେହେର  ଅଭିଲାଷ କୁମାର ନାଏକ ଏବଂ ମିତାଲି ସାହୋ ଯୋଗଦେଇ ପରିକ୍ଷା କରିଥିଲେ । ଏଥି ମଧ୍ୟରୁ ୪୭ ଜଣଙ୍କୁ ବସପାସ, ହୁଇଲ ଚେୟାର, ଟ୍ରାଇ ସାଇକିଲ, ଆଶାବାଡି, ଶ୍ରବଣ ଯନ୍ତ୍ର, ଦୃଷ୍ଟିହିନ ବାଡି ଦେବା ପାଇଁ ଚିହ୍ନଟ କରାଯାଇଥିବା ବେଳେ ୧୦ ଜଣଙ୍କୁ ଭିନ୍ନକ୍ଷମ ପ୍ରମାଣ ପତ୍ର ପ୍ରଦାନ କରାଯାଇଥିଲା ।  ଶିବିରକୁ ବ୍ଲକ ସାମାଜିକ ସୁରକ୍ଷା ଅଧିକାରୀ କ୍ଷିରୋଦ୍ର ଭୁଷଣ ରାୟ ପରିଚାଲନା କରିଥିବା ବେଳେ  ପ୍ରିୟବ୍ରତ ସାହୁ, ବାପୁନ ମିଶ୍ରଙ୍କ ସମେତ ବ୍ଲକର ସମସ୍ତ କର୍ମଚାରୀ ସହଯୋଗ କରିଥିଲେ ।