14-Oct-2022

ବଲାଙ୍ଗିର(ଅନ୍ତର୍ଯ୍ୟାମୀ ସାହୁ) ବଲାଙ୍ଗୀର ସହରରର କିଛି ସଂସ୍କୃତି ପ୍ରେମୀ, କଳାକାର ଓ ବଲାଙ୍ଗୀର ମାଟିକୁ ଭଲ ପାଉଥିବା ବ୍ୟକ୍ତିବିଶେଷ ମାନଙ୍କ ସହଯୋଗରେ ଆସନ୍ତା ନଭେମ୍ବର ୧ ତାରିଖ ଦିନ ଭିନ୍ନ ଏକ ଧରଣର ବଲାଙ୍ଗୀର ଦିବସ ପାଳନ ହେବାକୁ ସ୍ଥିରୀକୃତ ହୋଇଛି । ଆଜି ସ୍ଥାନୀୟ କୋସଳ କଳାମଣ୍ଡଳ ପଡିଆର ପୁରୁଣା ମଂଚ ଠାରେ ଅନୁଷ୍ଠିତ ଏକ  ବୈଠକରେ ଏହି ନିଷ୍ପତ୍ତି ଗ୍ର୍ରହଣ କରାଯାଇଛି । ଏହି ବୈଠକରେ ସହରର ବହୁ ସାମାଜିକ ଓ ସାଂସ୍କୃତିକ ଅନୁଷ୍ଠାନ ଯୋଗ ଦେଇ ବଲାଙ୍ଗୀର ଦିବସକୁ ଜାକ୍‌ଜମକ୍‌ର ସହ ପାଳନ କରିବାକୁ ନିଷ୍ପତ୍ତି ନେଇଛନ୍ତି । ବଲାଙ୍ଗୀରର ସାଧାରଣ ନାଗରିକ ତଥା ସମସ୍ତ ଜୈଷ୍ଟ, କନିଷ୍ଠ ଓ ବରିଷ୍ଠ ମାନଙ୍କୁ ନେଇ ଏହି ଦିବସକୁ ପାଳନ କରାଯିବ । ଦିବସ ପାଳନ କରିବା ପାଇଁ ସମସ୍ତ ପ୍ରକାର ଯେଜନା ଓ ରୂପରେଖ ପ୍ରସ୍ତୁତ ହୋଇ ସାରିଥିବା ବେଳେ ଦଳମତ ନିର୍ବିଶେଷରେ କୌଣସି ପଦପଦବୀ କୁ ବାଦ ଦେଇ ସାମୁହିକ ଉଦ୍ୟମରେ ଏହି ଦିବସକୁ ପାଳନ କରାଯିବକୁ ନିଷ୍ପତ୍ତି ନିଆଯାଇଛି । ଆଜିର ଏହି ପ୍ରସ୍ତୁତି ବୈଠକରେ ଅନ୍ୟ ମାନଙ୍କ ମଧ୍ୟରେ ବିଙ୍ଗ ହ୍ୟୁମେନ ଫାଉଣ୍ଡେସନ, ୟୁଥ ଏକ୍ସନ କମିଟି, ନାରୀ ଶକ୍ତି ଫାଉଣ୍ଡେସନ, ଅସୀମ କରାଟେ ଏସୋସିଏସନ୍‌, ଯୁବ କଳାକାର ସଂଘ, ବଲାଙ୍ଗୀରିଏନ ଧାଙ୍ଗରୀ ଗୃପ୍ ,ବିଶ୍ୱ ହିନ୍ଦୁ ପରିଷଦ, ଦୁଲ୍‌ଦୁଲି କଳା ପରିଷଦ, ନଟରାଜ କଳା ପରିଷଦ, ସୋନି ସଦର ଜମାତ ସଂଘ, ସ୍ୱାଭିମାନ ପରିବାର, ୟଙ୍ଗ ମେନ୍ ଖ୍ରୀଷ୍ଟିୟାନ ସଂଘ, ମାହେଶ୍ୱରୀ ସେନl, ପଶ୍ଚିମ ଓଡ଼ିଶା ଯୁବା ମଂଚ, ଜିଲ୍ଲା କୁଲତା ସମାଜ, ମାତୃଶକ୍ତି ସ୍ୱେଚ୍ଛାସେବୀ ସଂଗଠନ, ପୂର୍ବତନ ସୈନିକ ସଂଘ, ନାରୀ ଶକ୍ତି ଫାଉଣ୍ଡେସନ, କାର୍ତ୍ତବ୍ୟ ଫାଉଣ୍ଡେସନ, ବଲାଙ୍ଗୀର ନାଗରିକ କମିଟି, ସ୍ମାଇଲ୍ ଫର ଅଲ୍ ଆଦି ସାମାଜିକ ଅନୁଷ୍ଠାନ ନିଜର ସମର୍ଥନ ପ୍ରକଟ କରିଛନ୍ତି । ଆଗାମୀ ଦୁଇ ଦିନ ଭିତରେ ବଲାଙ୍ଗୀରର ବୁଦ୍ଧିଜୀବୀ ଓ ଚିନ୍ତାନାୟକ ମାନଙ୍କୁ ନେଇ ଏକ ବୃହତ୍ତର ବୈଠକ ଅନୁଷ୍ଠିତ ହେବ ବୋଲି କୁହାଯାଇଛି ।