20-Nov-2020

ବଲାଙ୍ଗୀର(ପ୍ରେରଣା ଖବର)- ଆଜି ପୂର୍ବାହ୍ନରେ ଜିଲ୍ଲାପାଳଙ୍କ କାର୍ଯ୍ୟାଳୟର ସମ୍ମିଳନୀ କକ୍ଷ ଠାରେ ଜିଲ୍ଲା ଶିଶୁ ସୁରକ୍ଷା ୟୁନିଟ, ବଲାଙ୍ଗୀର ଓ ମହିଳା ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ ଆନୁକୂଲ୍ୟରେ ଜିଲ୍ଲାସ୍ତରୀୟ ବାଲ୍ୟ ବିବାହନିରୋଧ ଓ ଟାସ୍କ ଫୋର୍ସ ତଥା କିଶୋରୀ ସଶକ୍ତିକରଣ ବୈଠକ ଜିଲ୍ଲାପଳ ଚଞ୍ଚଳ ରାଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ ଜିଲ୍ଲା ପରିଷଦ ଅଧ୍ୟକ୍ଷା ଭାରତୀ ମହାନନ୍ଦ , ଅତିରିକ୍ତ ଆରକ୍ଷୀ ଅଧୀକ୍ଷକ ଦିଲୀପ କୁମାର ପଟେଲ, ଜିଲ୍ଲା ଆଇନ ସେବା ପ୍ରାଧିକରଣର ସଚିବ ଦେବାଶିଷ ଦାଶ, ଶିଶୁ ମଙ୍ଗଳ ସମିତିର ପୂର୍ବତନ ଅଧ୍ୟକ୍ଷ ସଞ୍ଜୟ କୁମାର ମିଶ୍ର, କିଶୋର ନ୍ୟାୟ ପରିଷଦର ସଭ୍ୟା ବବିତା ଅଗୱାଲ, ତୁଷୁରା ୟୁଥ ସାର୍ଭିସ ସେଣ୍ଟରର ସଂପାଦକ ଉମେଶ ପୁରୋହିତ, ଜିଲ୍ଲା ସମାଜ ମଙ୍ଗଳ ଅଧିକାରୀ ବିନୋଦିନୀ ପ୍ରଧାନ, ୱାନ୍‌ଷ୍ଟପ୍ ସେଣ୍ଟର, ଓଡ଼ିଶା ଜୀବିକା ମିଶନ, ମିଶନ ଶକ୍ତିର ସଭ୍ୟ ମାନଙ୍କ ସମେତ ବିଭିନ୍ନ ବ୍ଲକର ଶିଶୁ ବିକାଶ ପ୍ରକଲ୍ପର ଅଧିକାରୀ ଓ ଜିଲ୍ଲା ଶିଶୁ ସୁରକ୍ଷା ୟୁନିଟର କର୍ମକର୍ତ୍ତ ମାନେ ଯୋଗ ଦେଇଥିଲେ । ଜିଲ୍ଲାପାଳ ଶ୍ରୀ ରାଣା ବାଲ୍ୟ ବିବାହକୁ ରୋକିବା ପାଇଁ ତୃଣମୂଳସ୍ତରରେ ବ୍ୟାପକ ଜନସଚେତନତା ସଷ୍ଟିି କରିବା ସହ ପଂଚାୟତ ସ୍ତରରେ ଓ ବ୍ଲକସ୍ତରରେ ଟାସ୍କ ଫୋର୍ସ ମାନ ଗଠନ ଉପରେ ଗୁରୁତ୍ୱାରୋପ କରିଥିଲେ ।  ବାଲ୍ୟ ବିବାହ ନିରୋଧ ଉପରେ ବ୍ୟାପକ ଜନସଚେତନତା ନିମନ୍ତେ ପଂଚାୟତ ସ୍ତରରେ ବୈଠକ ଆୟୋଜନ କରାଯିବା ସହ ଏ ସଂପର୍କିତ ସଚେତନତା ବାର୍ତ୍ତା ସାମାଜିକ ଗଣମାଧ୍ୟମ ଦ୍ୱାରା ବ୍ୟାପକ ପ୍ରଚାର ପ୍ରସାର କରିବାକୁ ନିର୍ଦ୍ଦେଶ ଦେଇଥିଲେ । ବାଲ୍ୟ ବିବାହ ନିରୋଧ ସଂପର୍କରେ ଏକ ଜିଲ୍ଲାସ୍ତରୀୟ ଏକ୍ସନ ପ୍ଲାନ ପ୍ରସ୍ତୁତ କରିବାକୁ ସେ ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ବୈଠକରେ ଏକ୍ସନ ଏଡ୍ -ଭୁବନେଶ୍ୱରର ରିସୋର୍ସ ପର୍ସନ ଘାସିରାମ ପଣ୍ଡା ପାୱାର ପଏଣ୍ଟଉପସ୍ଥାପନା ମାଧ୍ୟମରେ ରାଜ୍ୟ ଓ ଜିଲ୍ଲ ୱାରି ଣ୍ଟବାଲ୍ୟ ବିବାହର ସ୍ଥିତି ଓ ଏହାର ନିରାକରଣ  ଓ ଏହାର ପଦକ୍ଷେପ ଉପରେ ଆଲୋଚନା କରିଥିଲେ । ଜିଲ୍ଲା ଶିଶୁ ସୁରକ୍ଷା ଅଧିକାରୀ ଲକ୍ଷ୍ମୀ ସିଂହଙ୍କ ସମେତ ସମନ୍ୱିତ ଶିଶୁ ବିକାଶ ଯୋଜନାର କ୍ଷେତ୍ର କର୍ମଚାରୀ , ଶିକ୍ଷା ବିଭାଗ ଓ ସ୍ୱସ୍ଥ୍ୟ ବିଭାଗର କ୍ଷେତ୍ର କର୍ମଚାରୀ ମାନେ ଯୋଗ ଦେଇ ବାଲ୍ୟ ବିବାହ ନିରୋଧ ଉପରେ ଲୋକଙ୍କୁ ବୁଝାଇ ଥିଲେ ।