20-Nov-2020

ବଲାଙ୍ଗୀର,(ପ୍ରେରଣା ଖବର) ବଲାଙ୍ଗୀର ଜିଲ୍ଲାର ମୁରିବାହଲ ବ୍ଲକ ହଳଦୀ ଗ୍ରାମ ପଞ୍ଚାୟତ ର ଯମୁନା ଗ୍ରାମ ର ସୁଶୀଲ ମେର୍ଲି ନାମକ ଜଣେ ବ୍ୟକ୍ତି ଆବାସ ଯୋଜନାରେ ଏକ ଘର ପାଇଁ ବାରମ୍ବାର ଆବେଦନ,ନିବେଦନ କରି ନିରାଶ ହୋଇ ଦ୍ୱିତୀୟ ଥର ଗତ ବୁଧବାର ଠାରୁ ଆମରଣ  ଅନଶନ ଆରମ୍ଭ କରିଥିବା ବେଳେ ଗୁରୁତର ଅବସ୍ଥାରେ ଟିଟିଲାଗଡ଼ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ଅଛନ୍ତି । ତେବେ ତାଙ୍କର ବିଭିନ୍ନ ଡାକ୍ତରୀ ପରୀକ୍ଷା ମାନ ନିଜ ଖର୍ଚ୍ଚରେ କରିଥିବା ବେଳେ ଆଜି ପ୍ରଶାସନିକ ଅଧିକାରୀ ମାନେ ଆସି ତାଙ୍କ ନିକଟରେ ପହଞ୍ଚିଥିଲେ । ଶ୍ରୀ ମେର୍ଲି ଭଲଭାବେ କଥା ହୋଇପାରୁ ନ ଥିବା ବେଳେ ସାଲାଇନ,ଇଂଜେକସନ ଚାଲିଥିବା ବେଳେ ମୃତ୍ୟୁ ଘଟିବନି ବୋଲି ଉକ୍ତ ଅଧିକାରୀ ମାନେ ତାଙ୍କ ନିକଟରେ କଥା ହୋଇଥିଲେ, ଯାହାକି ଅନଶନ ରତ ଙ୍କୁ ଅତ୍ୟନ୍ତ ମର୍ମାହତ କରିଛି । ଉକ୍ତ ଅଧିକାରୀ ଦଳ ଆସି ଡାକ୍ତରଖାନାରେ ମାଗଣା ରେ ହୋଇପାରୁ ନ ଥିବା ପରୀକ୍ଷା ମାନ ତାଙ୍କ ନିଜ ଖର୍ଚ୍ଚ ରୁ ବାହାରେ ସେବା ନାମକ ଅନୁଷ୍ଠାନ ର ସଦସ୍ୟ ସ୍ବେଚ୍ଛାସେବୀ ଲିଙ୍ଗରାଜ ଦୀପ ଙ୍କ ସହଯୋଗ ରେ କରାଇଛନ୍ତି । ଶ୍ରୀ ଦୀପ ତାଙ୍କର ଚିକିତ୍ସା ନିମନ୍ତେ ନିଜ ହାତରୁ ଭଲଭାବରେ ଚିକିତ୍ସା ପାଇଁ ବାହାରେ ପରୀକ୍ଷା ମାନ କରାଇଥିବା ବେଳେ ସେ ଉକ୍ତ ପ୍ରଶାସନିକ ଅଧିକାରୀ ମାନେ ଏପରି ତାଛଲ୍ୟ କର ବିବୃତି ପ୍ରକାଶ କରିବା ନେଇ ଜଣାଇଛନ୍ତି । ତେବେ ତାଙ୍କ ଅବସ୍ଥା ରେ ସୁଧାର ନ ଆସିବା ଓ ଏପରି ମନ୍ତବ୍ୟ ପ୍ରଦାନ କୁ ନେଇ ସମ୍ପୂର୍ଣ୍ଣ ନିରାଶ ହୋଇପଡି ସେ ଆଉ ଚିକିତ୍ସା ହେବେନି ଓ ଆତ୍ମହତ୍ୟା କରିବେ ବୋଲି ପ୍ରକାଶ କରିଛନ୍ତି । ପ୍ରଶାସନିକ ଅବହେଳା ଯୋଗୁଁ ନିରାଶ ହୋଇ ସେ ଗତ ସେପ୍ଟେମ୍ବର ମାସ ୨୯ ତାରିଖରେ ବ୍ଳକ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ ରେ ବସିଥିଲେ । ମୁରିବାହଲ ବି ଡି ଓ ମହେନ୍ଦ୍ର ପ୍ରଧାନୀ ଲିଖିତ ଆକାର ରେ ୩୦ ଦିନ  ମଧ୍ୟରେ ଉକ୍ତ ଯୋଜନା କାର୍ଯ୍ୟକାରୀ କରାଯିବା ପ୍ରତିଶ୍ରୁତି ଦେଇଥିଲେ । ଉକ୍ତ ପ୍ରତିଶ୍ରୁତି ପାଇଁ ସେ ଅନଶନ ରୁ ଉଠିଥିଲେ । ହେଲେ ଏତେ ଦିନ ବିତିଯିବା ସତ୍ୱେ ଓ ବାରମ୍ବାର ସମସ୍ତ ଉଚ୍ଚ ଅଧିକାରୀ ଙ୍କ ନିକଟରେ ଗୁହାରୀ କରି କିଛି ସୁଫଳ ନ ପାଇ ଗତ ବୁଧବାର ସକାଳ ୧୦ ଟା ରୁ ପୁନଃ ଆମରଣ ଅନଶନ ରେ ବସିଥିଲେ। ତେବେ ସନ୍ଧ୍ୟା ପ୍ରାୟ ୮ ଟା ରେ ସେ ଅଚେତ ହୋଇ ଯାଇଥିଲେ। ଖବର ପାଇ ତାଙ୍କୁ ବ୍ଳକ ବିଡ଼ିଓ ସୁଶୀଲ ମେର୍ଲି  ତାଙ୍କ ନିକଟରେ ପହଞ୍ଚି  ପ୍ରଥମେ ମୁରିବାହଲ ଗୋଷ୍ଟି ସ୍ୱାସ୍ଥ୍ୟକେନ୍ଦ୍ର ର ଡାକ୍ତରୀ ପରୀକ୍ଷା କରି ଅବସ୍ଥା ଗୁରୁତର ଥିବାରୁ ଆମ୍ବୁଲାନ୍ସ ଯୋଗେ ଟିଟିଲାଗଡ଼ ଉପଖଣ୍ଡ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।  ସେ କହିଛନ୍ତି ଯେ ମୋ ପରି ଅନେକ ହିତାଧିକାରୀ ଙ୍କୁ ହଇରାଣ ହରକତ କରାଯିବା ଟଙ୍କା କାରବାର କରିବା ଖୋଲା ଖୋଲି ଲାଞ୍ଚ ମାଗିବା ଓ ନ ଦେବାରୁ ଗରିବ ଙ୍କୁ ମୋ ପରି ହଇରାଣ କରିବା ଯୋଗୁଁ ସେ ଅନଶନ କରିଛନ୍ତି। ଏପରି କି ଆଉ ଇଂଜେକସନ କିମ୍ବା ସାଲାଇନ ନ ନେଇ ଆତ୍ମହତ୍ୟା କରିଦେବି ବୋଲି ଜିଦ ରେ ଅଛନ୍ତି । ତାଙ୍କର ପୂର୍ବରୁ ହୃଦଘାତ ରେ ସେ ଆକ୍ରାନ୍ତ ହୋଇଥିବା ଓ ରକ୍ତ ଶର୍କରା ରେ ସେ ପୀଡିତ ବୋଲି ଜଣାଇଛନ୍ତି । ତେବେ ଏ ନେଇ ପ୍ରଶାସନ ତୁରନ୍ତ ଉପଯୁକ୍ତ କାର୍ଯ୍ୟାନୁଷ୍ଠାନ ନେବା ଓ ଏ ଯୋଜନା ର ଦୁର୍ନୀତି କୁ ନେଇ ତଦନ୍ତ କଲେ ଅନେକ ରହସ୍ୟ ଉନ୍ମୋଚନ ହୋଇ ପାରିବ ବୋଲି ମତ ପ୍ରକାଶ ପାଇଛି।