14-Nov-2020

ବଲାଙ୍ଗିର,(ପ୍ରେରଣା ଖବର) - ବାଲେଶ୍ୱର ଓ ତିତ୍ତୋଳ ନିର୍ବାଚନ ମଣ୍ଡଳୀରେ ଅନୁଷ୍ଠିତ ବିଧାନସଭା ଉପନିର୍ବାଚନରେ ଜିତି ସାରିଲା ପରେ ଉପକୁଳ ଓଡିଶା ସରକାର ବନ୍ଦେ ଉତ୍କଳ ଜନନୀ କୁ ନବମ ଓ ଦଶମ ଶ୍ରେଣୀ ପାଠ୍ୟକ୍ରମରେ ସାମିଲ କରିବାର  ଏକପାଖିଆ ନିଷ୍ପତ୍ତି ନେଇଛନ୍ତି l ଏଥି ଯୋଗୁଁ ୨କୋଟି କୋସଲବାସୀ ସଂପୁର୍ଣ୍ଣ ରୂପେ ବ୍ୟଥିତ ଓ କ୍ରୋଧାନ୍ୱିତ ହୋଇଛନ୍ତି । ପୂର୍ବରୁ ଏ ଅଂଚଳର ଜନସାଧାରଣଙ୍କ ବ୍ୟାପକ ପ୍ରତିବାଦ ସତ୍ୱେ ରାଜ୍ୟସରକାର ଅସାଂବିଧାନିକ ଭାବରେ ବନ୍ଦେ ଉତ୍କଳ ଜନନୀକୁ ରାଜ୍ୟ ସଂଗୀତର ମର୍ଯ୍ୟାଦା ଦେଇଦେଲେ ।ଏବେ ସ୍କୁଲ ପାଠ୍ୟକ୍ରମରେ ଏହାକୁ ସାମିଲ  କରି ରାଜ୍ୟ ସରକାର ତାଙ୍କର ହିଟଲରୀ ମନୋବୃତ୍ତିକୁ ପତିପାଦିତ କରୁଛନ୍ତି । ଓଡିଶା ସରକାରଙ୍କରଏତାଦୃଶ ନିଷ୍ପତ୍ତି ବ୍ରିଟିଶଶାସନ ସମୟରେ ଭାରତୀୟମାନଙ୍କୁ ଜବରଦସ୍ତି ବ୍ରିଟେନ ରରାଣିଙ୍କ ଜୟଗାନ କରିବାକୁ ବାଧ୍ୟ କଲାପରି ଘଟଣା ହୋଇଥିବାରୁ କୋସଲ ରାଜ୍ୟ ସମନ୍ୱୟ ସମିତି କେନ୍ଦ୍ରୀୟ କମିଟୀ ତରଫରୁଏହାର ଦୃଢ଼ ପ୍ରତିବାଦ କରାଯାଇଛି ।
    ଏଠାରେ ଉଲ୍ଲେଖଯୋଗ୍ୟ ଯେ କୋସଲ, କଳିଙ୍ଗ ଓ ଉତ୍କଳକୁ ନେଇ ରାଜନୈତିକ ଓଡିଶା ଗଠିତ ହୋଇଥିଲେେ ହେଁ ସଦାସର୍ବଦା ଓଡିଶାରେ ଉତ୍କଳର ଜୟଗାନ କରିବା ସହ କୋସଲବସୀଙ୍କୁ ପଦାନତ କରା ଯାଉଛି । ୧୯୩୬ ଓ ୧୯୪୮ ମସିହାରେ ଦୁଇଟି ପର୍ଯ୍ୟାୟରେ ଓଡିଶା ସହ ଏଅଂଚଳର ଜନସାଧାରଣଙ୍କୁୁ ସେମାନଙ୍କ ସହମତି ବିନା ମିଶ୍ରଣ କରାଯାଇ ଗତ ୭/୮ ଦଶକ ହେଲା କୋସଲ ଅଂଚଳବାସୀଙ୍କୁ ଉଗ୍ର ଆଂଚଳିକ ବୈଷମ୍ୟ ଶିକାର କରାଯାଉଛି । ଏ ଅଂଚଳର ଅର୍ଥନୀତି, ସଂସ୍କୃତି, ଭାଷା ଓ ଇତିହାସକୁ ଧ୍ୱଂସ କରିବାର ଅପଚେଷ୍ଟା କରାଯାଉଛି । ଯେକୌଣସି ରାଜନୈତିକ ଦଳ ହେଉ ଯଥା ବିଜେଡି, ବିଜେପି, କଂଗ୍ରେସ କିମ୍ବା ବାମପନ୍ଥୀ ସମସ୍ତେ କେବଳ ଉପକୁଳ ଓଡିଶାର ସ୍ୱାର୍ଥ ସାଧନ କରୁଛନ୍ତି । ଏ ଅଂଚଳର ଜନସାଧାରଣଙ୍କ ଏକତାର ଅଭାବ ଓ ନିର୍ବାଚିତ ରାଜନୈତିକ ପ୍ରତିନିଧି ମାନଙ୍କ ସ୍ୱାର୍ଥନ୍ୱେଷୀ ମନୋଭାବର ସୁଯୋଗ ନେଇ ଉପକୁଳ ଓଡିଶାା ରରାଜନୈତିକ ପୂଜାପଣ୍ଡା ଓ ସରକାର କୋସଲ ଅଂଚଳକୁ ଧ୍ୱଂସ କରିବାକୁ ବସିଛନ୍ତି ।ଏହାର ଚରମ ଉଦାହରଣ ହେଲା ବନ୍ଦେ ଉତ୍କଳ ଜନନୀକୁ ନେଇ ଓଡିଶା ସରକାର ଓ ଓଡିଶାର ରାଜନୈତିକ ଦଳ ମାନଙ୍କର ଆଭିମୁଖ୍ୟ ।ସାରା ବିଶ୍ୱ ଯେତେବେଳେ କରୋନାା ମହାମାରୀର ମୁକାବିଲା କରୁଥିଲା ସେତେବେଳେ ଓଡିଶା ସରକାର ଜନସାଧାରଣଙ୍କୁ ସୁରକ୍ଷା ଦେବା ବଦଳରେ ଅଗଣତାନ୍ତ୍ରିକ ଭାବରେ ବନ୍ଦେ ଉତ୍କଳ ଜନନୀକୁ ନେଇ ଯେଉଁଭଳି ଖେଳୁଥିଲେ ଓ ସବୁ ରାଜନୈତିକ ଦଳ ଏହି ପ୍ରସଙ୍ଗରେ ରାଜ୍ୟ ସରକାରଙ୍କୁ ଅନ୍ଧ ସମର୍ଥନ ଦେଇଛନ୍ତି ଏହାକୁ ଆଗାମୀ କାଲି ରଇତିହାସ କ୍ଷମା ଦେବ ନାହିଁବୋଲି କୋସଲ ରାଜ୍ୟ ସମନ୍ୱୟ ସମିତିର କେନ୍ଦ୍ରୀୟ ଅଧ୍ୟକ୍ଷ ଶ୍ରୀ ପ୍ରମୋଦ କୁମାର ମିଶ୍ର ଓ ସାଧାରଣ ସମ୍ପାଦକ ଶ୍ରୀ ସୁନୀଲ ପୁରୋହିତ କରିଛନ୍ତି  ।
ଏହି ପ୍ରସଙ୍ଗରେ କୋସଲ ରାଜ୍ୟ ସମନ୍ୱୟ ସମିତି ଖୁବ ଶିଘ୍ର ରାଜରାସ୍ତାକୁ ଓହ୍ଲାଇବା ସହ ବ୍ୟାପକ ଜନଜାଗରଣ ଓ ଆନ୍ଦୋଳନ କରିବ ବୋଲି ସେମାନେ ମତବ୍ୟକ୍ତ କରିଛନ୍ତି ।