16-Jul-2021

ବିନିକା (ହିମାଂଶୁ ଶେଖର ପୁଟେଲ) : ଓଡ଼ିଶା ସରକାର ବିଦ୍ୟୁତ ବଣ୍ଟନ କ୍ଷେତ୍ରରେ ସଂସ୍କାର ଆଣିବା ପାଇଁ ବିଗତ ୩୦ବର୍ଷ ଧରି ବିଭିନ୍ନ କମ୍ପାନୀ ମାନଙ୍କୁ ବିଦ୍ୟୁତ ବଣ୍ଟନ ଦାୟିତ୍ୱ ଦେଇ ଆସୁଛନ୍ତି l ହେଲେ ଅତ୍ୟନ୍ତ ଦୁଃଖର ବିଷୟ ବିଦ୍ୟୁତ ଶ୍ଲୁକର ବୃଦ୍ଧି ଘଟାଇ ଉପଭୋକ୍ତା ମାନଙ୍କ ଠାରୁ ଅର୍ଥ ଆଦାୟ କରୁଛନ୍ତି l ମହାମାରୀ କରୋନା ସମୟରେ ସାଧାରଣ ଲୋକଙ୍କ ଚଳିବା ମସ୍କିଲ ହୋଇ ପଡ଼ି ଥିବାବେଳେ ଏହି ସମୟରେ ବିଦ୍ୟୁତ ଦରବୃଦ୍ଧି ଲୋକଙ୍କ ପାଇଁ ବୋଝ ଉପରେ ନଳିତା ବିଡା ସଦୃଶ ହୋଇଛି l ଅନ୍ୟ ପକ୍ଷରେ ଦେଶର ସମସ୍ତ ରାଜ୍ୟ ସରକାର ରାଜ୍ୟରେ ବିଦ୍ୟୁତ ଦେୟ କ୍ଷେତ୍ରରେ ସବସିଡି ପ୍ରଦାନ କରୁଥିବା ବେଳେ ଓଡ଼ିଶା ସରକାର ଏଥିପ୍ରତି ଆଖିବୁଜି ଦେବା ଅତ୍ୟନ୍ତ ଲଜ୍ଜାଜନକ ଘଟଣା ବୋଲି ବିଜେପି ଅଭିଯୋଗ କରିଛି l ତେଣୁ ବିଦ୍ୟୁତ ଦରବୃଦ୍ଧି ପ୍ରତିବାଦରେ ବିଜେପି ଓଡ଼ିଶା ପ୍ରଦେଶର ଆହ୍ବାନ କ୍ରମେ ଆଜି ବିନିକା ବିଜେପି ତରଫରୁ ୫ଦଫା ଦାବିପତ୍ର ସ୍ଥାନୀୟ ବିଦ୍ୟୁତ ଉପଖଣ୍ଡ ଅଧିକାରୀଙ୍କ ଜରିଆରେ ଓଡ଼ିଶା ରାଜ୍ୟର ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଛି l ଦାବିପତ୍ରରେ ସେମାନେ ଦର୍ଶାଇଛନ୍ତି ଯେ ବର୍ଦ୍ଧିତ ବିଦ୍ୟୁତ ଶୁଳ୍କ ପ୍ରତ୍ୟାହାର କରାଯାଉ ଏବଂ ଵୈଆଇନ ଭାବେ ୧୦୦ୟୁନିଟ କୁ(୫୦+୫୦) ଦୁଇଟି ସ୍କାବକରି ଗରିବ ଲୋକମାନଙ୍କ ଆଶାତୀତ ଶୁଳ୍କ ଦେବାକୁ ବାଧ୍ୟ କରାଯାଇଛି ତାର ପରିବର୍ତନ କରି ୧ରୁ୧୦୦ୟୁନିଟ ପର୍ଯ୍ୟନ୍ତ ଗୋଟିଏ ଦର ଲାଗୁ କରାଯାଉ,ବିଦ୍ୟୁତ ବଣ୍ଟନରେ ଗ୍ରାମାଞ୍ଚଳ ପ୍ରତି ଅବିଚାର ଏବଂ ବରାବର ଲୋଭୋଲଟେଜ ଯୋଗୁଁ ପାଠପଢାରେ ଛାତ୍ରଛାତ୍ରୀ ବଞ୍ଚିତ ହେଉଛନ୍ତି,ବାରମ୍ବାର ଅଘୋଷିତ ବିଜୁଳି କାଟକୁ ବନ୍ଦକରି ୨୪ଘଣ୍ଟା ବିଦ୍ୟୁତ ଯୋଗାଇ ଦିଆଯାଉ,କୃଷି କ୍ଷେତ୍ର ଓ ଶୀତଳଭଣ୍ଡାର ପାଇଁ ବିଦ୍ୟୁତ ଦେୟରେ ସବସିଡି ଦିଆଯାଉ,ପୁରୁଣା ବକେୟା ଦେୟ ଓ ବିଦ୍ୟୁତ ଉପଭୋକ୍ତା ମାନେ ଅସୁବିଧା ବଶତ ଦେୟ ଦେଇ ନ ପାରିଲେ ତାଙ୍କ ଉପରେ ହେଉଥିବା ଜୋର ଜୁଲୁମ ବନ୍ଦ କରାଯାଉ ଆଦି ଦାବି ଯଦି ଆଗାମୀ ଦିନରେ ସରକାର ପୂରଣ ନ କରନ୍ତି ତେବେ ବିଜେପି ତରଫରୁ ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି l ସୁବର୍ଣ୍ଣପୁର ଜିଲ୍ଲା ବିଜେପି ଉପସଭାପତି ଅଶୋକ କୁମାର ପୃଷ୍ଟିଙ୍କ ନେତୃତ୍ୱରେ ଜିଲ୍ଲା ସାଧାରଣ ସମ୍ପାଦକ ବିଶ୍ବମ୍ବର ମିଶ୍ର,ସାଂସଦ ପ୍ରତିନିଧି ବାବୁଲୁ ବିଶି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଜୟ ମହାକୁର,ଜିଲ୍ଲାପରିଷଦ ସଭ୍ୟା ରୋହିଣୀ ଡ଼lଙ୍ଗ,ବିଜେପି ନେତା ବିଶ୍ଵଦେବ ବଡ଼ପଣ୍ଡା,ଉସତ କର,ଭୁବନେଶ୍ୱର ପାତ୍ର,କୃଷ୍ଣଚନ୍ଦ୍ର ସେଠୀ,ମାଗୁଣି ପ୍ରଧାନ ପ୍ରମୁଖଙ୍କ ସମେତ ବହୁ ବିଜେପି କର୍ମୀ ପ୍ରଥମେ ଯୋଗେଶ୍ୱର ମନ୍ଦିର ନିକଟରୁ ଏକ ରେଲି ମାଧ୍ୟମରେ ସରକାର ବିରୋଧୀ ସ୍ଲୋଗାନମାନ ଦେଇ ୱେସ୍କୋ କାର୍ଯ୍ୟାଳୟକୁ ଆସିଥିଲେ l