13-May-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ଜୟ ଦୁର୍ଗା କ୍ରିକେଟ କ୍ଲବ ଆନୁକୂଲ୍ୟରେ ସ୍ଥାନୀୟ ସିଦ୍ଧାର୍ଥ ଡିଗ୍ରୀ କଲେଜ ଗରୁଡ଼ କ୍ୟାମ୍ପସ ଠାରେ ଚାଲିଥିବା ବିନିକା ପ୍ରୀମିୟର ଲିଗ ମ୍ୟାଚ୍ ସିଜନ -୨ ର ଆଜି ଅନୁଷ୍ଟିତ ଏକ ଗୁରୁତ୍ତ୍ୱପୂର୍ଣ୍ଣ ମ୍ୟାଚରେ ସ୍ମାର୍ଟ ୧୧କୁ ହରାଇ ତ୍ରିରଙ୍ଗା ୟୁଥ କ୍ଲବ ବିଜୟୀ ହୋଇ ପରବର୍ତ୍ତୀ ରାଉଣ୍ଡକୁ ପ୍ରବେଶ କରିଛି।ଗତ ୨୭ତାରିଖରୁ ଅଦ୍ୟାବଧି ଅନୁଷ୍ଟିତ ୧୧ଟି ମ୍ୟାଚ ମଧ୍ୟରୁ ତ୍ରିରଙ୍ଗା ଦୁଇଟି ମ୍ୟାଚ୍ ଖେଳି ତାର ବିଜୟ ଅଭିଯାନ ଜାରି ରଖିଛି ।ଅନୁଷ୍ଟିତ ଏହି ପ୍ରିମିୟର ଲିଗ୍ ମ୍ୟାଚରେ ସର୍ବମୋଟ ୬ଟି ଦଳ ଭାଗ ନେଇଛନ୍ତି ।ଆଜି ଅନୁଷ୍ଟିତ ୧୧ତମ ମ୍ୟାଚ୍ ରେ ପ୍ରଥମେ ସ୍ମାର୍ଟ ୧୧ ଟଚ୍ ଜିଣି ବ୍ୟାଟିଂ କରିଥିଲା ନିର୍ଦ୍ଧାରିତ ଓଭର ମଧ୍ୟରେ ଦଳ ୫ୱିକେଟ୍ ହରାଇ ୮୯ରନ ସଂଗ୍ରହ କରିଥିଲା ଏକ ସହଜ ବିଜୟ ନେଇ ତ୍ରିରଙ୍ଗା ଦଳର ଖେଳାଳୀ ମାନେ ବ୍ୟାଟିଂ କରିବାକୁ ଯାଇଥିଲେ ହେଁ ୩ଓଭରରେ ୩ୱିକେଟ୍ ହରାଇ ଥିଲା ହେଲେ ଟିମ ର ଅନ୍ୟ ଖେଳାଳି ଧୈର୍ଯ୍ୟ ସହିତ ଖେଲ ପ୍ରଦର୍ଶନ କରି ୭ୱିକେଟ୍ ହରାଇ ବିଜୟୀ ହୋଇଥିଲା ଖେଳକୁ ମଣ୍ଟୁ ମୁଦୁଲି ଓ କୈବର୍ତ୍ତ ଦୀପ ପରିଚାଳନା କରିଥିବା ବେଳେ ସ୍କୋରର ଭାବେ ରୋନିତ୍ ସାହୁ ଓ ମ୍ୟାଚ୍ ର ଧାରାବିବରଣୀ ଭବାନୀ ଶଙ୍କର ଜଗଦଳା ପ୍ରଦାନ କରିଥିଲେ।ଆୟୋଜକ କମିଟି ସଭାପତି ଶଶାଙ୍କ ଶେଖର ଦାସ ଙ୍କ ସଭାପତିତ୍ୱରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ବିନିକା ସାମ୍ବାଦିକ ସଂଘର ସଭାପତି ସୃଜନ ପଣ୍ଡା ମୁଖ୍ୟ ଅତିଥି,ସାମ୍ବାଦିକ ଶାନ୍ତନୁ ପଣ୍ଡା,ହିମାଂଶୁ ଶେଖର ପୁଟେଲ,କମଲ ଲୋଚନ ପରିଚ୍ଛା,ମିଥୁନ ବାରିକ,ଉମାକାନ୍ତ ବାଘ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ବିଜୟୀ/ରନର୍ ଅଫ ଦଳକୁ ଏବଂ ମ୍ୟାନ ଅଫ ଦି ମ୍ୟାଚ ଦିନେଶ ନାୟକଙ୍କୁ ଟ୍ରଫି ଓ ମାନପତ୍ର ଦେଇ ସମ୍ମାନିତ କରିଥିଲେ।