09-May-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ଥିତ ସେଣ୍ଟସ ଭ୍ୟାଲି ହାଇସ୍କୁଲରେ ଅଧ୍ୟୟନରତ ଛାତ୍ର ଛାତ୍ରୀଙ୍କ ମଧ୍ୟରୁ ଚଳିତ ବର୍ଷ ମ୍ୟାଟ୍ରିକ୍ ପରୀକ୍ଷାରେ A1 ଗ୍ରେଡରେ ଉତ୍ତୀର୍ଣ୍ଣ ହୋଇଥିବା ଛାତ୍ରୀ ସୁରେଖା ପୁରୋହିତ ଓ ତାଙ୍କ ପିତା କୃଷ୍ଣଚନ୍ଦ୍ର ପୁରୋହିତ,ମାତା  ରଞ୍ଜିତା ପୁରୋହିତ ଏବଂ ଛାତ୍ର ସୋମପ୍ରକାଶ ପଣ୍ଡା,ତାଙ୍କ ପିତା ବିଶ୍ୱମ୍ବର ପଣ୍ଡା ଓ ମାତା  ସୁଦେଷ୍ଣା  ପଣ୍ଡାଙ୍କୁ ଅନୁଷ୍ଠାନ ତରଫରୁ ପୁଷ୍ପଗୁଚ୍ଛ ତଥା ଉପଢୌକନ ଦେଇ ଭବ୍ୟ ସମ୍ବର୍ଦ୍ଧନା ପ୍ରଦାନ କରାଯାଇଛି l ସ୍କୁଲ ପରିଚାଳକ ତଥା ପ୍ରଧାନ ଶିକ୍ଷକ ବାଳଗୋପାଳ ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ଅବସରପ୍ରାପ୍ତ ପ୍ରଧାନ ଶିକ୍ଷକ ଅନିଲ କୁମାର ମିଶ୍ର,ଶିକ୍ଷକ ଜୟଲାଲ ସେବକ , ଦେବଦତ୍ତ ପଣ୍ଡା,ସତ୍ୟନାରାୟଣ ସାହୁ ଯୋଗଦେଇ ପିଲାମାନେ କିପରି ନିଜ ଭବିଷ୍ୟତ ନିର୍ମାଣରେ ଗୁରୁତ୍ୱ ଦେବେ ସେ ବିଷୟରେ ଉଦବୋଧନ ଦେଇଥିଲେ l ଏହି ପରିପ୍ରେକ୍ଷୀରେ ଚଳିତ ବର୍ଷ ଦଶମ ଶ୍ରେଣୀର ଅଧ୍ୟୟନ କରୁଥିବା ଛାତ୍ରଛାତ୍ରୀ ମାନଙ୍କ ଅଭିଭାବକ ଅଭିଭାବିକା ଉପସ୍ଥିତ ରହି ପିଲାମାନଙ୍କ ଭବିଷ୍ୟତ ଗଠନ ଦିଗରେ ଉନ୍ନତି ଆସିବ ସେଦିଗରେ ଉପସ୍ଥିତ ଶିକ୍ଷକ/ଶିକ୍ଷୟତ୍ରୀ ଅମର ମେହେର,ସୂର୍ଯ୍ୟ ନାରାୟଣ ମେହେର,ଦେବାଶିଷ ମହାପାତ୍ର,ଭୋଜରାଜ ବିଶି, ଦେବେନ୍ଦ୍ର କମ୍ପ,ସୁବ୍ରତ ପଧାନ, ସୁବ୍ରତ ମିଶ୍ର,ବର୍ଷାରାଣୀ ପାତ୍ର, ସସ୍ମିତା ସାହୁ,ଇପ୍ସିତା ପଣ୍ଡା, କମଳିନୀ ପଧାନ,ରୋହିତ ବାଘ ଦୀପାଳି ସାହୁ ପ୍ରମୁଖଙ୍କ ସହିତ ବିଶଦ ଆଲୋଚନା କରିଥିଲେ ଏହି ଅବସରରେ ଅନୁଷ୍ଠାନ ତରଫରୁ  A1 ଗ୍ରେଡ୍ ଲାଭ କରିଥିବା ୨ଛାତ୍ର ଛାତ୍ରୀଙ୍କ ଉଚ୍ଚ ଶିକ୍ଷା ଅନୁଷ୍ଠାନ ତରଫରୁ ଏଗାର ହଜାର ଏକ ଶହ ଏଗାର ଟଙ୍କାର  ଚେକ ପ୍ରଦାନ କରାଯାଇଥିଲା l  ବରିଷ୍ଠ ଶିକ୍ଷକ ଦେବଦତ୍ତ ପଣ୍ଡା ସଭା ସଂଯୋଜନା କରିଥିବାବେଳେ ଶେଷରେ ଶିକ୍ଷକ ଭୋଜରାଜ ବିଶି ଧନ୍ୟବାଦ ଅର୍ପଣ କରିଥିଲେ l