17-Apr-2026

ସୋନପୁର (ମନୋରଞ୍ଜନ ତ୍ରିପାଠୀ )- ଓଡ଼ିଶା ସାହିତ୍ୟ ଏକାଡ଼େମୀ ଓ ମହାନଦୀ ସାହିତ୍ୟ ସଂସଦ ସୋନପୁର  ଙ୍କ ମିଳିତ ସହଯୋଗରେ ସୁବର୍ଣ୍ଣପୁର ସଂସ୍କୃତି ଭବନ ଠାରେ ଆୟୋଜିତ ଗଦ୍ୟ ଶୀଳ୍ପି ଭୁବନେଶ୍ୱର ବେହେରା ଙ୍କ ରାଜ୍ୟ ସ୍ତରୀୟ ଶ୍ରାଦ୍ଧୋତ୍ସବ ରେ ମୁଖ୍ୟ ଅତିଥି ଭାବେ ମାଣିକେଶ୍ଵରୀ ବିଶ୍ଵ ବିଦ୍ୟାଳୟ ର କୁଳପତି ଡ଼ଃ ପବନ କୁମାର ଅଗ୍ରୱାଲ ଯୋଗ ଦେଇ ଶ୍ରୀ ଭୁବନେଶର ବେହେରା ଙ୍କ ଗଳ୍ପ ସାହିତ୍ୟ, ଗଦ୍ୟ ଶୈଳୀ ଓ ସମାଜ ଜୀବନ ସହିତ ତାଙ୍କ ରଚନା ର ଗଭୀର ସମ୍ପର୍କ କୁ ଉଲ୍ଲେଖ କରିଛନ୍ତି l  ସଭା ମୂଖ୍ୟ ତଥା ଜିଲ୍ଲାପାଳ ଡ଼ ନୃପ ରାଜ ସାହୁ କହିଥିଲେ "ସେ ସାହିତ୍ୟ ସେତେବେଳେ କାଳଜୟୀ ହୁଏ ଯେଉଁ ସାହିତ୍ୟ ମାଟି ର କଥା କହେ, ଯେଉଁ ସାହିତ୍ୟ ମଣିଷ ର କଥା କହେ, ଯେଉଁ ସାହିତ୍ୟ ଆବେଗ ର କଥା କହେ" l ଓ ଭୁବନେଶ୍ୱର ବେହେରା ଙ୍କ ପ୍ରତି ଗଳ୍ପ ରେ ଲେଖାରେ ଭାରତୀୟ ସଭ୍ୟତା ସଂସ୍କୃତି ପ୍ରତି ଗଭୀର ସମ୍ମାନବୋଧ ପ୍ରତୀକ ଦଣ୍ଡାୟ ମାନ ହୋଇ ରହିଛି ବୋଲି ମତ ରଖି ମଣିଷ ର ମନ ଆଚାର ବ୍ୟବହାର ଶିକ୍ଷା ସଭ୍ୟତା ସଂସ୍କୃତି କୁ ଆଧାର କରି ତାଙ୍କର ଗଦ୍ୟ ରାଜ୍ୟ ରୁଦ୍ଧିମନ୍ତ ହୋଈ ରହିଛି ବୋଲି କହିଥିଲେ l ସମ୍ମାନିତ ଅତିଥି ଭାବରେ ପ୍ରଫେସର ସୁଦର୍ଶନ ପଣ୍ଡା, ଡ଼ଃ ଦେବାଶିଶ ପାଣ୍ଡିଆ, ଡ଼ଃ ସୌରଭ ରଞ୍ଜନ ଖମାରୀ ଯୋଗ ଦେଇ ଶ୍ରୀ ବେହେରା ଙ୍କ ସାହିତ୍ୟ ଧାରା ଆଗକୁ ବଢ଼ାଇବା ପାଇଁ ଯୁବ ପୀଢ଼ି କୁ ପ୍ରେରିତ କରିଥିଲେ l ଏଇ କାର୍ଯ୍ଯ କ୍ରମ ରେ ବହୁ ସାହିତ୍ୟକ, କବି, ଲେଖକ ଓ ବୁଦ୍ଧିଜୀବି ଯୋଗ ଦେଇ ଶ୍ରୀ ବେହେରା ଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ l ପବିତ୍ର ମାଟି ରେ ଶ୍ରୀ ବେହେରା ଙ୍କ ଶ୍ରାଦ୍ଧ ଉତ୍ସବ ପାଳନ କରିବାର ସୁଯୋଗ ମିଳି ଥିବାରୁ ଓ ଆପଣଙ୍କ ଏତେ ସଂଖ୍ୟାରେ ସାହିତ୍ୟ ସଂସ୍କୃତି ପ୍ରେମୀ ଙ୍କ ଉପସ୍ଥିତି ଯୋଗୁଁ ଆମେ ନିଜ କୁ ଧନ୍ୟ ମନେ କରୁଛୁ ବୋଲି ସାହିତ୍ୟ ଏକାଡ଼େମୀ ସଦସ୍ୟ ତଥା କଳାହାଣ୍ଡି ରୁ ଆସିଥିବା ବକ୍ତା ସାହିତ୍ୟକ କହିଥିଲେ l ପ୍ରାରମ୍ଭ ରେ ଅତିଥି ଙ୍କ ଦ୍ଵାରା ଶ୍ରୀ ଭୁବନେଶ୍ୱର ବେହେରା ଙ୍କ ଫଟୋ ଚିତ୍ର ରେ ଧୂପ ଦୀପ ପ୍ରଦାନ ପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରା ଯାଇଥିଲା ଓ କୋଶଳ ଉଚ୍ଚ ବିଦ୍ୟାଳୟ ର ଛାତ୍ର ଛାତ୍ରୀ ଙ୍କ ଦ୍ଵାରା ସ୍ବାଗତ ସଙ୍ଗୀତ ପରିବେଷଣ କରା ଯାଇଥିଲା l