04-Feb-2021

ବଲାଙ୍ଗୀର,(ପ୍ରେରଣା ଖବର) : ଅତି ଶୀଘ୍ର ସମ୍ପୂର୍ଣ୍ଣ ହେବ ବଲାଙ୍ଗୀର ଜିଲ୍ଲାର ଲାଇଫ ଲାଇନ ପ୍ରକଳ୍ପ ଲୋୟର ସୁକତେଲ ।ଦିଆଗଲାଣି ଡେଡ୍ ଲାଇନ। ଆଗାମୀ ୨୦୨୩ ସୁଦ୍ଧା କାମ ସମ୍ପୁର୍ଣ୍ଣ କରିବାକୁ ନିର୍ଦେଶ ମିଳିସାରିଛି। ଏନେଇ ପ୍ରସ୍ତୁତି ମଧ୍ୟ ଜୋରସୋରରେ ଚାଲିଛି। ବିସ୍ଥାପିତଙ୍କ ସମସ୍ୟାର ସମାଧାନ ସହ କାମକୁ ସମ୍ପୂର୍ଣ୍ଣ କରିବାକୁ ହାଇ ଲେବେଲ ବା ଉଚ୍ଚସ୍ତରୀୟ ଟିମର ନିର୍ଦ୍ଦେଶ ପରେ ଏବେ ଲୋୟର ସୁକତେଲ ପ୍ରକଳ୍ପ ଶୀଘ୍ର ଶେଷ ହେବା ନେଇ ଦେଖାଦେଇଛି ଆଶା। ସେପଟେ ଏଭଳି ସରକାରଙ୍କ ତତ୍ପରତାକୁ ପ୍ରଶଂସା କରିଛନ୍ତି ବଲାଙ୍ଗୀରବାସୀ।

ହାଇଲାଇଟ୍ ପ୍ରକଳ୍ପ ଉପରେ ଏବେ ହାଇଲେବଲ ଟିମର ନଜର। ହାଇଲେବଲ ଟିମର ଫୋକସ  ଏବେ ବଲାଙ୍ଗୀରର ଲାଇଫ ଲାଇନ୍ କୁହାଯାଉଥିବା ଲୋୟର ସୁକତେଲ ଜଳସେଚନ ପ୍ରକଳ୍ପ ଉପରେ l ଦୀର୍ଘ ୨ ବର୍ଷରୁ ଅଧିକ ସମୟ ଧରି ବନ୍ଦ ପଡିଥିବା ବଲାଙ୍ଗୀର ଲାଇଫଲାଇନ୍ ଲୋୟର  ସୁକତେଲ ପ୍ରକଳ୍ପକୁ ୨୦୨୩ ସୁଦ୍ଧା ଶେଷ  କରିବାକୁ ଦିଆଯାଇଛି ନିର୍ଦ୍ଦେଶ । ଏଥିପାଇଁ ସମସ୍ତ ପ୍ରକାର ପ୍ରସ୍ତୁତି ହୋଇସାରିଛି।  ତେବେ କାମ ତ୍ବରାନ୍ବିତ କରାଯିବା ପାଇଁ ମୁଖ୍ୟ ବାଧା ସାଜୁଥିବା ବିସ୍ଥାପିତଙ୍କ ସମସ୍ୟାର ସମାଧାନ ମଧ୍ୟ ହେବ । ଏହାକୁ ନେଇ ସମସ୍ତ ସମାଧାନର ବାଟ ଫିଟା ଯିବା ସହ ସେମାନଙ୍କୁ ଉଚିତ ଥଇଥାନ ଓ କ୍ଷତିପୂରଣ ଦିଆଯିବ । ସେମାନଙ୍କ ସାହାଯ୍ୟ ସହଯୋଗ ରହିଲେ ରଖାଯାଇଥିବା ଡେଡ୍ ଲାଇନ୍ ୨୦୨୩ ସୁଦ୍ଧା ନିଶ୍ଚିତ ଭାବରେ କାମ ସମ୍ପୁର୍ଣ୍ଣ ହେବା ନେଇ ପ୍ରଶାସନ ଆଶା ରଖିଛି ।

ବଲାଙ୍ଗୀର ଜିଲ୍ଲା ସହ ପଡୋଶୀ ଜିଲ୍ଲାମାନଙ୍କୁ ମଧ୍ୟ ଜଳସେଚନରେ ଏ ପ୍ରକଳ୍ପ ସାହାଯ୍ୟ ଯୋଗାଇବାକୁ ଥିବା ବେଳେ ୨୦୦୦ ମସିହାଠାରୁ ଆରମ୍ଭ ହୋଇଛି ଏହାର କାମ । କିନ୍ତୁ  ଆଜି ପର୍ଯ୍ୟନ୍ତ ତାହାର କାମ ସମ୍ପୂର୍ଣ୍ଣ ହୋଇପରୁ ନାହିଁ କାରଣ ଗୋଟିଏ ସମସ୍ୟା ବିସ୍ଥାପିତଙ୍କ ସମସ୍ୟାର ସମାଧାନ। ତେବେ ୨୦୧୩ ମସିହା ଠାରୁ ଏ ପ୍ରକଳ୍ପ କାମ ପୁଣିଥରେ ଆରମ୍ଭ କରାଯାଇଥିବା ବେଳେ ୨୦୧୮ ମସିହା ପର୍ଯ୍ୟନ୍ତ ସ୍ପଲଓ୍ବେ କାମ ୪୩ ପ୍ରତିଶତ ଓ ମାଟି ଆଡିବନ୍ଧ କାମ ୬୪ ପ୍ରତିଶତ ସମ୍ପୂର୍ଣ୍ଣ ହୋଇଥିଲା। ପରେ ପରେ ଲୋକଙ୍କୁ ୨୦୧୩ ଆଇନ ଅନୁଯାୟୀ ଟଙ୍କା ପ୍ରଦାନ ସହ ସେମାନଙ୍କ ଥଇଥାନ ଓ ସମସ୍ୟାର ସମାଧାନ ନ କରିବା ପର୍ଯ୍ୟନ୍ତ କାମ ବନ୍ଦ କରିବାକୁ ନିଷ୍ପତ୍ତି ନେଇ କାମକୁ ୨୦୧୮ ଜୁଲାଇ ମାସରୁ ବନ୍ଦ ରଖାଯାଇଥିଲା । ପରବର୍ତ୍ତୀ  ସମୟରେ ୨୦୨୧ରେ ପ୍ରଶାସନ  ଓ ଜଳସମ୍ପଦ ବିଭାଗର ବରିଷ୍ଠ ଅଧିକାରୀମାନଙ୍କ ଦ୍ବାରା ବିଭିନ୍ନ ଗାଁରେ ଲୋକଙ୍କ ସହ ବୈଠକ କରାଯିବା ସହ ସେମାନଙ୍କ ସହ ଆଲୋଚନା କରି ରାସ୍ତା କାମ ନିର୍ମାଣ ଆରମ୍ଭ କରାଯାଇଥିଲା । ତେବେ ହାଇଲେବେଲ ଟିମ୍‌ର ଗସ୍ତ ପରେ ପ୍ରକଳ୍ପ କାମ ଅତି ଶୀଘ୍ର ଆରମ୍ଭ ବିସ୍ଥାପିତଙ୍କ ଥଇଥାନ ତୁରନ୍ତ ହେବା ନେଇ ଆଶା ଦେଖାଦେଇଛି। ଯାହାକୁ ବୁଦ୍ଧିଜୀବୀ ନେଇ ରାଜ୍ୟ ସରକାରଙ୍କ ସହ ପ୍ରଶାସନକୁ ସାଧୁବାଦ ଜଣାଇଛନ୍ତି  ।