22-Jan-2026

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ କାର୍ଯ୍ୟାଳୟ ପରିସରରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି l ଏହି ଶିବିର ଟି ବିଏସଏସଓ ସୁଶାନ୍ତ ମହାକୁର ଙ୍କ ତତ୍ୱାବଧାନ ରେ  ଅନୁଷ୍ଠିତ ହୋଇଥିଲା l ଉକ୍ତ ଶିବିର କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ ଯୋଗ ଦେଇଥିବା ବେଳେ ସମ୍ମାନନୀୟ ଅତିଥି ଭାବେ ବ୍ଲକ ଉପାଧ୍ୟକ୍ଷା ନିରୁପମା ପଧାନ, ଏବିଡ଼ିଓ ରୁଦ୍ରପ୍ରତାପ ସୁନା, ଜିଲ୍ଲାପରିଷଦ ସଭ୍ୟା ଜୋନ ୨ ବୀଣାପାଣି ଦାସ ଯୋଗ ଦେଇଥିଲେ l ପ୍ରଥମେ ଭୀମଭୋଇ ଙ୍କ ଫଟୋ ଚିତ୍ରରେ ମାଲ୍ୟାର୍ପଣ ତଥା ପୂଜାର୍ଚ୍ଚନା କରି କାର୍ଯକ୍ରମ ଆରମ୍ଭ କରାଗଲା l ଆଜିର ଏହି ସାମର୍ଥ୍ୟ ଶିବିର ରେ ହୋଇଥିବା ସଭା କୁ ପରିଚାଳନା କରିଥିଲେ ଓ ଏଲ୍ ଏମ ଶ୍ରୀ ଜ୍ଞାନରଂଜନ ସା l ଅତିଥି ଙ୍କ ଦ୍ୱାରା ୨ ଜଣ ଭିନ୍ନକ୍ଷମ ଙ୍କୁ ହୁଇଲ ଚେୟାର ପ୍ରଦାନ କରାଗଲା l ଭିନ୍ନକ୍ଷମ ଭତ୍ତା, ଭିନ୍ନକ୍ଷମ ଙ୍କ ପାଇଁ ବସ ଓ ଟ୍ରେନ ରେ ଯାତ୍ରା ପାଇଁ ପାସ୍, ମଧୁବାବୁ ଭତ୍ତା, ଭିନ୍ନକ୍ଷମ ବିବାହ ପ୍ରୋତ୍ସାହନ, ଭିନ୍ନକ୍ଷମ ସ୍ଵୟଂ ସହାୟକ ଗୋଷ୍ଠୀ ଗଠନ, ଛାତ୍ର ବୃତ୍ତି, ଦୃଷ୍ଟିବାଧିତ ଭିନ୍ନକ୍ଷମ ପାସ ତଥା ଭିନ୍ନକ୍ଷମ ଉପକରଣ ପାଇଁ ଅନେକ ପଞ୍ଜିକରଣ କେନ୍ଦ୍ର ଖୋଲାଯାଇ ସମୁଦାୟ ୨୬୬ ଜଣଙ୍କର ନାମ ପଞ୍ଜିକରଣ କରା ଯାଇଥିଲା। ଏହାସହ ବଲାଙ୍ଗୀର ର ସ୍ବେଚ୍ଛାସେବୀ ଅନୁଷ୍ଠାନ ଯାହାର ନାମ ହେଉଛି ନିରନ୍ତର ସେବା ଟ୍ରଷ୍ଟ ଦ୍ଵାରା ମଧ୍ୟ ବିଭିନ୍ନ ଉପକରଣ ଯୋଗାଇବା ପାଇଁ ଏକ ପଞ୍ଜୀକରଣ କେନ୍ଦ୍ର ଖୋଲି ନାମ ପଞ୍ଜିକରଣ କରିଥିଲେ l ଆଜିର ଏହି ଭିନ୍ନକ୍ଷମ ସାମର୍ଥ୍ୟ ଶିବିର କୁ ବହୁ ଭିନ୍ନକ୍ଷମ ବ୍ୟକ୍ତି ଆସିଥିଲେ। ଏହି ଭିନ୍ନକ୍ଷମ ଶିବିରରେ ଭିନ୍ନକ୍ଷମ ପ୍ରମାଣ ପାଇଁ ଅନେକ ଭିନ୍ନକ୍ଷମ ବ୍ୟକ୍ତି ଆସି ନିରାଶ ହୋଇ ଫେରି ଯିବାର ଦେଖିବାକୁ ମିଳିଥିଲା। ଭିନ୍ନକ୍ଷମ ପ୍ରମାଣ ପତ୍ର ପାଇଁ  ଚିହ୍ନଟ କରିବାର କୌଣସି ପ୍ରକାର ବ୍ୟବସ୍ଥା କରା ନ ହେବା ଫଳରେ ଭିନ୍ନକ୍ଷମ ବ୍ୟକ୍ତିମାନେ ଅସନ୍ତୋଷ ପ୍ରକାଶ କରି ଥିବାର ଦେଖିବାକୁ ମିଳିଥିଲା l