21-Jan-2026

ସୁବର୍ଣ୍ଣପୁର ଜିଲ୍ଲା ଭାରତ ସ୍କାଉଟ୍ସ ଓ ଗାଇଡ୍ସ୍ ର ରାଜ୍ୟ ପୁରସ୍କାର ପରୀକ୍ଷା ଅନୁଷ୍ଠିତ।
  ବିନିକା , ତା ୨୧/୧ ବ ସୁବର୍ଣ୍ଣପୁର ଜିଲ୍ଲା ଭାରତ ସ୍କାଉଟ୍ସ ଓ ଗାଇଡସ ର ରଜ୍ୟପୁରସ୍ଖାର ପରୀକ୍ଷା ୨୦୨୫-୨୬ ଗତ ଦୁଇ ଦିନ ଧରି ବିନିକା ବାଳକ ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ମହକୁରଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ଜିଲ୍ଲା ସ୍କାଉଟ ଓ ଗାଇଡ ସମ୍ପାଦକ ବାଲାଜୀ ବିଶ୍ଵନାଥ ମୁଖ୍ୟ ଅତିଥି, ପୂର୍ବତନ ଜିଲ୍ଲା କମିଶନର ନୀଳାଚଳ ମେହେର  ଓ ପୂର୍ବତନ ସହ ଜିଲ୍ଲା କମିଶନର ପ୍ରମୋଦ କୁମାର ପଣ୍ଡା ସମ୍ମାନିତ ଅତିଥି ଭାବରେ ଯୋଗଦାନ କରି ସାଉଟ ସଂସ୍ଥାର  ବିଶ୍ଵ ବ୍ୟାପି କାର୍ଯ୍ୟକ୍ରମ ର ଭୂୟସୀ ପ୍ରଶଂସା କରିଥିଲେ। ଏହି ଅବସରରେ ଜିଲ୍ଲା ର ୨୩ ଗୋଟି ବିଦ୍ୟାଳୟରୁ ୧୬୪ ଜଣ ସ୍କାଉଟ୍ ଓ ୬୦ ଜଣ  ଗାଇଡ ପରୀକ୍ଷା ଦେବା ପାଇଁ ଶିବିରରେ ପଞ୍ଜୀକୃତ କରିଥିଲେ। ପରୀକ୍ଷା ପରିଚାଳନା କରିବା ପାଇଁ ଓଡ଼ିଶା ରାଜ୍ୟ ଭାରତ ସ୍କାଉଟ ଓ ଗାଇଡ ସଂସ୍ଥା ତରଫରୁ କାର୍ଯ୍ୟକାରୀ ସହାୟକ ଅବିନାଶ ଗଡ଼ନାୟକ ଓ ହିସବରକ୍ଷକ୍  ସୁନିଲ ସାହୁ ରାଜ୍ୟ ମୁଖ୍ୟ କମିଶନର ଶ୍ରୀଯୁକ୍ତ  କ।ଲି ପ୍ରସାଦ ମିଶ୍ରଙ୍କ ନିର୍ଦ୍ଦେଶ କ୍ରମେ ପରୀକ୍ଷକ ଭାବରେ ଯୋଗଦାନ କରିଥିଲେ। ଏହି ଅବସରରେ ଲଗ୍ ବୁକ୍ , ରେକର୍ଡ ବୁକ୍, ଟେଷ୍ଟ କାର୍ଡ ନିରୀକ୍ଷଣ ସହ ଗଣ୍ଠି ପରୀକ୍ଷା, ପ୍ରାଥମିକ ଚିକିତ୍ସା,ସ୍ତ୍ରେଚର ,ସେଲ୍ଟର ତିଆରି, ସହ ସଡକ ସୁରକ୍ଷା ସଚେତନତା ଶୋଭାଯାତ୍ରା ପରି କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା। କାର୍ଯ୍ୟକ୍ରମ କୁ ଜିଲ୍ଲା ସଂଗଠନ କମିଶନର ଅନନ୍ତରମ୍ ମେନ୍ଦେଲି ଓ ପଦ୍ମିନୀ ସାହୁ, ସହ ସମ୍ପାଦକ ଗଙ୍ଗାଧର ପ୍ରଧାନ ,ସ୍କାଉଟ ମାଷ୍ଟର  ହରିଶ୍ଚନ୍ଦ୍ର ମଝି, ଯଶୋବନ୍ତ ପଟେଲ, ମିତେନ୍ଦ୍ର ନାୟକ, ଚିନ୍ମୟ ଦାସ, କାହୁଁ ଚରଣ ପୂଜାରୀ, ଗାଇଡ କ୍ୟାପଟେନ ସ୍ମିତା ନାୟକ, ରଜେସ୍ୱରି  ନାୟକ ପ୍ରଭୁତି ସହଯୋଗ କରିଥିଲେ। ଅତିରିକ୍ତ ଜିଲ୍ଲା କମିଶନର ତଥା ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଘନଶ୍ୟାମ ମେହେର, ଜିଲ୍ଲା ତାଲିମ କମିଶନର ଦୀନବନ୍ଧୁ ପ୍ରଧାନ ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ପ୍ରଭୁତି ପରୀକ୍ଷାର୍ଥୀଙ୍କ ସଫଳତା କାମନା କରିଥିଲେ।