29-Dec-2025

ସୋନପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ଜିଲ୍ଲାର ଅଗ୍ରଣୀ ଶିକ୍ଷାନୁଷ୍ଠାନ କୋଶଳ ଉଚ୍ଚ ବିଦ୍ୟାଳୟର ୧୧ଦଶ ତମ ବାର୍ଷିକ ଉତ୍ସବ ମହା ସମାରୋହ ରେ ପାଳିତ ହୋଇ ଗତ କାଲି ଉଦଯାପିତ ହୋଇଯାଇଛି | ଏହି ଅବସରରେ ମୁଖ୍ୟ ଅତିଥି ଭାବରେ  ସୁବର୍ଣ୍ଣପୁର ର ପ୍ରାକ୍ତନ ଜିଲ୍ଲାପାଳ ତଥା ଅବସରପ୍ରାପ୍ତ ସଚିବ ଓଡିଶା ବିଧାନ ସଭା  ଶ୍ରୀଯୁକ୍ତ ଦାଶରଥି ଶତପଥି ଯୋଗ ଦେଇ ମା ମାତୃଭୂମି ମାତୃଭାଷା ଓ ଗୁରୁ ଙ୍କୁ କେବେବି କୌଣସି ଛାତ୍ର ଛାତ୍ରୀ ଅଣଦେଖା ନ କରିବାକୁ ପରାମର୍ଶ କରିଥିଲେ l ରାଜ୍ୟ ତଥା ରାଜ୍ୟ ବାହାରେ ଏ ସୁବର୍ଣ୍ଣପୁର ମାଟି ର ପିଲା ବିଭିନ୍ନ କ୍ଷେତ୍ରରେ ପାରଦର୍ଶିତା ଦେଖାଇ ଏ ମାଟି ର ଗୌରବ ଅର୍ଜନ କରନ୍ତି ଓ ଏ ମାଟି ପାଣି ପବନ କଳା ସଂସ୍କୃତି ଲୋକ ଙ୍କ ଆଚାର ବ୍ୟବହାର କୁ ମୁଁ କେବେ ଭୂଲି ପାରିବିନି ବୋଲି  ଶ୍ରୀ ଶତପଥି କହିଥିଲେ l କୃତୀ ଛାତ୍ରଛାତ୍ରୀ ଗୁରୁଜୀଗୁରୁମା , ଓ ସହର ଜିଲ୍ଲା ର ବିଭିନ୍ନ ପ୍ରତିଭା ବିଶିଷ୍ଟ ବ୍ୟକ୍ତି ବିଶେଷ  ମାନଙ୍କୁ ସମର୍ଦ୍ଧିତ କରିଥିଲେ l  ସମ୍ମାନିତ ଅତିଥି ଭାବରେ ସୋନପୁର  ଉପଜିଲ୍ଲାପାଳ ଡ଼. ସୌମ୍ୟରୂପା ରଥ, ଉପଦେଷ୍ଟା ଶ୍ରୀଯୁକ୍ତ ଅଭିମନ୍ୟୁ କୁଶଳ, ବିଦ୍ୟାଳୟ ସଭାପତି ଶ୍ରୀଯୁକ୍ତ ଶ୍ରୀବତ୍ସ ମଲ୍ଲିକ, ଉପ ସଭାପତି ଶ୍ରୀଯୁକ୍ତ ପ୍ରଫୁଲ୍ଲ କୁମାର ନାଏକ ପ୍ରମୁଖ ଉପସ୍ଥିତ ରହିଥିଲେ |

ସେହିପରି ପୂର୍ବାହ୍ଣ ଅଧିବେଶନରେ ଜିଲ୍ଲା ପଂଚାୟତ ଅଧିକାରୀ ଶ୍ରୀଯୁକ୍ତ ଅର୍ଜୁନ ମାଝୀ ମୁଖ୍ୟଅତିଥି ଓ ଶ୍ରୀମତୀ ସସ୍ମିତା ଭୂତିଆ ସମ୍ମାନିତ ଅତିଥି ଭାବରେ ଉପସ୍ଥିତ ଥିଲେ | ବିଦ୍ୟାଳୟ ର ଶୁଭେଛୁ ସହଯୋଗୀ ସମେତ ଉପସ୍ଥିତ ସମସ୍ତ ସାମ୍ବାଦିକ ଙ୍କୁ  ଉପଢୌକନ ମାନପତ୍ର ଦେଇ ସମ୍ମାନିତ କରାଯାଇଥିଲା | ବିଭିନ୍ନ ବିଭାଗରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ଓ ରାଜ୍ୟ ସ୍ତରରେ କୃତିତ୍ୱ ଅର୍ଜନ କରିଥିବା ଛାତ୍ର ଛାତ୍ରୀ ଙ୍କୁ ପୁରସ୍କାର ପ୍ରଦାନ କରାଯାଇଥିଲା | ପରେ ପରେ ସାଂସ୍କୃତିକ କାର୍ଯ୍ୟକ୍ରମ ସୁର ବିଚିତ୍ରା ଅନୁଷ୍ଠିତ ହୋଇଥିଲା ଯାହାକି ସମସ୍ତେ ବେଶ ମଜା ନେଇଥିଲେ |ବିଦ୍ୟାଳୟ ପାଇଁ ଉତ୍ସବ ରେ ଏକ ନିଆରା କାର୍ଯ୍ୟକ୍ରମ  ବାଲୁକା ଶିଳ୍ପ ଥିଲା ଯାହାକି ଛାତ୍ରଛାତ୍ରୀ ଓ ଶିଳ୍ପୀ ଅଭିଷେକ ସିଂ ଦ୍ୱାରା ପ୍ରଭୁ ଶ୍ରୀଜଗନ୍ନାଥଙ୍କ ବିଶାଳ ମୂର୍ତ୍ତି ବାଲିରେ ନିର୍ମିତ କରାଯାଇଥିଲା | ବାର୍ଷିକ ଉତ୍ସବର ପ୍ରଥମ ଦିନ ବିଦ୍ୟାଳୟରେ ସ୍କାଉଟ କ୍ୟାମ୍ପରୀ ଅନୁଷ୍ଠିତ ହୋଇଥିଲା l ସୋନପୁର କୋଶଳ ଉଚ୍ଚ ବିଦ୍ୟାଳୟ ପକ୍ଷରୁ ଆୟୋଜିତ ଏହି ଭାରତ ସ୍କାଉଟ ଗାଇଡ କ୍ୟାମ୍ପୋରିଂ ଓ ବାର୍ଷିକ ଉତ୍ସବ ମହା ସମାରୋହ ରେ ଉଦ୍ଘାଟିତ  ହୋଇଥିଲା l ଏହି ଉତ୍ସବ ରେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଏସପି ଶ୍ରୀ ନାରାୟଣ ନାଏକ ଓ ସମ୍ମାନିତ ଅତିଥି ଭାବେ ଏ ଡି ଏମ୍ ଅଞ୍ଜଳିନା ପଧାନ, ସମାଜ ସେବୀ ଶ୍ରୀବତ୍ସ ମଲ୍ଲିକ ଯୋଗ ଦେଇ ଛାତ୍ର ଛାତ୍ରୀ ଓ ଅଭିଭାବକ ଙ୍କୁ ଉତ୍ସାହିତ କରିଥିଲେ l ଛାତ୍ର ଛାତ୍ରୀ ଙ୍କ ଦ୍ଵାରା ଉଭୟ ଦିବସ ରେ ଅତିଥି ମାନଂକୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିବା ବେଳେ ଛାତ୍ର ଛାତ୍ରୀ ଙ୍କ ଦ୍ଵାରା ସାଂସ୍କୃତିକ କାର୍ଯ୍ଯ କ୍ରମ ଓ ପରିବେଶ ସୁରକ୍ଷା ଉପରେ ସଚେତନତା ନାଟକ ପରିବେଷଣ କରା ଯାଇଥିଲା l ଯାହାକି ଉପସ୍ଥିତ ସମସ୍ତ ଛାତ୍ର ଛାତ୍ରୀ ଅଭିଭାବକ ବୁଦ୍ଧିଜୀବି ଙ୍କ ମନ ଛୁଆଁ ଥିଲା l ସ୍କୁଲ ଅଧ୍ୟକ୍ଷ ସଞ୍ଜୟ ସାହୁ ଙ୍କ ପ୍ରତ୍ୟକ୍ଷ ତତ୍ୱା ବଧାନ ରେ ଅନୁଷ୍ଟିତ ଏହି କାର୍ଯ୍ଯ କ୍ରମ ରେ ସମସ୍ତ ଶିକ୍ଷକ ଶିକ୍ଷୟିତ୍ରୀ କର୍ମଚାରୀ ଓ ଛାତ୍ର ଛାତ୍ରୀ ସହଯୋଗ କରିଥିଲେ l ବିଦ୍ୟାଳୟ ର ଉପଦେଷ୍ଟା ମନୋରଞ୍ଜନ ତ୍ରୀପାଠୀ, ପିତାମ୍ବର ମହାପାତ୍ର , ଲଡୁ କିଶୋର ମଲ୍ଲିକ ଉତ୍ସବ ର ସମସ୍ତ କାର୍ଯ୍ଯ କ୍ରମ ରେ ସହଯୋଗ କରିଥିଲେ l