28-Dec-2025

ଲୋଇସିଂହା/ଆଗଲପୁର, (ବିନୋଦ ଦୀପ) ବଡଟିକା କ୍ରୀଡା ସଂଘ ଆନୁକୂଲ୍ଯରେ ଆୟୋଜିତ ଦ୍ବିତୀୟ ରାଜ୍ଯ ସ୍ତରୀୟ ବଡଟିକା କପ୍ ଫୁଟବଲ୍ ଟୁର୍ଣ୍ଣାମେଣ୍ଟ୍ ଫାଇନାଲ୍ ଖେଳ ବିଏଫ୍ ସି କୁଚିଣ୍ଡା ଓ ସୁରଜ - ୧୧ ଫୁଲବାଣୀ ମଧ୍ଯରେ ଅନୁଷ୍ଠିତ ହୋଇଥିଲା । ଆଜିର ଚିତ୍ତାକର୍ଷକ  ଫାଇନାଲ ଖେଳରେ  ସୁରଜ - ୧୧ ଫୁଲବାଣୀ ଦଳ ୧-୦  ରେ ବିଜୟୀ ହୋଇ ବଡଟିକା କପ୍  ୨୦୨୫ ର ବିଜେତା ହୋଇଛି l ଏହି ଅବସରରେ ମୁଖ୍ଯଅତିଥି ଭାବେ ବଲାଙ୍ଗିର  ଜିଲ୍ଲା  ବିଜେପି  ସଭାପତି ଶ୍ରୀବତ୍ସ ବେହେରା ଯୋଗ ଦେଇଥିବା ବେଳେ  ସାଂସଦ ପ୍ରତିନିଧି ଆଗଲପୁର ଉମେଶ ପୁଟେଲ, ସାଂସଦ ପ୍ରତିନିଧି ଲୋଇସିଂହା ବାଳକୃଷ୍ଣ ଧରୁଆ, ବୁର୍ଡା ସରପଞ୍ଚ ସୁଦିପ ସା, ନଅଗାଁ -ଖ ସରପଞ୍ଚ ବୃନ୍ଦାବନ ସେଠ୍, ସମାଜସେବୀ ଆନନ୍ଦ ମେହେର ପ୍ରମୁଖ  ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ମ୍ଯାଚ୍ କମିଶନର୍ ସୁଦୟ କୁମାର ବାରିକ ଙ୍କ ପ୍ରତ୍ଯକ୍ଷ ତତ୍ତାବଧାନରେ ଶ୍ରୀନିବାସ ରାଓ, ରାଜ୍ କୁମାର ମଣ୍ଡଳ,ସୁଧାଂଶୁ ଶେଖର ସେଠ୍ ଓ ରୋଶନ୍ ମେହେର ଆଜିର ଖେଳକୁ ପରିଚାଳନା କରିଥିଲେ । ଆଜିର ଖେଳର ଶ୍ରେଷ୍ଠ ଖେଳାଳି  ସହିତ  ଟୁର୍ଣ୍ଣାମେଣ୍ଟ୍ ର  ମ୍ଯାନ୍ ଅଫ୍ ଦ ସିରିଜ  ଭାବେ   ସୁରଜ - ୧୧ ଫୁଲବାଣୀ ଦଳର ଖେଳାଳୀ ଜିମ୍ମା (ଘାନା)ଙ୍କୁ ଓ  ବିଏଫ୍ ସି କୁଚିଣ୍ଡା ଦଳର ଗୋଲକିପର୍ ଓମ୍ ଖଡିଆଙ୍କୁ ଶ୍ରେଷ୍ଡ ଗୋଲ କିପର ଭାବେ  ପୁରସ୍କୃତ କରାଯାଇଥିଲା  ।

କ୍ରୀଡା ସଂଘ ତରଫରୁ ଉଭୟଦଳକୁ ମେଡାଲ ଓ ସମସ୍ତ ରେଫରୀଙ୍କୁ ମୋମେଣ୍ଟୋ ପ୍ରଦାନ କରି ସମ୍ମାନୀତ କରାଯାଇଥିଲା  ।ଏହି ଅବସରରେ ଆୟୋଜିତ ଉଦଯାପନୀ ତଥା ପୁରସ୍କାର ବିତରଣୀ ଉତ୍ସବରେ  କ୍ରୀଡା ସଂଘ ର ସାଧାରଣ ସମ୍ପାଦକ ତଥା ଏହି ଟୁର୍ଣ୍ଣାମେଣ୍ଟ୍ ର ମାର୍ଗଦର୍ଶିକା ଓ ଲୋଗୋ  ଡିଜାଇନର  ପ୍ରସ୍ତୁତକର୍ତ୍ତା ଅନିଋଦ୍ଧ ଭୋଈ  ଏକ ସୁସ୍ଥ ସମାଜ ଗଠନରେ ସମସ୍ତେ ମିଶି କାର୍ଯ୍ଯ କରିବା  ସନ୍ଦେଶକୁ ସୁଦୂର ପ୍ରସାରୀ କରିବାରେ ସହଯୋଗ  କରିଥିବା ସମସ୍ତ କ୍ରୀଡାପ୍ରେମୀ ତଥା ଫୁଟବଲପ୍ରମୀ ଓ ଗ୍ରାମବାସୀଙ୍କୁ କୃତଜ୍ଞତା ତଥା ସାଧୁବାଦ ଜଣାଇଥିଲେ । କ୍ରୀଡା ସଂଘର ସଭାପତି ଭୁବନେଶ୍ବର ଧରୁଆ, ଉପ ସଭାପତି ଗୋପାଳ ବିଶ୍ବାଳ, ସହ ସଂପାଦକ ମନରଞ୍ଜନ ବିଶ୍ବାଳ, କୋଷାଧ୍ୟକ୍ଷ ରାଜୁ ପଧାନ,   ଶୁଶିଲ ବିଶ୍ବାଲ, ଧନସିଂ ବାଗ, ବିଜଯୟ କୁମାର ସାହୁ, ଚିନ୍ତାମଣୀ ପଧାନ, ସାନୁ ସାହୁ, ରାଜିନ୍ଦ୍ର ସେଠ୍,କୁନୁ ଜୁଏଡ୍ ତଥା କ୍ରୀଡା ସଂଘ ର  ସମସ୍ତ ସଭ୍ଯ ଓ ଗ୍ରାମବାସୀ ସହଯୋଗ କରିଥିଲେ । ହିମାଶୁ ଦଳପତି  ଧାରା  ବିବରଣୀ ପ୍ରଦାନ କରିଥିବାବେଳେ କ୍ରୀଡା ସଂଘର ସକ୍ରିୟ ସଦସ୍ଯ ଡୋଳାମଣି ଦଳପତି ମଞ୍ଚ ପରିଚାଳନା  କରିଥିଲେ ଓ ଶେଷରେ ଧନ୍ଯବାଦ ଅର୍ପଣ କରିଥିଲେ l