08-Dec-2025

 ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ୍ ଅନ୍ତର୍ଗତ  ଡାଙ୍ଗବାହାଲ ଗ୍ରାମ ପଞ୍ଚାୟତ ଅନ୍ତର୍ଗତ ବଲାଙ୍ଗୀର ଜିଲ୍ଲାର ଶେଷ ଗ୍ରାମ ତଥା ସୀମାନ୍ତବର୍ତ୍ତୀ ଅଞ୍ଚଳର ଗ୍ରାମ ସାରଥିମୁଣ୍ଡା ଗାଁର ଜଣେ କ୍ଷୁଦ୍ର ଚାଷୀ ଓ ନାମମାତ୍ର ଚାଷୀ  ନେପାଳ ପ୍ରଧାନ,  ଯିଏ କି ଆଚ୍ଛାଦନ ପ୍ରଣାଳୀରେ ୩୦ ଡିସିମିଲ ଜମିରେ ପରୀକ୍ଷାମୂଳକ ଭାବେ   ଲଙ୍କା ଚାଷ କରି ସଫଳତାର ଉଦାହରଣ ସାଜିଛନ୍ତି।
ନେପାଳ ପ୍ରଧାନର  ପରିବାର କହିଲେ ସ୍ତ୍ରୀ,ପୁଅ ସମେତ ୩ ଜଣ ଅଛନ୍ତି। ଜମି କହିଲେ ଆଟ ଜମି ୧.୫୦ ଏକର, ମାଳ ୧ ଏକର ମୋଟ ୨.୫୦ ଏକର।

ନେପାଲଙ୍କ ପରିବର୍ତ୍ତନ: ଦେବଦତ୍ତ କ୍ଲବ, କେନ୍ଦୁଭଟା ତରଫରୁ ତାଲିମ ଗ୍ରହଣରୁ ଆରମ୍ଭ, ତାଲିମରେ ଜଳ ପରିଚାଳନା, ମଲ୍ଚିଂ ବା ଆଛାଦନ  ପ୍ରଣାଳୀର ଚାଷ, ବୁନ୍ଦା ଜଳସେଚନ ଏବଂ ଜୈବିକ କୀଟ ନିୟନ୍ତ୍ରଣ ଉପରେ ତାଲିମ ଗ୍ରହଣ କରିଥିଲେ।ତାଲିମ ଗ୍ରହଣ ପରେ ସେ ୧୫୧କିସମ ଲଙ୍କା ମଞ୍ଜି କିଣି ଚାରା ପ୍ରସ୍ତୁତ କରିଥିଲେ। ପରୀକ୍ଷାମୂଳକ ଭାବେ ୩୦ ଡେସିମିଲ ଜମିକୁ ହଳ କରି ଆଛାଦନ ପ୍ରଣାଳୀରେ ଜୈବିକ  ପ୍ରଣାଳୀରେ ଲଙ୍କା ଚାଷକୁ ଆପଣେଇ ଥିଲେ।
ଜମିକୁ ହିଡ କରି ମଲ୍ଚିଂ ପ୍ରଣାଳୀ ତଥା ଆଛାଦନ ପ୍ରଣାଳୀ ବା ମାଟିକୁ ଘୋଡେଇ ଥିଲେ ଲଙ୍କା ଫଳ ଚାଷ କରି ବୁନ୍ଦା ଜଳ ସେଚନକୁ ଆପଣେଇ ଥିଲେ।ଏହି ଆଛାଦନ ପ୍ରଣାଳୀରେ ଅନାବନା ଘାସ ହୁଏ ନାହିଁ, ସାର , ଖତ, ପାଣି, କୀଟନାଶକ ଔଷଧ ଯେତିକି ଦିଆଯାଏ ସବୁ ଗଛ ତାନିନେଇଥାଏ,ଯାହା ଫଳରେ ଗଛ ହୃଷ୍ଟ ପୃଷ୍ଟ ହୋଇଥାଏ। ଏହି ଲଙ୍କା ଚାଷରେ ୩୦ ଡିସିମିଲ ରୁ ବର୍ତ୍ତମାନ ସୁଦ୍ଧା ଆୟ  ୫୦,୦୦୦ ଟଙ୍କା ରୋଜଗାର କରିଛନ୍ତି! ଆଗକୁ ଆହୁରି ଆୟ ହେବା ବୋଲି ନେପାଲ କହିଛନ୍ତି ।ଏହି ପ୍ରଣାଳୀରେ ଚାଷ କରି ଅନାବନା ଲଟାବୁଦା ଦାଉରୁ ରକ୍ଷା ପାଇବା ସହିତ  ଅଧିକ ଆୟ, କମ୍ ଖର୍ଚ୍ଚ, ସୁସ୍ଥ ଫସଲ, ଅଧିକ ଅମଳ ହେବା ସହ ଅଧିକ ଫଳ ସଂଗ୍ରହ ହୋଇପାରିଛି।ନେପାଳ ଏବେ ସ୍ଥାୟୀ କୃଷି ଗ୍ରହଣ କରୁଥିବା ସହ କୃଷକମାନଙ୍କ ପାଇଁ ଏକ ଆଦର୍ଶ ପାଲଟିଛନ୍ତି।