03-Nov-2025

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )
 କଳାହାଣ୍ଡି ଜିଲ୍ଲା ଧର୍ମଗଡ ବିଜୁ ଏକ୍ସପ୍ରେସ ୱେ ବେହେରା ନିକଟରେ ରବିବାର ଦିନ ଏକ ଆଇଚର ଗାଡ଼ି ଜଣେ ବୃଦ୍ଧଙ୍କୁ ଧକ୍କା ଦେବା ଯୋଗୁଁ ବୃଦ୍ଧ ଙ୍କ ମୃତ୍ୟୁ ହୋଇଛି । ଯାହା ଫଳରେ କ୍ଷତି ପୂରଣ ଦାବିରେ ପରିବାର ଓ ସମ୍ପର୍କୀୟ ଲୋକେ ବେହେରା ବିଜୁ ଏକ୍ସପ୍ରେସ ୱେ ରେ ଶବ ରଖି  ରାସ୍ତା ଅବରୋଧ କରିଥିଲେ । ସୂଚନା ମତେ କୋକସରା ଥାନା ଅଧୀନ ଖୁଣ୍ଟିଆ ଗ୍ରାମର ତରୁଣି ଦୁର୍ଗା (୬୫) ରବିବାର ଦିନ ନିକଟସ୍ଥ ବେହେରା ସାପ୍ତାହିକ ହାଟ ରୁ ଏକ ସାଇକଲ ଯୋଗେ ଘରକୁ ଫେରୁଥିବା ବେଳେ ପଛପଟୁ ଏକ ଆଇଚର ଗାଡ଼ି (ଓଡି୩୦୮ ୬୯୮୬)ଧକ୍କା ଦେଇଥିଲା,ଯାହା ଫଳରେ ସେ ଛିଟିକି ପଡ଼ିଥିଲେ । ଗୁରୁତର ଅବସ୍ଥାରେ ତାଙ୍କୁ ଆମ୍ବୁଲାନ୍ସ ଯୋଗେ ନିକଟସ୍ଥ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପର୍ଲା ରେ ଭର୍ତ୍ତି କରାଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ତେବେ ବୃଦ୍ଧ ଙ୍କ ମୃତ୍ୟୁ କୁ ନେଇ ଉତ୍ତେଜନା ଦେଖାଦେବା ସହ ଗାଡ଼ି ଡ୍ରାଇଭର କୁ ଗିରଫ ଓ  ଆର୍ଥିକ କ୍ଷତିପୂରଣ ଦାବି ନେଇ ସୋମବାର ଦିନ ସକାଳୁ  ରାସ୍ତାରେ ଶବ ରଖି ଅବରୋଧ କରାଯାଇଥିଲା । ଯାହା ଫଳରେ ଦୀର୍ଘ ସମୟ ଧରି ବିଜୁ ଏକ୍ସପ୍ରେସ ୱେ ରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା। ଘଟଣା ସ୍ଥଳରେ କୋକସରା ଅତିରିକ୍ତ ତହସିଲଦାର ମୋହନ ଚରଣ ଜେନା,କୋକସରା ପୋଲିସ ସମେତ ଧର୍ମଗଡ ଏସ ଡି ପିଓ ଡୋଲାମଣି ଭୋଇ ପହଞ୍ଚି ରେଡ କ୍ରସ ପାଣ୍ଠିରୁ  ୧୦ହଜାର ଟଙ୍କା ଆର୍ଥିକ ସହାୟତା ଓ ଗାଡ଼ି ମାଲିକ ସହ ଯୋଗାଯୋଗ କରି ମୃତ ପରିବାର କୁ ଆର୍ଥିକ କ୍ଷତିପୂରଣ ଦେବା ପରେ ରାସ୍ତା ଅବରୋଧ ରୁ ଉଠିଥିଲେ ।