03-Nov-2025

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ): ଓଡିଶାର ବିଖ୍ଯାତ ଗୀତିନାଟ୍ୟ ସମ୍ରାଟ, ଗଣକବି ସ୍ବର୍ଗତ ବୈଷ୍ଣବ ପାଣିଙ୍କ ଜନ୍ମସ୍ଥାନ କଟକ ଜିଲ୍ଲା ସ୍ଥିତ କୋଠପଦା, ବନଗୁରିଆ, ମାହାଙ୍ଗା ରେ ୩୦ ଏବଂ ୩୧ ତାରିଖ  ଦୁଇ ଦିନ ବ୍ୟାପି ଅଷ୍ଟମ ବାର୍ଷିକ ବାନା ବଟେଶ୍ୱର ମନ୍ଦିର ପ୍ରତିଷ୍ଠା ଉତ୍ସବ, ପୂଣ୍ୟ ପବିତ୍ର ଓଧାର୍ମିକ କାର୍ତ୍ତିକ ମାସରେ ଶ୍ରୀ ରାଧା ପାଦ ଦର୍ଶନ ଏବଂ ଅଅଁଳା ନବମୀ ତିଥିରେ କଟକ,ଓଡ଼ିଶାର ପୂର୍ବତନ ବାଚସ୍ପତି,କ୍ୟାବିନେଟ ମନ୍ତ୍ରୀ ତଥା ମହାନ ସାହିତ୍ୟିକ ସ୍ୱର୍ଗତ ଶରତ କରଙ୍କ ସୁଯୋଗ୍ୟ ସନ୍ତାନ ସାହିତ୍ୟିକ, ବିଶିଷ୍ଟ ରାଜନେତା ଶୋଭନ କର ଙ୍କ ଉପସ୍ଥିତିରେ ବିଶ୍ୱଶାନ୍ତି  ମହାଯଜ୍ଞ ଉତ୍ସବ ଅନୁଷ୍ଠିତ ହୋଇ ଯାଇଛି, ଏବଂ ଉକ୍ତ ମାଙ୍ଗଲିକ ଉତ୍ସବରେ ଏକ ଭଜନ ସନ୍ଧ୍ୟା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ ଭଜନ ସନ୍ଧ୍ୟାରେ କନ୍ଧମାଳ ଜିଲ୍ଲା ଚକାପାଦ ବ୍ଲକ ଅନ୍ତର୍ଗତ ଲାଇନପଡା ସ୍ଥିତ ପିଏମଶ୍ରୀ ବରଡ଼ା ବାଲୁଙ୍କେଶ୍ୱର ସରକାରୀ ଉଚ୍ଚ ବିଦ୍ୟାଳୟର କାର୍ଯ୍ୟରତ ହିନ୍ଦୀ ଶିକ୍ଷକ ତଥା ଶାସ୍ତ୍ରୀୟ ସଂଗୀତ ଭଜନ ଗାୟକ,ସଙ୍ଗୀତକାର, ସଂଗୀତ ରଚୟିତା, ଆକାଶବାଣୀ ଦୂରଦର୍ଶନ କଳାକାର,ସାହିତ୍ୟିକ,ଦକ୍ଷ ଉଦଘୋଷକ ଲକ୍ଷ୍ମୀ ନାରାୟଣ ପୁରୋହିତ ଅଂଶ ଗ୍ରହଣ କରି ହିନ୍ଦୀ,ଓଡ଼ିଆ ଏବଂ ସମ୍ବଲପୁରୀ ଭାଷା ରେ  ଉଚ୍ଚ କୋଟିର ଭକ୍ତି ସଙ୍ଗୀତ ପରିବେଷଣ କରିବା ସହିତ ଉତ୍ତମ ଉଦ୍ଘୋଷଣା ପ୍ରଦାନ କରି  ଉପସ୍ଥିତ ଥୀବା ଦର୍ଶକ ମାନଙ୍କୁ ମନ୍ତ୍ର ମୁଗ୍ଧ କରି ଆକର୍ଷଣୀୟ ସୁନ୍ଦର ଭଜନର ତାଳେ ତାଳେ ବିଭୋର କରିଥିଲେ। ଭଜନ ସନ୍ଧ୍ୟା ମଞ୍ଚରେ କୁନି କୁନିପିଲାମାନଙ୍କ ଦ୍ୱାରା ଭିର୍ନ୍ନ ଭିର୍ନ୍ନ ସ୍ୱାଦର ନୃତ୍ୟ ପରିବେଷଣ  କରାଯାଇଥିଲା। ପ୍ରସିଦ୍ଧ କୋଠପଦା, କଟକ  ସରକାରୀ ଉଚ୍ଚ ବିଦ୍ୟାଳୟରଅବସରପ୍ରାପ୍ତ ପ୍ରଧାନ ଶିକ୍ଷକ ତଥା ସଙ୍ଗୀତକାର କିଶୋରଚନ୍ଦ୍ର ଦାସ,ବରିଷ୍ଠ ସାମ୍ବାଦିକ ସାହିତ୍ୟିକ ଅଖିଳେଶପଦ ମହାନ୍ତି,ପ୍ରସିଦ୍ଧ ସମାଜସେବୀ ସାହିତ୍ୟିକ ଗଣେଶ ସାର୍,ବରିଷ୍ଠ ସହଯୋଗୀ ତଥା ଡକ୍ଟର କ୍ଷୀରୋଦଚନ୍ଦ୍ର ବେହାରୀ, ପ୍ରସିଦ୍ଧ ସଙ୍ଗୀତ ଗୁରୁ ଗୋବିନ୍ଦଚନ୍ଦ୍ର ସାହୁ,ବରିଷ୍ଠ ସହଯୋଗୀ ତଥା ସମାଜସେବ ନୀର ସାର୍, ପ୍ରସିଦ୍ଧ ତବଲାବାଦକ ଶ୍ରୀଯୁକ୍ତ ଶଙ୍କର୍ଷଣ ସାହୁ,ସଙ୍ଗଠକ ତଥା ଆୟୋଜକ ଗୌତମ  ପୃଷ୍ଟି,ବରିଷ୍ଠ ସହଯୋଗୀ  ଲିଟୁ ବାବୁ ଙ୍କ ପ୍ରତକ୍ଷ୍ୟ ତତ୍ୱାବଧାନ ରେ ବନଗୁରିଆବାସୀ ସହଯୋଗରେ କାର୍ଯ୍ୟକ୍ରମଟି ମହା ଆଡମ୍ବର ସହିତ ଶାନ୍ତି ଶୃଙ୍ଖଳାର ସହିତ ସମାପନ ହୋଇଥିଲା।