20-Oct-2025

ଭୁବନେଶ୍ୱର(ପ୍ରେରଣା ଖବର): ଓଡିଶା ରାଜ୍ୟ ବେଡ଼ମିଣ୍ଟନ ସଂଘ ଦ୍ୱାରା  ଆୟୋଜିତ ୧୧ ଓ ୧୩ ରୁ କମ ବୟସ ବର୍ଗ ରାଜ୍ୟ ବେଡ଼ମିଣ୍ଟନ ଚମ୍ପିୟନସିପ ଆଜି ଉଦଯlପିତ ହୋଇ ଯାଇଅଛି l  
ତିନି ଦିନ ବ୍ୟାପି ପୋଖରୀପୁଟ ସ୍ଥିତ ବିଜୁପଟ୍ଟନାୟକ ବହୁମୁଖୀ ଇଣ୍ଡୋର ଷ୍ଟେଡ଼ିଅମ ଠାରେ ଅନୁଷ୍ଠିତ ହୋଇ ଥିବା ଏହି ରାଜ୍ୟ ଚମ୍ପିୟାନସିପର ୧୩ ବର୍ଷରୁ କମ ବୟସ ବର୍ଗରେ ସମ୍ବଲପୁରର ଅୟଙ୍କ ସାହୁ ତ୍ରିମୁକୁଟ ଲାଭ କରିଛନ୍ତି l ଅୟଙ୍କ ସିଙ୍ଗଲ ଫାଇନାଲରେ  ଖୋର୍ଦ୍ଧାର ପଂସୁଲ ସେଠିଙ୍କୁ ସିଧାସଳଖ ୨୧/୧୮/ ୨୧/୯ ହରାଇ ଚମ୍ପିୟାନ ହୋଇଛନ୍ତି l ଡବଲସ ରେ ବାଲେଶ୍ୱର ର ଅର୍ଣ୍ଣବ ଦାସଙ୍କୁ ସାଥୀକରି ରାୟଗଡା- ଖୋର୍ଦ୍ଧା ଯୋଡି ଅନୁରୂପ ସାହୁ ଓ ପଂସୁଲ ସେଠିଙ୍କୁ ୨୧/୧୬/ ୧୪ ପଏଣ୍ଟ ରେ ପରାସ୍ତ କରିଛନ୍ତି l
ଠିକ ସେହିପରି ମିକ୍ସ ଡବଲସ ରେ ଅୟଙ୍କ ଏଲିନା ରାଜଙ୍କୁ ସାଥି କରି ସୁନ୍ଦରଗଡ ଓ କଟକ ଯୋଡି ଋତୁରାଜ ପୁଟେଲ ଓ ରିସିକା ଦାସ ଙ୍କୁ ସିଧା ସଳଖ ୨୧/୧୭, ୨୧/୧୭ ପଏଣ୍ଟ ରେ ହରାଇ ଚମ୍ପିୟାନ ହେବ ସହ ତ୍ରି ମୁକୁଟ ଲାଭ କରିଛନ୍ତି l

ଠିକ ସେହିପରି ୧୩ବର୍ଷରୁ କମ ବାଳିକା ବିଭାଗରେ ଜଗତସିଂହପୁରର ଲଷ୍ମୀପ୍ରିୟା ଗୋଛାୟତ ପ୍ରତିଯୋଗିତାରେ ଦ୍ବିମୁକୁଟ ଲାଭ କରିଛନ୍ତି l ସିଙ୍ଗଲ ରେ ଲଷ୍ମୀପ୍ରିୟା ଖୋର୍ଦ୍ଧାର ଆଦ୍ୟସା ଲେଙ୍କାଙ୍କୁ ୨୧/୧୨,୨୧/୧୧ ପଏଣ୍ଟ ରେ ହରାଇ ଚମ୍ପିୟାନ ହୋଇଛନ୍ତି l ଡବଲସରେ ଖୋର୍ଦ୍ଧାର ସାନଭି ସାହୁଙ୍କୁ ସାଥି କରି ଖୋର୍ଦ୍ଧା ଯୋଡି ଦର୍ଶ୍ୱନା ଜଗଦେବ ଓ ସରୟl ପିନିଟି ଙ୍କୁ ହରାଇ ଚାମ୍ପିୟନ ହୋଇଛନ୍ତି l

୧୧ରୁ କମ ବୟସ ବର୍ଗରେ ଖୋର୍ଦ୍ଧାର ସମର ମହାନ୍ତି ପ୍ରତିଯୋଗିତାରେ ଦ୍ବିମୁକୁଟ ଲାଭ କରିଛନ୍ତି l ସିଙ୍ଗଲରେ ସମର ନିଜ ଜିଲ୍ଲାର ସାଇ ଆଶିଷଙ୍କୁ ୨୧/୧୪,୨୧/୧୩ ପଏଣ୍ଟରେ ହରାଇ ଟାଇଟଲ ହାସଲ କରିଥିବାବେଳେ ଡବଲସରେ ମାଷ୍ଟର ଇଭାନଙ୍କୁ ସାଥି କରି ନିଜ ଜିଲ୍ଲାର ସାଇ ଆଶିଷ ଓ ବିହାନ ସାମନ୍ତ ରାୟଙ୍କୁ ୨୧/୧୭,୨୧/୧୧ ପଏଣ୍ଟରେ ହରାଇ ଚମ୍ପିୟାନ ହୋଇଛନ୍ତି l
ବାଳିକା ବିଭାଗରେ ସମ୍ବଲପୁର ର ଆରନି ବେହେରା ଖୋର୍ଦ୍ଧା ଖେଳାଳୀ ସାଇପ୍ରିୟା ସୁବୁଦ୍ଧିଙ୍କୁ ୨୭/୨୫,୨୨/୨୦ ପଏଣ୍ଟରେ ହରାଇ ଚମ୍ପିୟାନ ହୋଇଛନ୍ତି l
ବାଳିକା ଡବଲସରେ ଖୋର୍ଦ୍ଧା-କଟକ ଯୋଡି ସାଇପ୍ରିୟା ଓ ବଂଶୀକା ମଲ୍ଲିକ ଖୋର୍ଦ୍ଧା ଯୋଡି ଅନାୟା ସାମନ୍ତରାୟ ଓ ବୁଦ୍ଧନା ସୋନମ ଯୋଡିଙ୍କୁ ହରାଇ ଚମ୍ପିୟାନ ଆଖ୍ୟା ଲାଭ କରିଛନ୍ତି l
ଆୟୋଜନ କମିଟୀ ସମ୍ପାଦକ ଅଜିତ ମହାନ୍ତି ଓ ଦୀପକ ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ ହେଇଥିବା ଉଦଯାପନୀ ସଭାରେ ଓସବା ଯୁଗ୍ମସମ୍ପାଦକ ଶୈଳେନ୍ଦ୍ର ଚୌଧୁରୀ ଓ ମୁଖ୍ୟ ରେଫରୀ ବିଜୟ ବାଗ କୃତୀ ଖେଳାଳୀଙ୍କୁ ମାନପତ୍ର, ଟ୍ରଫି ଓ ପୁରସ୍କାର ଅର୍ଥ ଚେକ ଆକାରରେ ପ୍ରଦାନ କରିଥିଲେ l
ପ୍ରତିଯୋଗିତାର ସୁପରିଚାଳନା ପାଇଁ ଅଫିସିଏଲ  ପର୍ଯ୍ୟବକ୍ଷକ ଲକ୍ଷପତି ନନ୍ଦ ଓ ସୁବାସ ଚନ୍ଦ୍ର ସାହୁ ଟୁର୍ନାମେଣ୍ଟ ସଂଯୋଜକ ଭାବେ ତାରାକାନ୍ତ ଦାସ, ଅବଦୁଲ ହାକିମ ଓ ଜୟ ପ୍ରକାଶ ଜେନା, ପ୍ରତ୍ୟୁଷ ସାମନ୍ତରାୟ ପ୍ରତିଯୋଗିତାର ପର୍ଯ୍ୟବେକ୍ଷକ ଭାବେ ଓସବା ଉପସଭାପତି ପ୍ରଦୀପ ପଟନାୟକ ନିଯୁକ୍ତ ହୋଇଥିଲେ