03-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ସହର ର ବଡ଼ବଜାର ସ୍ଥିତ ଅନ୍ତରାମ ମଣ୍ଡପ ଦୂର୍ଗାପୂଜା ଚଳିତ ବର୍ଷ ୧୦୮ ବର୍ଷ ରେ ପଦାର୍ପଣ କରିଥିବା ଜଣାପଡ଼ିଛି l ସେହିପରି ଶ୍ରୀ ଗୁଣ୍ଡିଚା ଦୁର୍ଗା ପୂଜା କମିଟି ବଡ଼ବଜାରର ପୂଜା ମଧ୍ୟ ୧୧୦ ବର୍ଷ ପୂର୍ତ୍ତି ହୋଇଥିବା କହିଛନ୍ତି ସ୍ଥାନୀୟ ପୂର୍ବଜ ଜନସାଧାରଣ l ଦିନେ ସହରର ବ୍ୟବସାୟିକ ମୂଖ୍ୟ ପେଣ୍ଠସ୍ଥଳୀ ଥିବା ଏହି ଅଞ୍ଚଳରେ କାହିଁ ଆବାହମାନ କାଳ ରାଜୁଡି ଅମଳ ରୁ ଚାଲି ଆସିଥିବା ଅନ୍ତରାମ ମଣ୍ଡପ ଦୂର୍ଗାପୂଜା ସହରର ବେଶ ଶୃଙ୍ଖଳିତ ଦୁର୍ଗାପୂଜା ମଧ୍ୟରୁ ଅନ୍ୟତମ l ପୁର୍ବଜ ମାନଙ୍କ ପକ୍ଷରୁ ପ୍ରକାଶ ଯେ ପ୍ରାୟ ୧୯୧୮ ମସିହା ରେ ଆରମ୍ଭ ହୋଇଥିବା ଏହି ଦୂର୍ଗାପୂଜା ୧୦୮ ବର୍ଷ ହେଲା ଚାଲିଛି ଏବଂ ବର୍ତ୍ତମାନ ପୂର୍ବଜ ଙ୍କ ତୃତୀୟ ପୀଢ଼ି ପୂଜା କାର୍ଯ୍ୟ ସଂପାଦନ କରୁଛନ୍ତି l ପୂର୍ବରୁ ପ୍ରତିଷ୍ଠାତା ସଭ୍ୟ କଙ୍ଗାଳୁ ସାହୁ, ପୂର୍ବତନ ବିଧାୟକ ଅନ୍ତରାମ୍ ନନ୍ଦ, ରାମ ମାହାଣା, ଶିବ ନାରାୟଣ ସିଂଦେଓ (ଲାଲ ମନି) ସତ୍ୟନାରାୟଣ ସାହୁ ଙ୍କ ସହ ମୂର୍ତ୍ତି ତଥା ପରଭା କାରିଗର ଘୋଡ଼ାଘାଟପଡ଼ା ର ରାଧେଶ୍ୟାମ ମେହେର, ଭୀମସେନ ମହାରଣା, ବିଚିତ୍ରା ନନ୍ଦ ମହାନ୍ତି କରୁଥିବା ବେଳେ ପରେ ରାମ କୁମାର ପାତ୍ର, ବିରଞ୍ଚି ମହାନ୍ତି, ପ୍ରହଲ୍ଲାଦ ନନ୍ଦ, ଜୟ ପ୍ରକାଶ ମିଶ୍ର, ନନ୍ଦ କିଶୋର ଅଗ୍ରୱାଲା, ମହାବୀର ଭୂତ, ଶ୍ୟାମ ଶର୍ମା, କିରଣ ମିଶ୍ର, ହରି ନାରାୟଣ ତ୍ରିପାଠୀ, ଦିବାକର ସାହୁ, ଦୁଃଖୁରାମ୍ ମିଶ୍ର, ଅମୁ ଅଗ୍ରୱାଲା ପ୍ରମୁଖ ଜଣାଶୁଣା ବ୍ୟକ୍ତିତ୍ଵ ପୂଜା କାର୍ଯ୍ୟ ସଂପାଦନ କରୁଥିଲେ l ଏବେ କିନ୍ତୁ ତିନି ପୀଢ଼ି ପରେ ମଧ୍ୟ ଅନ୍ତରାମ ମଣ୍ଡପ ପୂଜା ଖୁବ୍ ଧୁମ୍ ଧାମରେ ପୂଜା ଚାଲିଛି l ବର୍ତ୍ତମାନ ଅନ୍ତରାମ ମଣ୍ଡପ ପୁଜା କମିଟି ରେ ସଭାପତି ଭାବରେ ମନିଲ କୁମାର ସାହୁ, ଉପ ସଭାପତି ଆଶିଷ ମେହେର, ସମ୍ପାଦକ ଭକ୍ତ ତରିଆ, କୋଷାଧ୍ୟକ୍ଷ ଅଶ୍ୱିନୀ କୁମାର ମେହେର ପ୍ରମୁଖ ଥିବା ବେଳେ ଧନୀ ସାହୁ, ଅନିଲ କୁମାର ସାହୁ, ପ୍ରକାଶ ରାଓ, ଜୟ ଶଙ୍କର ମେହେର, ରବୀନ୍ଦ୍ର ମେହେର, ଜଗା କୁମ୍ଭାର, ଧିରଜ ଅଗ୍ରୱାଲା ପ୍ରମୁଖ କର୍ମକର୍ତ୍ତା କାର୍ଯ୍ୟ ତୁଲାଉଛନ୍ତି l