02-Oct-2025

କଳାହାଣ୍ଡି,କୋକସରା(ତ୍ରିନାଥ ବେଶ୍ରା)
କଳାହାଣ୍ଡି ଜିଲ୍ଲା କୋକସରା ବ୍ଳକ  ମହିମା ପଞ୍ଚାୟତ ଡେଙ୍ଗାଗୁଡା ଅନ୍ତର୍ଗତ ତେନ୍ତୁଳିପଡା  ଗାଆଁରେ 
ମହାତ୍ମାଗାନ୍ଧୀ ଜୟନ୍ତୀ ଅବସରରେ ଜୟ ହିନ୍ଦ ୱାରିଅର୍ସ ଯୁବ ସଂଗଠନ ତରଫରୁ ବୃକ୍ଷରୋପଣ ଓ ସ୍ଵଚ୍ଛ ଭାରତ ଅଭିଯାନ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି ଯୁବ ସଂଗଠନ ବିଗତ ଏକ ବର୍ଷ ଧରି ତେନ୍ତୁଳିପଡା ଗାଁରେ ବିଭିନ୍ନ କାର୍ଯ୍ୟକ୍ରମ ଯେପରି ସ୍ଵାଧୀନତା ଦିବସ ପାଳନ, ଜାନୁୟାରୀ 26 ସାଧାରଣ ତନ୍ତ୍ର ଦିବସ ପାଳନ ଏବଂ ଗଣେଶ ପୂଜା ଏବଂ ନୂଆଖାଇ ଭେଟଘାଟ କାର୍ଯ୍ୟକ୍ରମ ମାଧ୍ୟମରେ ଗ୍ରାମର ଛୋଟ ଛୋଟ ପିଲାମାନଙ୍କ ଠାରୁ ଆରମ୍ଭ କରି ବୟସ୍କ ମହିଳା ଏବଂ ପୁରୁଷ ମାନଙ୍କୁ ନେଇ ମଧ୍ଯ  ବିଭିନ୍ନ ଖେଳ ପ୍ରତିଯୋଗିତା କରି ବିଜେତା ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ସେହିପରି ଆଜି ଜାତିର ପିତା ମହାତ୍ମା ଗାନ୍ଧୀ ଜୟନ୍ତୀ ଅବସରରେ ଯୁବ ସଂଗଠନ ଜୟ ହିନ୍ଦ ୱାରିଅର୍ସ ଗାଁରେ ଥିବା ୱାର୍ଡ ମେମ୍ବର, ଆଶାକର୍ମୀ, ଗ୍ରାମ୍ୟ ସମୀକ୍ଷକ ଏବଂ ଭଦ୍ର ବ୍ୟକ୍ତିଙ୍କ ଉପସ୍ଥିତିରେ ପ୍ରଥମେ ଗାନ୍ଧିଜୀଙ୍କ ପ୍ରତିମୂର୍ତ୍ତିକୁ ପୁଷ୍ପ ମାଲ୍ୟାର୍ପଣ କରାଯାଇଥିଲା ତାପରେ ସ୍ଥାନୀୟ ଯୁବକ ରସିକ ମେହେର ଗାନ୍ଧିଜୀଙ୍କ ନୀତି ଆଦର୍ଶ ଏବଂ ଜୀବନୀ ବିଷୟରେ ସମ୍ୟକ ଧାରଣା ପ୍ରଦାନ କରିଥିଲେ। ଆଜିର ଏହି କାର୍ଯ୍ୟକ୍ରମରେ ଜୟ ହିନ୍ଦ ୱାରିଅର୍ସ ର ସମସ୍ତ ସଦସ୍ୟ ମାନେ ଉପସ୍ଥିତ ରହି ଗ୍ରାମର ରାସ୍ତା ଦୁଇ ପାଖେ ସଫା କରି ବୃକ୍ଷରୋପଣ କରାଯାଇଥିଲା। ତତସହିତ ଛୋଟ ଛୋଟ ପିଲାମାନଙ୍କୁ ନେଇ ଗାଆଁ ପରିକ୍ରମା କରି ପ୍ଲାକାର୍ଡ ପ୍ରଦର୍ଶନ ଏବଂ ସ୍ଲୋଗାନ ମାଧ୍ୟମରେ ବୃକ୍ଷରୋପଣ ଏବଂ ଗାଁ ପରିବେଶ ସଫା ସୁତୁରା ରଖିବା ନିମନ୍ତେ ଲୋକମାନଙ୍କୁ ଉତ୍ସାହିତ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ଗାଁ ର ୱାର୍ଡ ମେମ୍ବର  ଗୀତା ଭରତିଆ,କୋକସରା ବ୍ଲକ ନାଗରିକ ବିକାଶ ସଂଗଠନ ସଭାନେତ୍ରୀ ଶ୍ରୀମତୀ ରଜନୀ ପାଣିଗ୍ରାହୀ, ଆଶାକର୍ମୀ ସୁକାନ୍ତି ସୁନାନୀ ତଥା " ଜୟ ହିନ୍ଦ ୱାରିଅର୍ସ ସଂଘ " ର ସଭାପତି- ଦେବାଶିଷ ମେହେର,ସମ୍ପାଦକ- ଉପେନ୍ଦ୍ର ସୁନାନି,ଏବଂ ଏହି ସଂଘର ଉପଦେଷ୍ଟା ମଣ୍ଡଳୀ ବଳଦେବ ନାଏକ,ଦୁରାନ୍ତ ସୁନାନି,ବିଶିକେଶନ ମେହେର ତଥା ସମସ୍ତ କର୍ମକର୍ତ୍ତା ଓ ତେନ୍ତୁଳିପଡା ଗ୍ରାମବାସୀ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ଯ ମଣ୍ଡିତ କରିଥିଲେ ।