02-Oct-2025

ବଲାଙ୍ଗୀର(ପ୍ରେରଣା ଖବର)-ରକ୍ତଦାନ ଜୀବନ ଦାନ ଏହି ମହତ ଉଦ୍ଦେଶ୍ୟନେଇ ପାଳିତ ହେଉଛି ସ୍ୱେଚ୍ଛାକୃତ ରକ୍ତଦାତା ଦିବସ । ଏହି ବାର୍ତ୍ତାକୁ ପ୍ରଚାରକରିବା ତଥା ଯୁବକମାନଙ୍କୁ ରକ୍ତଦାନ ପ୍ରତି ପ୍ରେରିତ କରିବାକୁ ଆଜି ନିଜେ ସ୍ୱାସ୍ଥ୍ୟମନ୍ତ୍ରୀ ଡ.ମୁକେଶ ମହାଲିଙ୍ଗ ରକ୍ତଦାନ କରିଛନ୍ତି । ନିଜ ନିର୍ବାଚନ ମଣ୍ଡଳିର ଲୋଇସିଂହା ସିଏଚସିରେ ତାଙ୍କ ସମର୍ଥକଗଣଙ୍କ ସହିତ ରକ୍ତଦାନ କରିବା ସହିତ ରକ୍ତଦାତାଙ୍କୁ ଉତ୍ସାହିତ କରିଛନ୍ତି l ଏହି 

ଏହି ଅବସରରେ ମନ୍ତ୍ରୀ ଡ.ମହାଲିଙ୍ଗ ସମାଜର ହିତ ଓ ଅନ୍ୟର ବହୁମୂଲ୍ୟ ଜୀବନ ବଞ୍ଚାଇବାକୁ ଆଗେଇ ଆସିଥିବା ସମସ୍ତ ରକ୍ତଦାତାମାନଙ୍କୁ ସାଧୁବାଦ ଜଣାଇଥିଲେ । ଆଗକୁ ରକ୍ତ ଅଭାବରୁ ଆଉ କେହି ଅସୁବିଧାରେ ନପଡନ୍ତୁ ଓ ସେଥିପାଇଁ ସମସ୍ତଙ୍କର ମିଳିତ ପ୍ରୟାସର ଆବଶ୍ୟକତା ରହିଛି ବୋଲି ମନ୍ତ୍ରୀ କହିଥିଲେ । ଗତ ଦୁଇଦିନ ହେଲା ମନ୍ତ୍ରୀ ଡ  ମହାଲଙ୍ଗ ନିଜ ନିର୍ବାଚନମଣ୍ଡଳିର ବିଭିନ୍ନ ପୂଜାମେଢ ବୁଲିବା ସହିତ କେତେକ ଉନ୍ନୟନ ପ୍ରକଲ୍ପର ଉଦଘାଟନ ମଧ୍ୟ କରିଛନ୍ତି । କୁଟାସିଂହାଠାରେ ଏକ ନବନିର୍ମିତ କଲ୍ୟାଣମଣ୍ଡପ କୁ 

କଲ୍ୟାଣମଣ୍ଡପକୁ ମନ୍ତ୍ରୀ ଉଦଘାଟନ କରିଥିବା ବେଳେ ଭରସୁଜାଠାରେ ଛେଲିଆପାଟ ମନ୍ଦିର ଉନ୍ନତିକରଣ ପାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲେ ।ଏହା ସହିତ କୁସଙ୍ଗରେ ଥିବା ପ୍ରସିଦ୍ଧ କୁସଙ୍ଗାଇ ପୀଠ, ମାହାରପାଲି, ସାଲେଭଟା, ଡୁଡୁକା, ଆଗଲପୁର,ବାଦିବାହାଲ,ଲୋଇସିଂହା,ବକଟି,ବେନ୍ଦ୍ରା,ସରଗାଡ,ବୁରୁମୁଣ୍ଡା,ସିଙ୍ଘାନୀମୁଣ୍ଡା,ତଲିଉଡାର,କୁସମେଲ,ମହିମୁଣ୍ଡା,ଆଠଗାଁ, କୁରୁଲ,ଜାମଗାଁ ଇତ୍ୟାଦି ଗ୍ରାମର ପୂଜାମଣ୍ଡପ ବୁଲି ମାଁ ଦୁର୍ଗାଙ୍କ ଦର୍ଶନ କରିଥିଲେ । ମନ୍ତ୍ରୀଙ୍କ ଏହି ଗସ୍ତ ସମୟରେ ପୁଇଁତଳା ପ୍ରତିନିଧି ଅଜିତ ପଣ୍ଡା,ଲୋଇସିଂହା ପ୍ରତିନିଧି ଗୌରାଙ୍ଗ ନାଏକ,ଆଗଲପୁର ପ୍ରତିନିଧି ପିତାମ୍ବର କଣ୍ଟା ପ୍ରମୁଖଙ୍କ ସହ ଶତାଧିକ କର୍ମି ସାମିଲ ଥିଲେ ।