14-Sep-2025

କଂଟାବାଞ୍ଜି(ମୋହନ ସୁନା): ବଲାଙ୍ଗୀ ଜିଲ୍ଲା ତୁରେକେଲା ବ୍ଲକରେ ଅନେକ ପଂଚାୟତରେ ପ୍ରଧାନମନ୍ତ୍ରୀ ଆବାସ ଘର ଯୋଜନା ବାଟମାରଣା ହୋଇଛି । ଘର ନାହିଁ ହେଲେ ଘର ବାବଦକୁ ଟଙ୍କା ଉଠାଇ ଜିଓ ଟ୍ୟାଗିଙ୍ଗ୍ କରୁଥିବା କର୍ମଚାରୀ ଓ କିଛି ବ୍ଲକ ପ୍ରଶାସନ ମିଶି ଟଙ୍କା ହଡପ୍ କରୁଥିବା ତଥ୍ୟା ସାମ୍ନାକୁ ଆସିଛି । ବ୍ଲକ ଅନ୍ତର୍ଗତ ଚଟୁଅନକା ପଂଚାୟତରେ ଏଭଲି ଘଟଣା ଗତବର୍ଷ ୨୦୨୪ ମସିହାରେ ଆବାସ ଘର ପାଇଁ ଦୁର୍ନୀତି ହୋଇଥିଲା । ଏଥିରେ ଜନଶୁଣାଣି ଶିବିରରେ ତାରିଣୀ ୟୁଥ କ୍ଲବ ଚଟୁଅନକାର ସଦସ୍ୟ ମାନେ ଅଭିଯୋଗ ମଧ୍ୟ ଆଣିଥିଲେ । ଆବାସ ଘର ଦୁର୍ନିତିରେ ଲିପ୍ତ ଥିବା ଜିଓଟ୍ୟାଗ ହେମନ୍ତ ଦାସକୁ ବ୍ଲକ ପ୍ରଶାସନ ବହିଷ୍କୃତ ମଧ୍ୟ କରିଥିଲା । ତେବେ ଏଥିରେ ସଂପୃକ୍ତ ଥିବା ନାଏବ ସରପଂଚଙ୍କ ସ୍ୱାମୀ ଦେବରାଜ ରଣାଙ୍କୁ ଏବେ ମଧ୍ୟ କୌଣସି କାର୍ଯ୍ୟନୁଷ୍ଠାନ ନିଆଯାଇ ନାହିଁ । ସୁଚନା ଥାଉ କି ଗାଁରେ ତିଆରି ହୋଇଥିବା ପ୍ରଧାନମନ୍ତ୍ରୀ ଆବାସ ଘର ତିଆରି କରିବା ଏବଂ ବିଭିନ୍ନ ସମୟରେ ଟଙ୍କା ପାଇବା ନାଁ ରେ ହିତାଧିକାରୀଙ୍କ ଠାରୁ ନାଏବ ସରପଂଚଙ୍କ ସ୍ୱାମୀ ଦେବରାଜ ହିତାଧିକାରୀଙ୍କ ଠାରୁ ମୋଟାଙ୍କ ଟଙ୍କା ହଡପ୍ କରିଛନ୍ତି । ଏଥିର ଏକ କଲ୍ ରେକର୍ଡି ମଧ୍ୟ ଭାଇରାଲ୍ ହେଉଥିବା ଜଣାପଡିଛି । ଲକ୍ଷ ଲକ୍ଷ ଟଙ୍କା ନିରିହ ହିତାଧିକାରୀଙ୍କ ଠାରୁ ଗିଲି ଦେଇଥିବା ବଡ ଚର୍ଚ୍ଚା । ଏହାକୁ ନେଇ ବ୍ଲକ ପ୍ରଶାସନ ପକ୍ଷରୁ କୌଣସି କାର୍ଯ୍ୟନୁଷ୍ଟାନ ନିଆଯାଇ ନଥିବା ଏବେ ସରପଂଚ ଜ୍ଞାନରଂଜନ ତାଣ୍ଡି କହୁଛନ୍ତି । ଶ୍ରୀ ତାଣ୍ଡିଙ୍କ ନିଜ ପଂଚାୟତରେ ଏଭଳି ଆବାସ ଦୁର୍ନୀତିକୁ ସହଜ ରେ ଛାଡି ଦିଆଯିବ ନାହିଁ ବୋଲି କହିବା ସହ ଏବେ ଗାଁର ଏଭଲି ୩୨ ଜଣ ହିତାଧିକାରୀଙ୍କ ଠାରୁ ଏମାନେ ଅର୍ଥ ଲୁଟ କରି ଥିବା ଘଟଣା କୁ ପ୍ରକାଶ କରି ଏଥିରେ ସଂପୃକ୍ତ ଥିବା ସମସ୍ତଙ୍କୁ ପ୍ରଶାସନ ପକ୍ଷରୁ କାର୍ଯ୍ୟନୁଷ୍ଠାନ ନିଆଯାଉ ବୋଲି କହିଛନ୍ତି । ଏହାକୁ ନେଇ ବ୍ଲକର ବିଡିଓ ପୁର୍ଣ୍ଣାନନ୍ଦ ପୁଟେଲଙ୍କ ଫୋନ ଉଠାଇ ନଥିବାରୁ କୌଣସି ପ୍ରତିକ୍ରିୟା ମିଳିନାହିଁ ।