12-Sep-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୋନପୁର ବିଜୁ ପଟ୍ଟନାୟକ ଡିଗ୍ରୀ ମହିଳା କଲେଜ ପକ୍ଷରୁ ପ୍ରଥମ ବର୍ଷ ର ନବାଗତା ଛାତ୍ରୀ ଙ୍କ ଉଦ୍ଦେଶ୍ୟରେ ସ୍ୱାଗତ ସମ୍ବର୍ଦ୍ଧନା ଉତ୍ସବ *ପ୍ରାରମ୍ଭ ୨୦୨୫* ମହା ସମାରୋହରେ ପାଳିତ ହୋଇ ଯାଇଛି l ଏହି ଉତ୍ସବରେ ରେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଏସପି ଶ୍ରୀ ନାରାୟଣ ନାୟକ ଯୋଗ ଦେଇ ନବାଗତ ଛାତ୍ରୀ ଙ୍କୁ ସ୍ୱାଗତ ଶୁଭେଛା ଜଣାଇ ସେମାନଙ୍କ ଟ୍ୟାଲେଣ୍ଟ ଶୋ ଗୀତ ନାଚ ଅଭିନୟ କଳା ସବୁ ଦେଖି ଭୂୟସୀ ପ୍ରଶଂସା କରିଥିଲେ l ଓ ପରିବାର ସମାଜ ଗଠନ ରେ ଛାତ୍ରୀ (ଝିଅ) ମାନଙ୍କ  ଭୂମିକା ଖୁବ୍ ଗୁରୁତ୍ଵ ପୁର୍ଣ୍ଣ କହି ସହିଷ୍ଣୁ ଓ ସଂସ୍କାରିତ ହେବାକୁ ଓ ଜୀଵନ ସହ ସଂଘର୍ଷ କରି ବହୁ ମୂଲ୍ୟ ଜୀବନ ରେ କେବେ ବି ହାରି ନ ଯାଇ ସମାଜ ରେ ଉଦାହରଣ ସାଜିବାକୁ ପ୍ରେରଣା ପ୍ରଦାନ କରିଥିଲେ l ସମ୍ମାନୀତ ଅତିଥି ଭାବରେ କଲେଜ ଅଧ୍ୟକ୍ଷା ରିତା ରାଣୀ ପୁଝାରୀ,  କଲେଜ ପରିଚାଳନା କମିଟି ର ପ୍ରାକ୍ତନ ସଭାପତି ଅଭିମନ୍ୟୁ କୁଶଳ ଯୋଗ ଦେଇ ଛାତ୍ରୀ ଙ୍କୁ ଉତ୍ସାହିତ କରିଥିଲେ l ଅଧ୍ୟାପିକା ସଞ୍ଜୁ ସିଂହ ସ୍ଵାଗତ ଭାଷଣ ଦେଇ ଥିବା ବେଳେ ସିନିୟର୍ ଛାତ୍ରୀ ଅର୍ପିତା ପଟ୍ଟନାୟକ ସଭା ପରିଚାଳନା କରିଥିଲେ l ସାଂସ୍କୃତିକ କାର୍ଯ୍ୟକ୍ରମ କୁ କାଜଲ, ପ୍ରାଚୀ, ଗୁନ ଗୁନ୍, ସ୍ୱାଗତିକା, ଅର୍ପିତା ପ୍ରମୁଖ ପରିଚାଳନା କରିଥିବା ବେଳେ ପୂଜାରାଣି ପୁରୋହିତ, ସ୍ମୁତି ମୟୀ ନାଏକ, ପାର୍ବତୀ ପାଣିଗ୍ରାହୀ ବିଚାରକ ଭାବେ ଦାୟିତ୍ୱ ନେଇ ଥିଲେ l ଇଁରାଜୀ ଅଧ୍ୟାପକ ମଦନ ସୁନ୍ଦର ଖେତୀ ଅତିଥି ପରିଚୟ ସହ  ସ୍ୱାଗତ ସମ୍ବର୍ଦ୍ଧନା କରିଥିଲେ l ସକାଳ ୧୦ ଟା ରୁ ସନ୍ଧ୍ୟା ୭ ଟା ଯାଏ ନବାଗତା ଛାତ୍ରୀ ଙ୍କ ମଧ୍ୟରେ ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରା ଯାଇଥିବା ବେଳେ ଏସପି ଶ୍ରୀ ନାୟକ ଓ କଲେଜ ଅଧ୍ୟକ୍ଷା ଛାତ୍ରୀ ଙ୍କ ନାଚ ରେ ସାମିଲ୍ ହୋଇ ନୂଆଁ ଛାତ୍ରୀ ଙ୍କୁ ଉତ୍ସାହିତ କରିଥିଲେ l. ଆଜି ପ୍ରାରମ୍ଭ ଉତ୍ସଵ ର ମିସ ଫ୍ରେଶର ୨୦୨୫ ଭାବେ ଇତିହାସ ବିଭାଗ ର ମିସ ବବ୍ଲି ଭୋଇ,  ଓ ମିସ ଦିୱା ୨୦୨୫  ଭାବେ  ମିସ୍ ସୌମ୍ୟାଶ୍ରୀ ସ୍ବାଇଁ ଙ୍କୁ ସିନିୟର୍ ଛାତ୍ରୀ ତଥା ବିଗତ ବର୍ଷ ର ଉଭୟ ବିଜେତା ଙ୍କ ଦ୍ଵାରା ପୁରସ୍କୃତ କରଯାଇଥିଲା l ଆଜିର କାର୍ଯ୍ଯ କ୍ରମ ରେ କଲେଜ ର ସମସ୍ତ ଅଧ୍ୟାପକ ଅଧ୍ୟାପିକା କର୍ମଚାରୀ ଓ ସିନିଅର ଛାତ୍ରୀ ସହଯୋଗ କରିଥିଲେ l