07-Sep-2025

ଡୁଙ୍ଗୁରିପାଲି, ତା ୦୬/୯:ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ  ବିଦ୍ୟାଳୟ ମାୟାବର୍ହ୍।ଠାରେ ବିଦ୍ୟାଳୟର ପ୍ରଧାନ ଶିକ୍ଷକ ଡ. ରବିଚନ୍ଦ୍ର ପଶାୟତଙ୍କ ମାର୍ଗଦର୍ଶନରେ ପଶ୍ଚିମ ଓଡ଼ିଶା ର ପ୍ରମୁଖ ପର୍ବ ନୂଆଁଖାଇ ଅବସରରେ ନୂଆଁଖାଇ ଭେଟଘାଟ  ଅନୁଷ୍ଠିତ ହୋଇଯାଇଛି। ବିଜ୍ଞାନ ଶିକ୍ଷକ ଦୀନବନ୍ଧୁ ପ୍ରଧାନ ଦିବସରେ ସଭାପତିତ୍ବ କରିବା ସହ  ଆମ ସଂସ୍କୃତିରେ ଦେବଦେବୀ ପୂଜନ ସହ ସେମାନଙ୍କୁ ପ୍ରଥମ ଅର୍ଣ୍ଣ ସମର୍ପଣର ବିଧି, ପ୍ରଥା, ଲୋକକଳା ଉପରେ ଆଲୋଚନା କରିଥିଲେ। ସଭାରେ ହିନ୍ଦୀ ଶିକ୍ଷକ ନନ୍ଦିଘୋଷ ବାରିକ ସ୍ବାଗତ ଭାଷଣ ପ୍ରଦାନ କରିବା ସହ ସଂଯୋଜନା କରିଥିଲେ। କନ୍ଦା ଗାଡ ଉଚ୍ଚ ବିଦ୍ୟାଳୟର ପୂର୍ବତନ ଶିକ୍ଷକ ସମ୍ପଦ ଖମାରୀ ମୁଖ୍ୟ ଆତିଥି ଭାବରେ ଯୋଗଦାନ କରି ନୂଆଁଖାଇ ଏକ ଉତ୍ସବ ନୁହେଁ ବରଂ ଏହା କୃଷି ଓ କୃଷକର ମିଳନ ଓ ସଂହତିର ପର୍ବ ବୋଲି ମତ ବ୍ୟକ୍ତ କରିଥିଲେ।  ଛାତ୍ର ଛାତ୍ରୀଙ୍କ ମଧ୍ୟରୁ ପୂଜାରାଣୀ ଦୀପ, ଆଭା ସାହୁ, ପ୍ରୀତି ପ୍ରଧାନ, ଜାଗୃତି ଶେଠ୍, ଆୟୁଷ ସାହୁ, ଆୟୁଶି ନାୟକ,ଶ୍ରୀତମ ବାଘ୍ ଓ ଶିକ୍ଷକଙ୍କ ମଧ୍ୟରୁ କିରଣ କୁମାର ପଟେଲ ଆଲୋଚନା ଚକ୍ରରେ ଭାଗନେଇ ସ୍ଵ ପ୍ରସ୍ତୁତ ପାୱାର ପଏଣ୍ଟ ଉପସ୍ଥାପନ କରିଥିଲେ।

ଶେଷରେ ଛାତ୍ରଛାତ୍ରୀ ମାନେ ଦଳଗତ ନୃତ୍ୟ ପରିବେଷଣ କରି କାର୍ଯ୍ୟକ୍ରମ କୁ ମନମୁଗ୍ଧକର କରିଥିବା ବେଳେ ଖେଳ ଶିକ୍ଷକ ଚିନ୍ମୟ କୁମାର ଦାସ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମକୁ  ମୀନକେତନ ଦାସ, ବିଭୀଷଣ ଖମାରୀ, ସୁରଜ୍ ଖମାରୀ , ସମୀର କାଠର, ସୋଭାଗିନି ସାହୁ, ସୂର୍ଯ୍ୟକାନ୍ତି କାଣ୍ଡ ପ୍ରଭୁତି   ସହଯୋଗ କରିଥିଲେ ।