27-Aug-2025

ସିନାପାଲି (ଚିନ୍ତା ମଣି ନେତାମ)
 ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ନୀଳଜୀ ଗ୍ରାମର ନୂତନ ଭାବରେ ଉନ୍ନୀତ ଲାଭ କରିଥିବାସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଆନୁଷ୍ଠନିକ ଭାବରେ +୨ ନାମ ଲେଖା ପୋର୍ଟାଲର ଶୁଭରମ୍ବ ହୋଇଯାଇଛି  l ଏହି ଉପଲକ୍ଷେ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଅନୁଷ୍ଠିତ ସର୍ବସାଧାରଣ ସଭାରେ ଏହି ବିଦ୍ୟାଳୟର ଅଧକ୍ଷ ଶ୍ରୀଯୁକ୍ତ ପିତାମ୍ବର ଟୋଲଟିଆ ସଭାପତିତ୍ୱ କରିଥିବାବେଳେ ମୁଖ୍ୟ ଅତିଥିଭାବରେ ଏହିବିଦ୍ୟାଳୟର ପୂର୍ବତନ ପ୍ରଧାନଶିକ୍ଷକ ଶ୍ରୀଯୁକ୍ତ ମହେଶ କୁମାର ତିୱାରୀ, ବିଶିଷ୍ଟ ଅତିଥି ଭାବରେ ନୀଳଜୀ ଗ୍ରା :ପ :ର ସରପଞ୍ଚ ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ,ମୁଖ୍ୟ ବକ୍ତା ଭାବରେ ସ୍ଥାନୀୟ ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ  ସତ୍ୟବ୍ରତ ଗହୀର,ସମ୍ମାନିତ ଅତିଥିଭାବରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ କପିଳେଶ୍ୱର ପାତ୍ର,ଶ୍ରୀଯୁକ୍ତ ସଡାନନ ସୁନାନୀ, ସମିତି ସଭ୍ୟ ଶ୍ରୀଯୁକ୍ତ ଦିଗାମ୍ବର ପ୍ରଧାନ,ଶ୍ରୀଯୁକ୍ତ ଦୁର୍ଗୁନିଆଲ,ଶ୍ରୀଯୁକ୍ତ ରାକେଶ ମିଶ୍ର ଯୋଗ ଦେଇଥିଲେ  l  
ସହ ଶିକ୍ଷକ ଶ୍ରୀଯୁକ୍ତ ଶେଷଦେବ କାଲେତ ଅତିଥିଗଣଙ୍କୁ ମଞ୍ଚକୁ ସ୍ୱାଗତ କରିବାସହ ପରିଚୟ ପ୍ରଦାନ କରିଥିଲେ  l ଛାତ୍ରଛାତ୍ରୀ ଗଣ ଅତିଥି ଗଣଙ୍କୁ ଫୁଲଗୁଛ ଓ ଚନ୍ଦନ ଟୀକା ଦେଇ ସମ୍ମର୍ଦ୍ଧିତ କରିଥିଲେ  l ଅତିଥିଗଣଙ୍କ ଦ୍ୱାରା ଦେବ ପୂଜନ ପରେ ସଭାକାର୍ଯ୍ୟ ଆରମ୍ଭ ହୋଇଥିଲା l ପୂର୍ବତନ ସି ଆର ସି ସି ଶ୍ରୀଯୁକ୍ତ ରାକେଶ ମିଶ୍ର ସଭାକାର୍ଯ୍ୟ ସଂଯୋଜନା କରିଥିଲେ  l ଏହି ଅବସରରେ ୧୯୮୧ ମସିହାରେ "ସିନାପାଲି ବ୍ଲକର ପଶ୍ଚିମାଞ୍ଚଲ "ର ଶିକ୍ଷାର ବିକାଶ ପାଇଁ ନୀଳଜୀ ଠାରେ ଗଢ଼ାଯାଇଥିବା ନୀଳଜୀ ଉଚ୍ଚ ବିଦ୍ୟାଳୟର ପ୍ରାଣ ପ୍ରତିଷ୍ଠା ସହ ପ୍ରଗତି ପାଇଁ ତତ କାଳୀନ ଯେଉଁ ମହାନୁଭବ ଗଣ ନିଷ୍ଠାପର ଉଦ୍ୟମ, ଆନ୍ତରିକ ସହଯୋଗ ଏବଂ ଭୂମି ,ଅର୍ଥ,ସମୟ, ଶ୍ରମ,ଓ ସମ୍ବଳ ଦାନ କରିଥିଲେ  l ସେମାନଙ୍କୁ ତଥା ବର୍ତ୍ତମାନ ଯେଉଁ ବୁଦ୍ଧିଜିବି ଗଣଙ୍କ ଉକ୍ତ ବିଦ୍ୟାଳୟ ଉଚ୍ଚ ମାଧ୍ୟମିକ ବିଦ୍ୟାଳୟ ଭାବରେ ଉନ୍ନୀତ ହେବାରେ ଅବଦାନ ରହିଛି ସେମାନଙ୍କୁ ବିଦ୍ୟାଳୟ ତରଫରୁ ଅଧ୍ୟକ୍ଷ ଗଭୀର ହୃଦୟ ଭରା କୃତଜ୍ଞତା ଜ୍ଞାପନ କରିଥିଲେ l ତା ସଙ୍ଗେ ସଙ୍ଗେ ବ୍ଲକ ଓ ଜିଲ୍ଲା ଶିକ୍ଷା ବିଭାଗୀୟ ଅଧିକାରୀଙ୍କୁ ମଧ୍ୟ ଉପସ୍ଥିତ ଅତିଥିଗଣ ହାର୍ଦ୍ଧିକ ଧନ୍ୟବାଦ ଦେବାସହ କୃତଜ୍ଞତା ଜ୍ଞାପନ କରିଥିଲେ l ଏହି ଅବସରରେ ମୁଖ୍ୟ ଅତିଥିଙ୍କ ଦ୍ୱାରା +୨ ନାମ ଲେଖା ପୋର୍ଟାଲ ଶୁଭାରମ୍ଭ କରାଯାଇଥିଲା  l ଆଜିର ଦିବସ ଏହି ଉଚ୍ଚ ମାଧ୍ୟମିକ ବିଦ୍ୟାଳୟର ଇତିହାସରେ ସ୍ବର୍ଣ୍ଣ ଅକ୍ଷରରେ ଲିପିବଦ୍ଧ ହୋଇ ରହିବ ବୋଲି ଅତିଥିଗଣ ମତ ପୋଷଣ କରିବା ସହ ଏହି ବିଦ୍ୟାଳୟ ଅଭୁଲା ଅତୀତର "ସ୍ମୃତି "ଚାରଣ କରିଥିଲେ  l  ସମସ୍ତେ ଉଚ୍ଚ ମାଧ୍ୟମିକ ବିଦ୍ୟାଳୟ ର  ଉତ୍ତୋରତ୍ତର ବିକାଶ କାମନା କରିଥିଲେ  l ସଭାଶେଷରେ ଶିକ୍ଷକ ଶ୍ରୀ ପୀତବାସ ନାଏକ ସମସ୍ତଙ୍କୁ ଧନ୍ୟବାଦ ଦେଇଥିଲେ  l ଏହି ଐତିହାସିକ ସଭାରେ ଏହି ଅଞ୍ଚଳ ର  ପ୍ରମୁଖ ବ୍ୟକ୍ତି ସର୍ବ ଶ୍ରୀ କ୍ଷମାଧର ନିଆଲ, ନାରାୟଣ ସା,ଫରସ ରାମ ସା,ଲଛମନ ବଞ୍ଜରା,ଗୌରଚନ୍ଦ୍ର ସା,ଦୀପକ ସା, ଧୀରେନ୍ଦ୍ର କୁମାର ସା, ଦେବାନନ୍ଦ ବାଗ,ଯୀଶୁ ପ୍ରଧାନ, ତାରାଚନ୍ଦ୍ର ପ୍ରଧାନ,ଲୋମସ ସା,ଚନ୍ଦ୍ର ମାଳି,ହରଦାସ ସାଗର,ନବ ବାଗ, ଖେଜା ସା,ଖଗେଶ୍ୱର ବାଗ, କମଳ ସା ତଥା  ସମସ୍ତ ଶିକ୍ଷକ ଉପସ୍ଥିତ ଥିଲେ