16-Jul-2025

ଭୁବନେଶ୍ୱର, ଭୁବନେଶ୍ୱର ସ୍ଥିତ ନୀଳାଦ୍ରିବିହାର ଅଞ୍ଚଳର ଧର୍ମପ୍ରାଣା ମହିଳା ବିଜୟାଲକ୍ଷ୍ମୀ ସାହୁଙ୍କର ୫୮ ବର୍ଷ ବୟସରେ ପରଲୋକ ଘଟିଛି । ଧର୍ମମାସ ଶ୍ରାବଣର ପ୍ରଥମ ସୋମବାର ବିଳମ୍ବିତ ରାତିରେ ଇହଧାମ ଛାଡି ସ୍ୱର୍ଗଧାମକୁ ବାହୁଡି ଯାଇଛନ୍ତି ବିଜୟାଲକ୍ଷ୍ମୀ । ନୀଳାଦ୍ରିବିହାର ଯୁବ ସାଂସ୍କୃତିକ ସଙ୍ଘର ବରିଷ୍ଠ କର୍ମକର୍ତ୍ତା ପ୍ରକାଶ ଚନ୍ଦ୍ର ସାହୁଙ୍କର ସେ ଧର୍ମପତ୍ନୀ ଥିଲେ । ସେ ଜଣେ ମେଳାପୀ, ପରୋପକାରୀ, ମିଷ୍ଠଭାଷୀ, ସରଳ, ନିଷ୍କପଟ, ଧର୍ମପ୍ରାଣା ମହିଳା ଥିଲେ । ମୃତ୍ୟୁ ଶଯ୍ୟା ପାଖରେ ତାଙ୍କର ଏକ ମାତ୍ର ପୁତ୍ର ଶୁଭ୍ରଜିତ ମହାପାତ୍ର, ପୁତ୍ରବଧୁ ସସ୍ମିତା ସାହୁ, ଭଣଜା ରାଜେଶ କୁମାର ସାହୁ, ସଂଘର ସଭାପତି ଡ଼ ପ୍ରକାଶ ଚନ୍ଦ୍ର ପାଣିଗ୍ରାହୀ, ସାଂସ୍କୃତିକ ସମ୍ପାଦକ ବଟକୃଷ୍ଣ ପଣ୍ଡା, ସଭ୍ୟ ସୁକାନ୍ତ ରାଉତ, କୁମାର ବାରିକ, ଅର୍ଜୁନ ଦେହୁରୀ, ଲାଲ ମୋହନ ପଟ୍ଟନାୟକ, ନିରଞ୍ଜନ ସାହୁ, ମଦନ ମୋହନ ପୃଷ୍ଟି, ବନ୍ଧୁ ବାନ୍ଧବ, ଅଂଚଳର ବ୍ୟକ୍ତି ବିଶେଷ ଓ ସଂଘର  ଅନ୍ୟ ସଭ୍ୟ ସଭ୍ୟା ବୃନ୍ଦ ଉପସ୍ଥିତ ଥିଲେ । ତାଙ୍କ ବିୟୋଗରେ ସ୍ଥାନୀୟ ଅଂଚଳରେ  ଶୋକର ଛାୟା ଖେଳି ଯାଇଛି । ତାଙ୍କ ମୃତ୍ୟୁର ଖବର ପାଇ ସ୍ଥାନୀୟ ଅଞ୍ଚଳର ବହୁ ରାଜନେତା ଓ ଜନସାଧାରଣ ନୀଳାଦ୍ରିବିହାର ସ୍ଥିତ ବାସଭବନରେ ପହଞ୍ଚି ସ୍ୱର୍ଗତ ଆତ୍ମାର ସଦଗତି କାମନା କରିବା ସହିତ ଶେଷ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ପରେ ପରେ ଯୁବ ସାଂସ୍କୃତିକ ସଙ୍ଘର ନେତୃତ୍ୱରେ ତାଙ୍କ ମରଶରୀରକୁ ନୀଳାଦ୍ରୀବିହାରରୁ ଶୋଭାଯାତ୍ରାରେ ଶାଶୁଘର ବାଲିଅନ୍ତା ରଅଡପଡାକୁ ନିଆଯାଇଥିଲା । ସେଠାରେ ବନ୍ଧୁ ପରିଜନଙ୍କ ଶେଷ ଦର୍ଶନ ପରେ ପୁରୀ ସ୍ୱର୍ଗଦ୍ୱାର ଠାରେ ପୁତ୍ର ଦ୍ୱାରା ମୁଖାଗ୍ନି ସହ ତାଙ୍କର ଶେଷକୃତ ସମ୍ପନ୍ନ କରାଯାଇଥିଲା  । ଅନ୍ତ୍ୟେଷ୍ଟି କ୍ରିୟା କର୍ମର ସମସ୍ତ କାର୍ଯ୍ୟକର୍ମ ତାଙ୍କ ଗ୍ରାମରେ ସମ୍ପର୍ଣ କରାଯିବ ବୋଲି ପରିବାର ସୂତ୍ରରୁ ପ୍ରକାଶ କରାଯାଇଛି