11-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ୱାର୍ଡ ନ ୧  ନିଗମାନନ୍ଦ ବିହାର ନିବାସୀ ଟିକେଲାଲ ନାଏକ ଓ ହରପ୍ରିୟା ନାଏକ ୩୦ ବର୍ଷ ତଳେ ବିବାହ ବନ୍ଧନ ରେ ଆବଦ୍ଧ ହୋଇ ନିଜର ଦାମ୍ପତ୍ୟ ଜୀବନ ଅତିବାହିତ କରି ଆସୁଥିବା ବେଳେ ଚଳିତ ବର୍ଷ ମାର୍ଚ୍ଚ ୧୦ ତାରିଖ ଦିନ ନିଗମାନନ୍ଦ ବିହାର ପଡ଼ା ବାସୀ ଙ୍କ ଉଦ୍ୟମ ରେ ତାଙ୍କ ୩୧ ତମ  ବିବାହ ବାର୍ଷିକୀ କୁ ସ୍ମରଣୀୟ କରିବା ପାଇଁ ଏକ ନିଆରା ଉଦ୍ୟମ କରାଯାଇଥିଲା । ନିଗମାନନ୍ଦ ବିହାର ଉନ୍ନୟନ କମିଟି ର ସଭାପତି ସଦାଶିବ ସାହୁ ,ସଙ୍କୀର୍ତ୍ତନ ପରିଷଦ ର ସଭାପତି ବାଙ୍କା ବିହାରି ସାହୁ ଙ୍କ ଉଦ୍ୟମ ଓ ପ୍ରତ୍ୟକ୍ଷ ତତ୍ବାବଧାନରେ ପଡ଼ା ର ବରିଷ୍ଠ ସଦସ୍ୟ ପ୍ରଦୀପ ସାହୁ କନ୍ୟା ପିତା ସାଜିଥିବା ବେଳେ ଅନ୍ୟତମ ବରିଷ୍ଟ ସଦସ୍ୟ ଦଇତାରୀ ସାହୁ ବର ପିତା ସାଜି ପଡ଼ା ବାସୀ ଙ୍କ ଉପସ୍ଥିତି ରେ ପୁନଃ ବିବାହ ର ଆୟୋଜନ କରିଥିଲେ । ପୁରୋହିତ ଭାବେ ଏହି ପଡ଼ା ର ଅନ୍ୟତମ ସଦସ୍ୟ ପଣ୍ଡିତ ସନ୍ତୋଷ ପଣ୍ଡା ମନ୍ତ୍ର ଉଚ୍ଚାରଣ ପୂର୍ବକ ୩୧ ବର୍ଷ ରେ ପଦାର୍ପଣ କରିଥିବା ଏହି ଦମ୍ପତି ଙ୍କୁ ସ୍ଥାନୀୟ ଦୁର୍ଗା ମଣ୍ଡପରେ ଆଶୀର୍ବାଦ ପ୍ରଦାନ କରିଥିଲେ ।ତେବେ ନିଆରା ଏହି  ବିବାହ ବାର୍ଷିକୀ ପାଳନ ଅବସର ରେ ପଡ଼ା ର ସମସ୍ତ ପଡ଼ା ବାସୀ ଉପସ୍ଥିତ ରହି ଏହି ଦମ୍ପତି ଙ୍କୁ ଆଶୀର୍ବାଦ ପ୍ରଦାନ କରିଥିବା ବେଳେ  ଟିକେଲାଲ ଓ ହରପ୍ରିୟା ପଡ଼ା ବାସୀ ଙ୍କୁ ମିଷ୍ଟାନ୍ନ ରେ ଆପ୍ୟାୟିତ କରିଥିଲେ ।